我都識人為左咁生多個BB,不過佢其實上樓之前有返工有請工人,現金出糧唔上報 
我都係窮大、人窮真係會志短、我哋幾個叫讀到書但都全部都係實際搵錢先、由細到大都俾教育到有好多野唔係我哋有資格擁有、根本試都無機會試、學畫畫其實唔太貴、但大人一句就會話無用嘥錢ban左、我覺得話窮有窮養既人可能都未真正窮過
5個讚
嘩，咁分分鐘借到破產喎
真係good luck to her
其實佢應該冇做過research 就話要IVF
1個讚
就算窮以前都平均，個個都窮冇乜問題，而家就難啲。不過我覺得一個都可以既，始終冇話有錢先生，點為之有錢先﹖
1個讚
窮養jm hi，我都係鐘意藝術，年年拎第一但「冇錢」去學得專業啲，而且藝術「搵唔到食，學黎做乜？」。不過我又會覺得我父母好勁，竟然冇穿冇爛養得大兩件
仲要父母嘅父母都係窮，於是我就覺得世上無難事～香港係唔會餓死嘅yeahhhh
我都係咁諗
Talent係好多地方都搵唔到錢，但人搵到歸屬感同成就感，對人生同將來面對逆境都好有幫助。
真正窮大嘅人唔會想再窮養小朋友架
8個讚
有啲人真係唔知個腦諗乜，我都有朋友2公婆3X歲長期做炒散，冇儲蓄，餐搵餐清，老公時不時失業，又有不良嗜好，租劏房，有時連租都唔夠錢交，上個月話老公想佢生個仔
我以家好怕有日聽到佢有左。
拿，世事無絕對，我小時候嘅嗰班窮舊同學大家都到左養家活兒嘅年紀，絕對有唔少case係將窮養嘅偉大精神延續落去架！仲有好多係一畢業就未婚生B添～真係夠哂勇氣。
人類奇妙嘅地方就係同一個環境、資源、起步點，思想同行為係可以發展得完全唔一樣架
2個讚
係呀，響香港點都唔會餓死
我就一路徘徊響呢個基數長大
所以我希望下一代可以有高少少嘅起步，唔洗再細細個為生活擔心，唔洗著爛對鞋都唔敢同阿媽講；唔洗日日諗今晚仲係咪豉油撈飯？唔洗等生日先可以出街食餐好；唔洗因為多$20會費而放棄最想參加嘅興趣班；唔洗驚交唔出學費而冇大學讀好多時要真係窮過先體會到果種心情，而體會過嘅，我諗冇人想自己下一代都係咁
5個讚
學我阿媽話齋，佢哋未開竅
1個讚
留呢個言都驚俾人話"窮人生仔正XX"
其實我同老公加埋都只係搵4萬幾-5萬
個仔而家2歲, 但我覺得還好啦仲有錢儲
(租屋, 奶奶5X歲, 湊我個仔湊得好好, 我同佢關係唔錯)
講真我冇勇氣生多個
養小朋友冇話幾多錢先夠
我細個都係窮養, 但唔會想自己小朋友行同一條路
希望盡我能力俾到最好既小朋友啦
但你朋友個CASE搞到要借錢, 咁好辛苦啫, 冇咁大個頭就唔好戴咁大頂帽
7個讚
我哋就叫好彩借到錢讀大學、但人生除左讀書工作仲有娛樂、我覺得自己同幾個差唔多環境大既都有呢方面既缺失、大左就知吃喝玩樂既重要
我都係借g/l讀大學，但第一期要交八千蚊先，我阿爸真係有諗過要留果筆錢比細我一年嘅細佬，而叫我出嚟做嘢唔係阿媽話響香港冇人因為窮而冇得讀大學，堅持比筆錢我，我真係會冇書讀
為咗有社交，我響大學瘋狂做兼職儲錢
3個讚
好一句「搵唔到食」
真係由細聽到大、小朋友夢想就係咁磨滅。
1個讚
好多窮父母眼中只有醫生律師搵到食，如果個小朋友話大個想做巴士司機，就會比人鬧到體無完膚
生左小朋友 要洗既錢仲多喎 借錢真係好咩？
我覺得搵5萬唔算少，但做左15-6年野，銀行幾萬蚊都冇就好大獲，識得量入為出，生仔絕對冇問題
5個讚
儲到錢都係好，
有啲人洗腳唔抹腳。
月頭出糧月尾又話無錢既。
10萬蚊一個月都冇用。
注定一世捱。
利申見過好多呢啲人。
其實勸佢都無用，佢習慣咗先洗未來錢，由得佢試吓啦