搵幾錢係一回事，淨到幾多資產又係一回事。我個人保守，如果只靠份工收入而冇儲蓄冇資產，咁係好唔穩陣，尤其依家咁既時勢隨時會失業，萬一一失業就冇飯開，咁月入十萬都死。何況你朋友都有d工作年資(高齡)，但連十萬八萬都攞唔到出嚟…
如果有個小朋友，咁唔穩定既情況唔通叫佢一齊捱食少餐咩…
2個讚
唔L係呀，兩公婆比上不足 比下有餘，儲蓄只有幾萬？
唔係叫佢有幾球，理財觀念咁差，家無恆產點養細路，Nicolas cage 搵咁多都搞到破產，
同你朋友講, 叫佢grow up
2個讚
但係佢本身仲還緊錢比銀行⋯⋯
老公份工唔穩定，住公屋，冇比錢四大，有都係比一千幾百，
所以我都唔知佢d 錢洗左去邊
係幾萬都冇
香港上流機會愈來愈少。我哋個年代住公屋但大學畢業都唔少，而家？有資源的補都補到唔得變得，無資源天資又唔夠真係咁又一世。
而且生仔真係基因延續，父母基因好自然下一代唔差，反之亦然。唔怕俾仔女埋怨，或者第時作為父母唔會怨自己無用咪生
1個讚
二個人用，搵五萬都淨唔到錢，ivf 唔係咁易成功，唔得就十幾萬掉左落海，佢仲要係借返黎，真心講句，現實啲啦，如果佢地自然生到，都仲養到嘅，但高齡生，bb生出黎又好易有其他問題，到時想做training 都無錢。。。
5個讚
唔好講基因，理財觀，生活習慣俾小朋友學左都死啦
3個讚
我覺得呢個價值觀係重點
所以apply響揾另一半一樣
未有小朋友已經長期借錢度日，條數係計到出嚟。
樓主朋友仲打算用牌子嘢，好大機會會去私家生。享受型就唔好生仔累人。
小朋友出世後好燒錢，當小朋友10歲，佢哋都50幾，還唔還到筆錢？
除非中六合彩，唔係又要個小朋友還…
真係唔好累個小朋友…
1個讚
所以我朋友個諗法真係好正，佢可以話諗得太簡單：生仔出黎就自然養到，銀行肯借就慢慢還，最正係生都未生到就諗買名牌子BB野，仲連BB名都改好。
平時佢兩公婆使>搵，又唔發憤向上，佢依家既人工係我出黎做第5年人工（我地做>15年野啦），我真係接受唔到自己咁安於現狀十幾年。你話老公搵到就話姐，但依家哩個年代個個都公一份婆一份，又供樓+保險+工人+學費+四大長老家用，仲未計生活費，搵5萬係唔夠生活。
呢個時候，我個Nancy朋友又要出場啦
（向唔同po都曾經講過呢個Nancy朋友，係極品）
話說呢個Nancy都算早婚，佢老公住單人公屋，未結婚前佢哋已經同居
佢兩公婆一路以嚟經濟都唔係好掂，到Nancy生咗仔，直情唔做嘢淨係湊仔，當時我都好好奇，得佢老公一個搵錢養唔養得掂3個人
有一次同佢傾計，問吓啲錢銀嘅問題
佢話，佢老公搵萬幾蚊一個月，住公屋交幾百蚊租，每個月都仲有錢淨
我又問，第時小朋友返學洗費好大喎，你老公搵一份夠唔夠？
佢話第時可以申請政府嗰啲乜乜津貼，佢哋低收入家庭，又可以申請資助
佢話上一代都係阿爸搵一份養全家，點解而家會養唔起喎
跟住講佢老公間單人公屋，真係細得好緊要，佢話佢同個小朋友已經加咗名，但房署話呢啲係1-3人單位，唔會調到屋比佢哋
咁就簡單啦，生多個咪4人家庭囉，最後生多個，冇耐就派到去新果啲3百尺公屋
新公屋係天地牆要自己整，佢哋冇儲蓄，裝修費都係借返嚟
結論：窮唔緊要，大大個政府頂住，有公屋有津貼，生多兩個都仲得
9個讚
哩d Nancy 諗住天生天養（政府養），都可以望子成龍。
但依家咩年代，冇資源support ，根本一世都追唔上。生一個都唔夠，仲要生多個，資源再分薄d，仲有老母係Nancy 思維，我諗佢2個小朋友都唔會係太好既資源同正確既價值觀下長大
3個讚
窮養係ok 嘅，但你朋友好明顯唔甘於窮養
3個讚
1x 萬可以做ivf? iui 都未必可以
我D friends 個個最平ivf 都2x 萬埋單，有D之後仲不停中醫調理
極力反對呢d 人生bb
4個讚
我直情劏房大入港大啦
我識有人係一家住舊公屋，阿爸做看更，媽家庭主婦，兩個女一個中大護士一個中大社工，又乖又靚，不過講緊個女都廿幾三十歲，新一代唔知有冇可能再有呢一類
窮我認為生一個，但要識理財善於持家儲蓄，唔係不停咁fing囉
2個讚
仔女係一個獨立既人, 唔係自我滿足既附屬品…
一句講曬唔好害人…
我都係公屋大，屋企窮，有想改變命運既心態，亦有d 讀書運咁啦，讀完大學，我有好努力工作，每份工都有職升，亦好彩有人賞識，幾年前終於儲夠錢買樓結婚。
到依家供樓當然興鬆好多，有錢儲，仲諗緊點樣再去開源。
當年就算窮，都仲有方法去追，但今時今日窮，小朋友真係未必追到其他人，唔係點會咁多人寧願唔生。
1個讚
岩呀，IVF廿萬起跳
我問過香港私家，做個篩查定乜嘢都廿萬，我飛去外國做。
IUI就平好多嘅，由打針計起幾萬啦，未計補身。
2個讚
笑左 
佢地以為幾萬蚊就可以成功人工受孕,太天真啦~我朋友有錢人家,用左20萬都未成功
認同。窮人生仔好易演變成養兒防老。因為窮，生完會變更窮，然後老左自己冇錢退休就變成問攞家用養老，真係害左下一代。
冇父幹都算，唔好做仔女負累喇。
6個讚