Same here!
我屋企都係冇錢比我讀大學，但佢地都照住比第一學期既錢我（個時一個sem $21000到），仲比錢我住hall。當年佢哋見我讀到，點都會盡量support!
咁我最後當然攞到full grant full loan 還返曬第一期d 錢比佢地，仲借埋loan 黎住hall +生活費。
細個都好任性，會用啲錢嚟去歐洲做背包客，不過細個任性得起，而且畢業一出嚟做嘢，五年就還返曬啲錢俾政府。
1個讚
你呢d唔算啦，大把後生/大學畢業都樂於繼續住公屋
（雖然有公屋住真係慳好多）
生佢出嚟捱，真係怨一世！
佢唔怨，大人都會覺得自己害左佢
冇人阻止到佢啦，不過睇住佢爭銀行咁多錢，都咪話唔擔心佢
我細個屋企係窮到無飯食果隻,我同1個家姐係窮到驚左,以前不停工作搵錢買樓,但同一時間另外2個家姐夠膽死長期唔工作,佢2個學歷仲要好低又唔係嫁得好 
1個讚
係咪想疊埋心水拎綜援住公屋呀 
其實你朋友唔算窮
Ivf順利嘅唔洗20萬，我用咗10萬鬆啲，但佢兩公婆咁大個人10零廿萬都儲唔到就似乎係理財出現咗問題
係架，同一家庭我同另一個發展都好唔一樣。
佢唔係唔怕窮，而係真係冇想法又唔會特別努力⋯⋯身為家姐，我只能說：你開心就好～亦唔一定有錢先開心嘅
自己開竅之前，其他人講乜都冇用。
2個讚
唔係，純9588
1個讚
香港地，真係去到呢d極窮又冇所謂呀
樓主朋友又未喎
講真，公屋人生勝利組係呢十幾年先講
當年樓價唔係咁離地，細細地有地方住唔係咁遙遙無期
變咗有好多公屋富戶出嚟 
但我唔贊成咩有錢先應該生，點先為之有錢先？十萬一個月會笑五萬一個月嘅人唔好生，但廿萬一個月會覺得十萬一個月學乜人生
住居屋係咪唔應該生？住新界細私樓又係咪冇資格生？話比仔女學嘢，咁只係有錢讀本地大學冇錢送去外國係咪又唔應該生？
相對㗎嘛：徐子淇會話呢度啲人生B好低能
我自己睇：肯唔肯為仔女捱，擴闊佢眼界，支持佢行自己嘅路，唔使靠佢養家，唔好阻佢追夢，屋企冇唔生性嘅大人，有理財概念已經好好啦
啲中產谷小朋友學乜學物樂器，到個細路話想讀音樂咪又係唔比。叫學生中四揀理科，到個細路入大學讀純理，唔揀醫護藥劑咪又係鬼殺咁嘈
有錢人更加扼殺小朋友嘅路，一定要佢繼承生意，仲慘
3個讚
喂喂，搞錯左呀，唔係有錢先應該生，係太窮唔應該生
有錢而唔打算放時間心機落去小朋友度都唔應該生架
9個讚
有錢都未必一定生，好大責任；
依家講緊冇錢而要走去借錢生，仲要未必生到。咁生出黎為咩？為滿足自己？如果真係有心，應該會做好準備先去生仔，唔係生出嚟只會怨老豆老母，大個左分分鐘仲要幫手還債。
6個讚
我知呀，不過我係講緊大圍心態有錢先好生，另一樣嘢
樓主提個case當然好有問題啦
其實真係好難講要有幾多錢先可以生，不過我諗最基本要：
- 有固定居所
- 沒欠債
- 有積蓄（就算失業，都要有2年使用既積蓄）
- 買保險
- 有足夠財力比小朋友讀書返學（我指免費教育底下，都應該要畀得起書簿費，校服，課外活動雜費）
- 有時間照顧同教育小朋友
- afford 最少一樣校外活動（彈琴唱歌跳舞畫畫etc)，小朋友起碼有機會搵自己既興趣
諗到咁多咋，有冇其他？
5個讚
其實我覺得係有準備先好生。
起碼要有基本生活保障，唔洗個細路同大人一齊憂柴憂米；
要有心理準備無論個細路點你都起碼要養到佢十八歲；
要有思想準備以後自己人生要多為一個人負責，時間心機要分埋比佢；
要戒緊d壞習慣
預咗同小朋友一齊成長仲有時要為佢改變；
要十級有耐性預咗頭十年八年會比佢痴住寸步難行，但到大咗又要有心理準備，放手比佢自由發展翱翔高飛……
仲有好多好多嘢，做咗人父母要夠open願意改變調整學習….
4個讚
一體一藝係基本，比空間小朋友搵興趣真係好緊要。興趣唔一定搵到錢，但一定有滿足感。