加多句，不過我認同應承咗就要準時！呢個係基本！
係呀，我以前都係自己湊兩個一腳踢，冇工人冇長老幫，老公成日唔係香港
我都係咁捱過左，湊一個真係唔同湊兩個，湊一個時輕鬆好多，仲有好多私人時間，所以個d同我講湊一個好辛苦話我唔明, 我自己一個湊兩個去醫院睇醫生更辛苦嘅情況我都試過
3個讚
總之有d成日遲到既朋友， 仲要吾係有咩特別理由既， 令我自己都懷疑人生既， 我都有諗過佢地係咪有心玩我， 識左幾十年係好失望， 所以兩年前我係決定當佢哋普通既普通朋算了。 可能我準時咁認真係我既問題
2個讚
睇你呢個留言突然諗起今年剛開學時有個司機摣車時見到小朋友第一日開學有成隊人送返學既情況，個司機講得好好笑，唔知有冇人聽過
香港真係有d父母都係識養唔識湊，冇長老冇工人冇老公係身邊就等於殘廢左一樣，湊唔到小朋友出街
2個讚
遲到係唔啱，不過一般十五分鐘冇乜嘢
成日遲我會唔約出嚟，直情話冇興趣浪費自己時間等佢
1個讚
有次朋友聚會，包括我總共3個人，A話book咗中餐6:30pm, 我同阿B話不如食西餐，大家同意去同區第二間，因為餐廳得2輪訂枱時間，所以訂咗7pm, 最後阿A叫我哋食先，8:30pm先現身，話要幫人攞嘢，本來佢自己訂中餐係6:30pm, 點解會咁？
其實佢嚟唔嚟我都冇所謂，只係覺得佢應承左就suppose準時到，做朋友最基本的尊重，但佢唔可以準時到我都冇怪責佢，亦冇迫佢要準時到，只係叫佢唔好過嚟啦
平時遲到我都忍佢，但講真我覺得如果咁遲先到人地生日會，係好失禮，亦好唔尊重，因為有其他朋友都在場，見到我嘅朋友咁遲先到，老實講我覺得係有啲落我面既感覺，所以我先會叫佢唔好過嚟
而且其實我唔覺得佢係咁想嚟，好似樓上所講：真心在乎就唔會遲到，佢係因為平時佢成日遲到我都就開佢，佢次次遲到我都冇任何怨言，但見我今次唔再就佢，堅持拒絕任何人咁遲到我小朋友既生日會，所以佢先老貓燒鬚，借d意發我脾氣話我唔明佢啫
我有一次我同個男同事傾計，佢話岩岩個weekend一個人湊兩個女出去玩，我就話你好勁。佢好淡然回我一句：我生得兩個女出嚟，就梗係要識一湊二，如果唔係點算係爸爸？我聽完即刻肅然起敬，我自始都以佢為目標，要識得一個湊兩個出去玩。
Btw，準時係好美德，如果真係好遲到，我會問左主人家佢介唔介意。再唔係只外再約，無理由要人等等等等。。。。。。
4個讚
（you are not alone) 你好好脾氣，忍到幾十年，我忍左我呢個朋友一年，永遠要我好似下家咁就佢等佢，已經頂唔到了，最近上網見到有句說話「不在乎你的人不值得你為他付出」
加油
咁我睇法完全同你相反，平時遲到我唔會忍，但今次佢講明幾點到，我唔會當佢遲到。反而佢趕過嚟我覺得佢有心添。
嗱，如果佢真遲到，又怨你唔等佢切蛋糕、影相就接受唔到。
4個讚
有，超傳神。
唔知嗰類家長聽到係咩感覺
1個讚
係呀，爸爸都肯做湊仔/女公真好，女人天性就係應該要識照顧自己仔女
死啦⋯我又覺得冇乜嘢
要睇下係咩類型活動，打麻雀少個人開始唔到我會嬲啲 
可能我啲朋友都成日遲，只要唔係全部人都遲到甩底，有任何人到咗我哋都會照開始傾計食嘢先⋯ 後join嘅人咪食少啲玩少啲咁解
仲有啲朋友係死都唔覆出唔出嚟，咁到時佢出現，咪當係一個surprise
不過生日會要講明大家會照切蛋糕照影相照準時交場，如果嘢食要計人頭夾錢會照計佢嗰份，等佢自己決定嚟唔嚟。最多佢嚟到補番張合照
1個讚
其實如果係多年朋友，我會覺得好少事。
意思係你有權嬲，佢真係遲咁多，仲要同你嘈點解唔黎得。佢識做應該一早講出現突發情況，最早要兩小時後先出現，問可唔可以嚟，如果唔得嘅話就擺低份禮物，然後搵日再約再賠罪。
但有時感情係重要過道理，你一湊二可能好叻，但係佢唔係。佢遲兩個鐘都要嚟，我相信佢真係有心，但佢個人係蠢d / 天生唔夠organised ，所以成日都搞到一鑊泡咁。
既然生日會都咁多人，時間許可我會留返件蛋糕俾佢，小朋友多個人同佢慶祝又開心，唔需要為咁小事動氣。
諗開少少其實冇壞，佢出發點都唔係唔尊重你。
係佢性格同頭腦能力不足姐。
5個讚
我都覺得今次件事無咩野,但照樓主形容,佢呢個"朋友"平時都好差下,所以樓主今次先爆發~
老公係遲到怪，一直都唔明，男人老狗又唔係有咩裝扮，做乜出門口都要個幾鐘。到一齊住就知道點解，明知要出門就左搞右搞，我都著鞋佢先CC然話去 
，無啦啦醒起有野要O係櫃度拎出黎，又順便抹下櫃入面D塵。
我同99等到忟，因為佢兩父子同出一徹都係出門口先搞呢搞勞，遺傳！
唔好以為佢去旅行搭飛機會準時，執行李會有好多野SIDETRACK佢，又係搞黎搞去執到3,4點，朝早就唔知醒，電話響爆都唔醒。見佢一直無聽電話都估佢唔知醒，我諗定自己飛左先嫁喇，到佢打返俾我時佢已經uber到左機場排緊check in，我地去到gate時已經係最後兩個人。
我好明白，一個非常準時嘅人，遇著一個經常遲到的人是好難相處
2個讚
我又睇唔到咩特別例子佢朋友平時好差。
睇來睇去都係話佢朋友搞唔掂一湊二，而樓主覺得一湊二對佢自己來講好容易，所以唔係遲到或者唔黎嘅藉口。
如你曾經有過D"佢湊B就係要人就"既朋友,就會FEEL到
2個讚
做咗多年朋友，多數有啲嘢樓主已經忍咗好耐，呢個生日會應該只係導火線
4個讚