朋友好想生仔，高齡，想做IVF，但要問銀行借錢做⋯⋯
因為saving 連幾萬蚊都冇⋯⋯
點解可以咁⋯⋯
佢兩公婆都有正職，但搵唔多，亦唔算太穩定，可以話月月清袋。
唔係話冇錢唔好生，但咁既經濟狀況，真係應該生？
難聽都要講，
窮人真係唔好生仔。
生仔，再加月月清只會令個問題放大
21個讚
連登成日話「窮人生仔正仆街」
係mean，不過係真嘅。
我本身娘家都係普通家庭，父母無儲蓄，生3個。我細個好想學琴學畫畫（我畫畫有天份）但老豆話無錢，所以我成日覺得童年有缺失架。
所以而家有小朋友，我都比佢試唔同嘅嘢，可能係某種程度上彌補自己細個無呢啲機會。
25個讚
生咗出嚟維持唔返未生之前嘅生活質素, 咁就唔好勉強喇
養都成問題, 何況係教? 一個月功課輔導+補習+興趣班, 樣樣都係錢呀,
何必因為一句"想", 害咗一家人?
6個讚
但佢從來唔覺得哩個係一個問題，
心態係借錢最多咪還，
佢冇意識到錢既重要性。
1個讚
樓主自己有無小朋友? 有既話可以列曬小朋友由細到大既開支出黎同佢計下負唔負擔得到，前提係父母有穩定工作，有人幫手湊同埋小朋友無特殊需要
除咗錢，仲要有無窮既精神同心力去教導小朋友
最後一句，係呢個乜都係錢既地方，貧賤夫妻真係百事哀架
3個讚
理財態度有問題，呢兩公婆真係物以類聚，某程度佢地唔可以自然授孕都係好事，少一個細路受苦
7個讚
佢肯定有錢買奶粉？
以前d人講天生天養，都唔知幾多細路suffer 都唔奇
而家呢個年頭真心競爭大，特別響香港，有天份都要有機會
3個讚
月月清生左點養？
1個讚
借錢要還，又要比息
揾人借錢養仔呀？
應該冇銀行肯借？所以我估都唔使太擔心佢
細個嘅時候，爸爸要銀行借錢養仔。
月月清，無錢還。
銀行打嚟追，我老豆就叫我同銀行職員講佢唔係到。有時欠租將啲租單撕破掉入厠所。
當無事。
日日話比我哋聽屋企好窮要慳啲洗。
可能佢啲仔女將來就係過咁既生活。
3個讚
唔係話真係要好有錢先生仔，
但你個friend 又真係窮左啲，
自己都未搞掂wo….
1個讚
兩個大人都餐搵餐食、生多個點？我以前都叫儲到錢、有細路後倒水咁、仲要而家真係好多野慳唔到、唔同以前有碗飯食就得、獨留兒童在家犯法架….
1個讚
如果每個月有糧出 10萬8萬都應該借到
可能佢覺得可以用最平嘅方式
餵人奶, 用尿布…
到大個啲都係加多雙筷
如果本身冇咩積蓄又覺得借錢做ivf冇問題
其實呢對父母真係冇咩forward planning睇唔到咁遠
樓主真係要同佢傾下喎
3個讚
有呀，未出世已經洗一大筆，出左世更加唔使講
不如你同佢絕交，佢生咗有可能搵你幫手助養佢小朋友…
3個讚
人奶同尿布先唔慳、manpower 最貴
高齡都仲咁唔識諗
一味想有咩用
3個讚