其實我讀村校，呢d事根本係常態
醒目少少都或者閃到
遇著父母水平低，響學校比人侮辱完，隨時響屋企再比人打鑊金，仲要比人話 “而家d細路嬌生慣養” 真係…
1個讚
講起侮辱完,返屋企打鑊金!我又諗起一筆,深深不憤!
以前有本 etv 作業勁細本,我記得書包有帶!但到上堂搵唔到當欠交,又比人寫手冊又鬧!頂!返屋企先摷到係書包底!
講到無人信!我講比老母大人知!嗰鑊就死嘞!我沖緊涼,佢支籐條就埋嚟! diu 佢哋老母!
1個讚
天主教學校, 不過我記得個時個校長都係廢廢地, 成日都係office唔出現
// 岑老師係咪有精神病
可能有燥狂症??? 唔知道, 總之你成績唔好, 成日無交功課…
(之後中學都有識到同校同學, 我小學係上晝班,中學同學下晝班
佢都係話呢位岑老師都係咁樣對佢D同學)
1個讚
如果教得好, 我覺得係可以令學生有好既/正面既思維
(細個我都好樂天… 但大左我就成日諗野好負面,驚呢樣, 驚個樣)
剩識恰細路 <---- 就係蝦D細路唔出聲, 個時D家長好靠老師"教"個小朋友
所以我媽都比佢講到認為我係好曳, 返到屋企成日比人打
(咁其實, 我都係成日唔記得帶野o者, 又唔係撩人嗌交, 生事個d)
我記得小學個時, 合唱團老師有叫我放學後參加詩歌班
但我真係好唔想放學後都係留係學校, 所以我即時拒絕左
個位老師仲叫我返去同屋企人商量下
心諗, 放學仲唔走, 留係度容乜易會撞到班主任, 又鬧我
1個讚
真係有苦自己知
你阿媽都好… 絕下
等到沖涼先同你開波, 無得走
1個讚
佢不留絕架啦!成日比較唔在話,問題係我成績一定係好過個成班同學!成日話我唔同班同學玩,覺人地女仔先係世界女!又話人地女仔幾受男同學歡迎…我叫左佢搵 d 世界女養佢,同佢絕交左10世!唔啱 channel
我初頭都好似你所講咁,搞到個人驚驚青青!成日比人覺好恰易蝦
但我生完小朋友,扭轉晒我 d 性格!啲強悍出晒嚟,永遠記住為母則強!!!至少而家工作上,真係無人敢埋身搞事!對住無良老闆都 say no!!!
諗野係好負面都好,好彩我枕邊人影響左我,會釋懷
2個讚
我都係啲基督天主學校出身,算吧啦!啲老師貪到死!
1個讚
我都信為母則強, 保護自己同仔女, 以前唔夠膽既事, 都會夠膽出聲
(可惜我無呢D幸運), 但唔岩既野, 而家我都夠膽講出口
真係, 自己都唔出聲, 邊個會幫自己出聲
唔岩channel真係, 小D見面好, 唔係一定會成日都嗌
人地個女就永遠係好, 自己個女既好就永遠都睇唔到
pat pat痕, 走去搵下個岑既全名
又比我見到… 間小學有event, 話會請現任及歷任教員
而又有學生點名點岑同埋另外既老師
心諗, 乜佢仲未死架, 仲健在呀? (聽聞佢好多年之前移民唔知真定假)~
(前3年既post)
2個讚
就係知啲細路好多都唔敢出聲！
同埋上一輩一般都仲有多少「老師講既就一定岩」既想法，所以明知好多小朋友冇父母撐腰，又唔夠膽講事實(比人話駁咀)
所以鬧得就鬧！情緒發洩、出氣袋！
正pk
3個讚
我試過小學唔記得簽手冊又留堂，唉，6歲咋
真係好委屈！
點解做父母都唔關心下子女，一味信外人講野？間中唔記得帶啲野又如何？
我哋個輩既父母都仲係咁，不過我相信我哋一定唔係！我哋一定了解事實，唔會冇啦啦要子女食死貓！
唉～戥大家委屈
不過呢十年八年老師應該好好多啩，啲家長意識提高咁多
2個讚
上一代啲幼稚園同小學(我嗰間)老師又貪又 pk!!!而家小學唔知係咪仲有咁既情況?
一定有架喇！總有啲心理唔平衡！
不過我覺得應該有改變既，因為時代唔同，有我哋呢啲家長，老師都唔敢太過分掛？
希望係啦！
1個讚
因為我地呢代識得求變, 想變好, 自己中過招, 我地更加唔想做以前自己口中既仆街
所以更加會做好佢, 呢個方法唔得, 試另一個, 總會有方法可以解決問題
唔係打就可以解決問題
(雖然我唔鐘意小朋友, 但見到小朋友比阿媽阿爸打, 都會唔開心
我同朋友講, 你唔好打佢啦, 你細個都比人打, 你都唔想佢地打你,
點解你而家又去打你小朋友? )
4個讚
唔講就由只可，一講就把幾火
4個讚
我開個topic冇諗過大家原來有咁多委屈 
2個讚
舊時D人諗住打, 鬧就事成
我都有同人傾過學生時代既事
多數都係唔開心既事多…
總之, 要識得係地獄走返出黎, 就算仍然未能忘懷, 都唔好忘記
有好多人都係咁, 大家都努力中, 向美好既人生出發
提住自己, 就算大左, 都唔好做自己當年口中既仆街
世界係美好既, 只係我地咁岩有D唔好既事發生
而咁岩我地又聚埋一齊
好老師,… 諗到一件
中二個年, 我返學要行大約15分鐘左右既路程
行到大約10分左右既路段就無遮無掩
就係呢段路, 突然落大雨, 狗屎個隻, 我又無帶傘
又唔想跑(個書包好重), 咁慢慢行
突然我頭頂無左雨, 但明明見到個地仲有雨落架
抬頭望, 原來有個男人同我一齊行, 遮埋我
個男人問我, 同學係咪無帶遮, 我遮埋你
我認得出佢係我地學校阿sir
個樣斯斯文文 (而家可以用毒男形容, 中間分界)
不過我地都無講野, 後尾知道佢係教中4,5既理科班
1個讚
老師點會屈人 vs 警察點會無啦啦拉人
same thinking!
2個讚