我又明白樓主
如果朋友一來, 放低禮物已經差不多夠鐘走
我係主人家都會覺得好肉酸, “哇~ 收左我禮物就要我走呀?”
咁不如, 同對方講遲下再約見面;
又或者 好似 @mrs.A 咁話, 先小人後君子, 我幾點要交場!
係呀，睇佢地講嘅嘢，搞到我都懷疑人生 
唔知係咪自己真係佢地所講我咁做係小氣小家，但無論我同我啲朋友講或係呢度講，得出來既答案係我冇問題，我叫佢唔好嚟係好正常，原來大部分人同我一樣都係討厭人遲到
不過係唔知點解BK d人咁大愛，請人食餐貴既生日飯然後唔被珍惜，生日會要遲兩個鐘先到，佢哋覺得冇問題喎，真係令我大開眼界
1個讚
我冇覺得樓主有問題，唔好誤會
只係唔同階段處理方法都會唔一樣
有時放開少少，自己冇咁辛苦
1個讚
佢係當日先同我講要遲兩個鐘，但我之前問佢話會嚟，直至早兩日我同佢再confirm佢先同我講話唔知嚟唔嚟到，因為佢老公可能要返工，佢自己一個湊唔到小朋友出嚟，但你知搞party要提前同租場負責人講有幾多人會出席
所以其實呢個位我都已經讓步，同佢講可以到個日先confirm我嚟唔嚟，我體諒佢老公份工就唔到時間, 好啦，到當日就同我講要遲兩個鐘先到，咁我就叫佢唔好嚟啦，跟著佢就話我唔明佢湊小朋友有幾辛苦，又話我個時早生小朋友唔明佢而家湊b有幾辛苦，佢係講呢幾句野先係令我對佢好失望，亦令我覺得唔需要再對一個唔珍惜我既人好
3個讚
心態、處事方式問題
我42 生第二個（4.5月大），大嘅已經16 歲，我仲有2隻狗、住外國、自己坐月、老公朝8 晚9…. 平時家務、煮飯一腳踢，完全冇人冇物。
我都會約朋友、但就同老公、阿女講定唔煮飯、自己搞掂、家務skip 一日。
不過事實係，好多人唔識分配時間，湊1 件都可以好呢hea。
4個讚
我老公都成日係咁, 咁佢一黎到就有得食, 連同人social都慳返靠哂我, 佢覺得無問題.
同意, 遲還遲, 一早講好時間, 影相同切蛋糕我唔會等佢.
1個讚
關咩事，我唔認為後生就一定湊得係咁辛苦，大家都係人地呀媽，點會唔知湊小朋友出街辛苦，真係想見既，等啲老公得閒可以湊先約囉，有心既就會就到，而唔會覺得對方唔明白自己
1個讚
我都曾經有2個FD係遲到怪,佢地試過遲2個鐘 
而家2個都無搵啦,最乞人憎係佢地明知會遲都唔出聲先,等我去到問佢地先話黎緊 
1個讚
我都試過有個FD係咁,成日叫我係餐廳開定位等佢,點知有次俾我發現佢已經遲到架啦,原來仲行左去買完野先黎
1個讚
極品wor…
所以我一早講如果慣性遲到我會放棄唔約呢個frd 
有小朋友唔係大晒，互相體諒互相尊重
最近都有朋友約食飯，佢就係小朋友問題要大家就佢時間
但可惜我同樣家中有自己問題唔可以喺佢要求時間食飯
大家講出難處，如果都唔肯互相體諒，咁做朋友都無意思
1個讚
我都經歷過，仲要係朋友婚禮，班兄弟其中兩個走去買figure
仲要其中一個負責袋戒指
激到對新人黑晒面，我唔知佢地仲有無frd做啦
1個讚
我明你做主人家果時好火,但其實可以由得佢遲黎,夠鐘照散場~去飲都好多人遲到架~ 而家絕左交就由佢啦,我都因為其他事++埋埋同2個遲到怪絕左交 
1個讚
喺香港，有好多人湊一個都好誇張，一定要長老、工人一齊先搞得掂。但無辦法，可能平時返工，仔女習慣未摸熟、唔肯跟自己父母又有。
1個讚
最衰格係大家都有小朋友,但係佢就遲大到,我湊住個BB係街等佢
我覺得呢個方法最好，可能佢真係好想嚟一嚟見朋友，唔係話佢啱，但唔使咁執著，租得party room 都應該係開心事，唔好為咁小事嘈。
不過就唔會再單獨約會囉！
1個讚
眼見不少
遲到係浪費緊別人時間
我好討厭呢啲人
2個讚
如果佢一早話要遲兩個鐘，我又真係唔會嬲佢喎～ 人大咗啲活動，我都慣咗係講咗一個時間地點，邊個嚟到就嚟，嚟唔到就算。 始終唔係個個都咁 flexible嘛…
1個讚