準時不是美德?

我覺得同朋友出去約會,準時係代表尊重同埋代表是否珍惜呢段友情

我原本邀請左朋友去生日會,佢話要遲兩個鐘先到(其實平時佢都成日遲到)咁我覺得生日會租個場時間有限,到切蛋糕影相時先到就冇意思,我叫佢唔好嚟啦,乜我咁做就係小氣小家咩?佢生日我請佢食貴飯冇問題,但對方遲大到我一定要硬食?

我都想知自己係咪有問題:joy_cat:

1個讚

我會睇下佢咩事遲到
如果平時都慣咗遲咁多,我會放棄呢個frd

7個讚

不是美德
是基本修養

19個讚

要睇下佢咩事遲到,如果佢有緊要事,但完成之後都唔介意趕過嚟,咁我覺得ok喎。

3個讚

我有個frd,約食飯都例遲半個鐘以上。次次都叫我哋點住菜先,話要做多少少嘢先走,例牌要等埋佢先食得😮‍💨

1個讚

無耐前有2位朋友約我食飯
佢地有摣車咁就話就我方便 訂我公司附近餐廳
唔知佢地塞車定點 2個一齊遲到45分鐘
我戇居居咁準時攞位一個人坐向餐廳

到食完飯 我完全無意慾拎銀包出嚟俾錢 因為條氣好唔順
其中一位同行者幫我俾左

我嬲完一日後 過返數俾佢 :joy:

我超級憎人無時間觀念
呢個世界無嘢公平 只有時間係最公平
點解要濫用我啲時間先

2個讚

佢話因為自己湊唔到個小朋友出街,所以要等佢老公返到屋企先可以出去,佢話我唔明,我有兩個小朋友點會唔明,以前自己湊兩個仲辛苦啦,我話嚟唔嚟講聲就得冇問題,如果真係想嚟你可以自己帶小朋友嚟先,然後約你老公係生日會,佢又話我迫佢嚟,又話我個時早生小朋友,唔明佢而家3X歲生湊得好辛苦,佢平時有工人幫手睇(我真係躺著也中槍)所以我見到佢的msg我都冇再覆佢,一來我唔想再同佢爭論,二來唔想再勉強自己對一個根本唔識珍惜自己嘅朋友繼續來往

3個讚

你問下佢搭飛機敢唔敢遲囉,
根本佢係在乎你/事件嘅,就唔會遲

4個讚

:+1: 非常好嘅比喻

2個讚

湊小朋友出街係煩嘅,我都認同
你朋友唔可以準時應約或遲咁多都想黎,可能真係好想見下朋友嘅
下次你咪唔好幫佢諗埋,只係講場地有時限,呢個時間黎唔到,就下次再約

其實好多野根本無得比較,好無謂囉
等於我阿爸成日覺得得佢份工辛苦過全世界一樣,無人識體諒佢 :sweat_smile:

我會照叫佢嚟,甚至照留蛋糕比佢,但要先小人 後君子。 (幾點完、個場幾點要清)

2個讚

睇到你地嘅留言我就放心了,我仲以為自己對朋友嘅價值觀有問題 :sweat_smile:

因為我係隔離BK開左個post講呢件事,俾成班洪水猛獸係咁咬住我唔放,話我小氣小家,有個仲話我請人食咁貴之後又計較,話我要人仆住咁嚟我小朋友嘅生日會,完全扭曲左我既意思,我話睇清楚我寫既野先覆啦,又俾人話我係九唔搭八,之後幾個係咁單打我

其實我一直兩邊都有睇,不過係覺得BK有app比較user friendly, 但近幾年睇住個邊d post十個有九個既內容,如果個位樓主係講自己野就會被攻擊,有好多都係為鬧而鬧,搞到氣氛好差,一直都掙紮究竟睇邊個好,但而家個邊版主幫我決定左踢左我出來,咁就好啦,我呢d重視朋友重視時間觀念既人都係唔適合係個邊批鬥場 :grinning_face_with_smiling_eyes:

原我不孤單,我就左幾個朋友幾十年, 係街呆等又試過, 餐廳限時都遲, 我由上兩年已放棄佢地, 吾約食飯, 吾攪咩興祝生日飯, 只係係group吹下水算了

4個讚

其實我一直都係同佢講話嚟唔嚟都冇問題,小朋友生日會,d人遲少少一個鐘內到我覺得冇問題既,但遲兩個鐘先到已經差不多玩完切蛋糕影相,我覺得冇意思,咁所以叫佢唔好嚟啦

同埋就係如果做人媽媽其實都知湊一個小朋友會有幾辛苦,我當日有幾個朋友自己湊住bb都係照咁過嚟,所以我覺得呢d係事在人為啫,好似樓上講如果搭飛機佢會唔會遲到?佢都係睇人嘅啫,平時約我都習慣遲到以為我接受到

1個讚

我真係唔信佢地咁大愛, 咁會體諒人!

而家仲好啦, 幫你決定埋! :stuck_out_tongue_winking_eye:
專心向呢邊做正常人啦

5個讚

都係尊重:)

佢係幾時同你講會遲2h? 一早通知左定當日臨時話要遲?我覺得我未必話會因為咁而嬲佢/鬧佢,但心入面一定會覺得佢好掃慶,個人冇乜heart,下次搞活動未必想預佢。

2個讚

認同!!

唔知點解, 每個人身邊都總有個咁嘅朋友. 我有位朋友, 一向喜歡遲到, 遲15分鐘我已經當佢準時. 佢約我lunch, 我食12:30 - 1:30, 佢敢死1:00先到 :triumph: 亦試過星期六, 我係餐廳呆坐超過1小時, 其間whatsapp問佢去到邊, 佢淨係覆"黎緊". 原來佢係餐廳附近行街.

自從呢次, 我已經唔會主動約佢, 如果真係約, 我都唔會再咁樣等佢. 人係有底線, 佢係到浪費緊我嘅時間.

5個讚

佢遲還佢遲
我食飯切蛋糕影相走人都唔會等佢
佢遲就係佢注定要錯過重要時刻

4個讚