做朋友合則來不合則去，太蠢太唔識do搞到成日激嬲自己既其實我都會選擇疏遠，簡單講就係唔夾。
睇番樓主個case，佢其實係叫朋友太遲就唔好黎book 場有限時，如果朋友醒少少，講句"唔好意思今日真係搞唔店，下次再約"，成件事就完左。但佢反而倒番轉頭樓主唔體諒佢blablabla，好似自己衰左仲怪人，咁我又明樓主點解嬲。
7個讚
所以我唔會有呢啲朋友。
我唔止遲到，啲朋友唔啱傾，政見不合，淨係掛住屋企老公bb等等我已經一律疏遠，約出嚟係想relax想chill下，唔啱key我不如自己一個
人生苦短，何苦浪費自時間？
5個讚
令我諗起 有位朋友話要就佢邊度約食飯 因為佢大肚
但佢就忘記左 果時我都大緊肚 
1個讚
其實樓主同朋友價值觀唔同
樓主覺得朋友遲嚟係叫唔專重同落佢面，叫個朋友唔好嚟（個感覺好似發晦氣咁，唔係無所謂）。
我反而覺得個朋友係有心想嚟，如果唔係一早講唔嚟啦（佢所講嘅湊唔掂小朋友其實都包含好多嘢，可能佢小朋友當日狀態、作息時間真係夾唔到，夾硬帶埋個小朋友嚟反串你個party真係好？所以佢先想交俾佢老公湊先出嚟）
我唔係話你朋友啱，不過係你地雙方睇法根本唔同，同埋樓主應該一直唔妥個朋友先會咁嬲
3個讚
心裡當然會唔舒服啦如果遲2個鐘
可能佢覺得樓主發晦氣先叫佢唔黎 但其實樓主叫佢唔黎可能都係覺得反而都遲左咁多又要搞一輪黎到都miss曬d野 咁真係唔好黎好過
1個讚
認同呀，所以我一開始都話佢係有權嬲，因為個朋友係應該可以識Do d
但如果做咁耐朋友仲繼續係朋友，我如果覺得仲想keep住段友情，我真係會睇開少少費事激親自己。當然啦如果覺得心淡冇所謂咁咪放棄囉
1個讚
都係嘅，好彩我暫時未遇過
身邊啲人都比較 organised
其實因為佢要遲到既原因好牽強，如果佢係因為工作就唔到時間我絕對明白，但佢係話因為自己一個湊唔到小朋友出嚟，咁我都諗左個解決辦法俾佢，話如果真係好想嚟就帶個小朋友過左嚟先，叫佢約佢老公係party等，同埋其實我都會在場可以幫佢湊下小朋友（當日我有另一個朋友都係帶個3歲識行識走既幼童過嚟，我個日都有幫佢抱下，幫佢睇下), 咁其實佢唔會有好多不便，但佢都係要等埋佢老公返到屋企先出來，可見其實佢都唔係咁有心想來
1個讚
我有個親戚就係咁，成日話湊小朋友所以遲成粒鐘，大家係到呆等，果陣我未有小朋友所以諗都係好正常既。
但當我湊小朋友都可以好準時出現係飯局，而佢個小朋友開始大但都成日遲到，我就知道係人既問題，唔係小朋友既問題
2個讚
如果牽涉到老公可能又唔同講法，例如我老公就唔一定會願意配合，始終喺街度「交收」個小朋友同返到屋企湊對佢嚟講係唔一樣
不過如果你朋友鑊鑊都咁遲到法，俾著我係你其實都唔會想再聽佢啲理由，人大咗又有自己家庭，可以拎到時間出嚟維繫嘅都係好朋友，如果大家價值觀不一，又何必勉強？合則來，不合則去。
預先講就不是遲到啦，反而遲咁多都照黎我覺得佢好俾面
1個讚
真係咩人都有，咁都得?
我老公D FD都係咁啦,話要湊小朋友又遲到又唔幫手買野食,但我地都有小朋友啦!
1個讚
成日遲到根本就係大人既問題 
1個讚
可惜我幾十歲先明白妳e個道理， 已經浪費左我既人生。 暮然回首先知自己好傻 
1個讚
你說出了重點，謝謝你 
其實同佢係好多事加加埋埋，並唔係單一今次佢要遲兩個鐘先到之餘仲要調返轉怪我，再加上其實平時我就開佢，好似永遠得我單方面付出咁，其實我唔介意為朋友付出，只要對方都係珍惜我就夠，但呢個局面維持左一年都仍然係咁，我覺得自己係時候都應該要思考一下，係咪要將自己既位置放到咁底，去勉強維繫一個唔珍惜自己的朋友
1個讚
首先我好多謝之前留言既每一位，你地令我更加確定自己對朋友既觀念係冇錯，原來有咁多人都係認為守時係在乎朋友既表現，不過都有一兩位係覺得冇問題，都多謝你地同我分享意見（只要留言唔係惡言相向我都可以接受）同埋因為我覺得呢d係好主觀，冇可能全部人都係想法一樣，大家都係理性討論
至於話就算突然show up或遲大到都當係驚喜，又或者話覺得佢咁遲都肯嚟就係好俾面，唔好意思呢啲俾面我唔稀罕，在乎你既朋友唔會遲到（除非有突發情況）。另外有人話事前有講聲會遲就唔算係遲到，呢位JM可能唔知我同佢平時約出去食飯情況係點，十次有九次佢都會遲到，所以佢某程度上以為我接受到，所以今次事先同我講會遲兩個鐘，以為我今次都係一樣接受到，同埋今次遲到原因唔合理，我覺得有辦法可以解決但佢堅持要遲到，咁遲兩個鐘先到真係冇意思，你可以遲咁我都可以叫你唔好嚟架嘛，no big deal, 重點係佢仲要調反轉怪我
咁唔好意思我真係冇咁大愛，我覺得做朋友最重要係大家相處得舒服，唔需要將自己既位置放到咁底，與其要做到冇底缐冇原則咁去維繫一個朋友，我寧願疏遠佢，朋友貴精不貴多，同埋做媽媽既時間好寶貴，可以出去同朋友約會食飯時間唔多，所以唔值得用自己時間去討好一個根本唔珍惜自己的朋友，將自己既心思時間放係珍惜自己的朋友好了
3個讚
使乜咁複雜，‘兩個鐘‘ 三個字任何人都火啦，跟直覺都冇死，嬲好正常
2個讚
該主題在最後一個回覆創建後30天后自動關閉。不再允許新的回覆。