其實老公真係對我好好，試問個老婆有個咁嘅病好大可能會走左去，最近我以經落唔到街，行幾步隻腳會無力又痛，屋企野就等老公放假買，好似早排係屋企跌親過幾次，佢即刻幫我買過支拐杖比我
同佢一齊已三十幾年，我好記得當日佢知我有病仲喊添 
4個讚
當日我生仔仔時我爸以經有事，醫生只話腦退化，我地緊本唔知係遺傳病，到後期我哥都病發行路出問題，咁啱我爸入院照胃鏡，我多口問醫生我話我哥好似我爸咁，我驚自己有，當時我行路未有事，醫生先幫我地排期見遺傳科，最後先確診
好似啱啱先做完臨床實驗，距離推出仲有一段時間，希望我等到啦
1個讚
我就係女主角個病，呢個病真係好折磨
咁你不如直接話比聽媽媽有甘既問題而醫生安全起見要子女驗血檢查，其實你吾講萬一有啲乜嘢事都係要佢知，佢已經係成年人，佢亦都要分擔下家庭問題，大家正面面對，希望你可以平安健康！
Sorry, 我睇錯左係你問你媽媽佢先講 
佢係一個好要面嘅人，以家我好憎我媽 
當日我爸係醫院做完手術出得院我媽唔肯接佢返屋企，話照顧佢唔到幾十萬個理由，最後送左我爸入老人院，初初都有探佢嘅，慢慢連我爸去覆診都唔肯去
到我哥坐輪椅，我媽話接受唔到佢坐輪椅，我哥係有病，佢都唔想，佢唔係去玩整親，你話接受唔到個仔坐輪椅，唔通坐果個又好好受咩 
平時日頭我哥叫外賣食，夜晚我媽只煮一個出前一丁比佢做晚餐，係晚晚都係公仔麵 
有次我哥坐住輪椅返完教會返到屋企樓下，啱啱我媽返到，佢當唔識我哥撘第二部電梯上樓，之後同我哥講係屋企樓下撞到佢唔好叫佢當唔識 有日我媽打比我叫我上佢度話我哥有事，當時我囡仲坐緊 BB 車，上到去發覺我哥神智唔係好清醒，佢指住幅牆黎鬧，但聽唔到佢鬧乜，地櫃面嘅什物比佢掃曬落地，我見佢咁就叫我媽 Call 白車，我媽唔肯，話搵左我哥教會朋友黎，講真，佢朋友又唔係醫生邊識，等到佢朋友黎同我哥傾完都覺得我哥好亂，就話 Call 白車送佢入院，佢仲陪埋一齊去，話我囡細唔好推佢去叫我返屋企等佢電話，醫生同佢檢查完都唔知咩事，問題黎喇，我媽唔肯接佢返屋企話照顧唔到佢又乜又柒幾十萬個理由，我同我哥講住老人院係悶，但一日有三餐食有姑娘睇住你，病左都有人知，最後我哥先肯入！
6個讚
好恐怖，你阿媽仲係唔係人嚟﹖(唔好意思)
5個讚
你地見過一個老母咁未 
當年佢知我大肚第一句說話唔係恭喜我，係叫我落左佢，我嬲到出煙，問我睇開個醫生有無得落，但果個只係普通西醫唔係婦產科囉，佢見我唔肯就叫我唔好同人講我大肚，我咪話點唔講呀，我個肚會大架嘛，唔通同人講我生野咩，緊住我黑面對住佢佢先無再講 
到返醫院照到係女，佢打黎問我我咪話比佢聽囉，頂 … d 語氣衰到爆，女呀，醫生有無照錯呀 唔係仔就女架啦，唔通我生個 ET 出黎咩！到我生完佢就講 … 生埋呢個好喇，唔好再生，湊唔掂架！佢唔係講一次，兩日講一次，我頂佢唔順咪話我又無話再生，講一次就夠，唔使成日講，佢先識收聲
2個讚
唔使唔好意思喎，講真，我真係好憎佢，雖然以家同佢一齊住，但一日講唔夠十句說話
同人講要服待我，湊我囡返學放學，夜晚要煮飯比我食 但屋企野佢唔會幫我做，同人講到晚晚煮，實情係一個禮拜煮兩、三晚，其餘我食外賣，佢係湊我囡返學放學，我落到街唔使求佢
之前同我出去，可能我攞拐杖關系，d 人成日眼望望，如果比我媽發覺有人望住我佢就殺人咁款超住人地，攞拐杖果個都唔介意，你介意 d 乜
唔使 Sorry 喎
1個讚
你阿媽真係好過份，好無情。佢性格咁有問題，你仲肯同佢住真係好難得。不過佢幫手湊女女會唔會教壞佢
或者咁諗起碼你大仔同細女都健康成長、有佢哋同你老公支持可以保持到而家既狀態、我唔識太多、做下治療會唔會減慢退化？
拿好老土咁講︰生命係重質不重量，我見樓主你有仔有女有老公，點都係幸福，健康係會奪去我哋幸福，但你幸福量本身多，你要努力戰勝佢，將最壞時刻拖到最後
人生，逆境波有逆境波咁打法，你未到最後唔會知邊個贏
就算最後失去健康，樓主你有起碼三十年幸福婚姻做回憶，我就點都唔覺得係輸
6個讚
佢以前唔係咁，愈老愈衰，同我嫂講 ( 同我哥離左婚好多年 ) ，同我住好受氣，又要服待我又要煮飯，講野掉轉黎講 
唔知邊個比氣邊個受呢 我一講柒婆佢就黑起塊面，咁鍾意佢搬去同佢住丫笨
1個讚
曾經有朋友同我講天下無不是之父母，但呢句說話絕對唔適合用係我老母身上，佢亦唔配
10個讚
最憎呢句，一嘢講過黎就係講到好似係子女不孝咁，道德綁架。
10個讚
有好多父母都係想養兒防老, 可能而家見仔女都係有病反而要照顧返佢地,就會諗埋一邊.
利申: 我唔BUY 養兒防老
7個讚
題外話，有時都好驚自己老左會唔會變成自己都唔鍾意嘅人