星期日晚要工作，好苦悶，開個回憶topic等大家傾下等我鬆下
1個讚
中學測驗比miss屈我出貓，佢嘅判斷係我d答案答到一忽忽，好似抄野抄吾切所以寫吾到整句出嚟，實情係我背答案背得唔熟，真係無出貓嫁，解釋吾聽吾信，又見家長，攪到我無心機讀書，N年後既今日都仲有少少吾開心
我中學啲老師70%照書讀
另外有幾個有心同我哋講人生道理，仲同我哋訂立人生目標，書教得普通，但我欣賞佢哋有心同學生溝通
最憎啲闊太高高在上日日講自己以前喺大學點，個仔喺英國讀書，老咗打算去蘇格蘭退休
1個讚
好差，希望呢個女人已經退休，咪再屈人
差：
-
old seafood 教數，有次唔見左工作紙，我頭腦轉得快即刻叫同學 scan 畀我，等我 print 返曬所有工作紙可以交功課。結果我畀個 old seafood 鬧返我轉頭，話我冇好好 keep 住啲工作紙所以唔見左，唔接受影印版嘅工作紙。（大佬你想我點？一個小三學生情急之下，諗到解決方案去準時交功課，反而畀你鬧仲話唔接受我份功課？？）已經退休。
-
old seafood 班主任鍾意死板木頭學生，唔接受活潑學生，叫我自行同大抽獎去讀 Band 3 學校，話我襯唔起間心儀 Band 1。同學仲考得差過我，反而叫佢去讀 Band 2 頭/Band 1 尾學校，只係因為佢「乖」。最後大家都係入同一間 Band 1 學校。已經退休，有次醫院撞到佢但唔想同佢打招呼。
-
專針對我。明明我作文水平高，就偏偏畀壓低分，評語係我用詞深，唔係我年紀用，話我用錯字其實係佢唔識用呢個字！佢教同級第二班英文，自己計錯 quiz 時間早左五分鐘收卷，班同學提出話佢計錯，所以照寫答案，佢怒羞成怒，話邊個再寫就扣一半分。最後唔知點收科，但佢教完呢年就冇再教書，結婚生仔。
-
中文老師，對我呢啲中文唔合格嘅學生態度差，打電話投訴話我唔適合讀本地學校，應該送我去國際學校，因為我中文永遠都唔會合格，唔會入到本地大學。結果我合格，反而係其他「乖」同學唔合格。
-
唔係教我，但佢係學校係冇人鍾意。如果係代課或者嗰堂測驗嘅話會訓覺，脾氣差。有次運動會佢負責跳遠，佢個咪壞左冇人聽到佢叫邊個，佢就火滾走黎鬧我地，我地同佢解釋佢唔聽。隻野依家仲教緊書，一樣都繼續訓覺，全校學生冇人唔知佢訓覺。
好：
-
好有耐性，完全唔介意活潑學生，好識得帶動佢哋上堂氣氛。佢係訓導老師，但唔鬧人。應該今年 59 歲，可能提早退休。
-
同樣都係有耐性愛心，鍾意教活潑學生，就算班入面水平差異大，佢都識因材施教，叻嘅拔尖，差嘅補底，冇人唔鍾意佢。可惜結婚生仔從此退隱。
-
溫柔有耐性，對住中文唔合格嘅學生都唔會話針對或者對佢哋差，反而會講優點，鼓勵學生利用個優點去幫助考試合格。成班同學都會叫佢 「X 媽媽」。仲教緊書。
隔左咁多年都仲記得呢啲。
5個讚
好 有一個
只教過我一年初中地理
佢鐘意每堂抽五分鐘問番上一堂教既野 串下字 問下內容咁 唔識答就罰企 可以補答 答岩可以坐番低 仲會有同學提水 係間差既學校有個咁有心既老師 變左每堂同我地溫少少書 到考試測驗原來係有用 溫少好多野
咁多年同d同學講起 大家都仲記得佢問書既情景
我記得佢而家都仲係間學校教緊
好憎
有一個老師以為自己好叻 只係鐘意叻同學
其他同學唔識問佢野佢會笑番同學問d咁蠢既問題 又串 痴孖根 就係唔識先問佢
差既老師 大把
我讀差既學校 有個正常老師教已經要偷笑
1個讚
哇你真係經歷了一個好闊既 spectrum
差嘅多
可能我又唔係成績好，刷鞋力低，比唔到老師跑數果批
有個中學數學老師堂堂搵人鬧，都唔係教書！
最衰佢係搵啲冇咁大膽既且同學話！
堂堂話我朋友「垃圾」
係佢數學唔叻，都唔係咁樣話人哋女仔啊？
佢又唔係曳既同學！好癲！
仲有其他人都係咁堂堂比佢話垃圾！
有次佢搵野話我，冇啦啦話「呢個xxx(我)唔好睇佢好靜咁啊，吱吱渣渣…….」
我望住佢，雙目對望（之後佢唔敢望我）
我一路轉住支筆一路直望佢，睇下佢想9up乜野！
之後佢「你睇下，佢係仲到轉筆」
我繼續轉，繼續望！之後佢冇野講收左皮！
1個讚
有啲同學真係好識擦鞋！
我真係唔明，咁細個人（小學生）都咁識擦鞋既
我哋真係「蠢」
由佢哋慢慢擦
有d人係有呢d sense，或者好細個就識響老表s 爭長輩讚呢d
我冇同長輩生活嘅經驗，輸左
1個讚
我女就係有呢啲，佢成績一般，但好叻扮乖，每年見家長我都要接受唔同既班主任激讚佢，個心其實好虛
4個讚
我唔係好中意我中學班主任
但我知佢都唔係好中意我
個陣我有篇文投稿參加比賽
點知我竟然入左圍
但佢講我知個陣我未反應得切
佢就問左句質疑我: 你唔係抄嫁ma?
再之後就畢業派公開試成績表個陣
我考得冇佢心目中D模範生咁好
(係精英班入邊冇咁叻既同學)
佢講左句節哀順變-_-
好似一定入唔到U咁
1個讚
背景：我九歲至嚟香港讀三年班，聽唔明廣東話，英文只識A-Z
初初老師講乜完全唔明，所以英文默書自然都唔知係乜東東，所以食蛋。當年嘅班主任同時係英文老師唔單只冇罰我（其他同學唔合格會打手板），仲好好心機喺黑板用中文寫低D英字嘅意思，咁過咗幾個月，我漸漸適應，英文默書由食蛋進步到食腸仔煎雙蛋，佢拎起我本默書簿展示俾全班同學睇，一方面讚我有進步，另一方面勉勵同學，話我完全唔識英文都可以有咁大進步，其他同學起步早我咁多，一定都可以。雖然老師可能都唔記得佢當年做過乜嘢，但，我到今日都記得當時嘅情景，到今日我都好多謝佢當年冇嫌棄我，仲幫我建立起信心。
10個讚
成班小同升左中學幾個月，約埋星期六返母校探班主任，當時班主任轉左教小一，果一堂係英文默書，我地幾個師姐坐o係班房後面等。
班主任讀"boy scout"，我同另一個同學做口形話"小一就學boy scout" (原因係我地覺得英文程度比我地讀小一時高左好多) ，就o係我同同學做口形之後果一秒，班主任大叫我全名，佢話我講粗口，boy scout係男童軍咁解而唔係你口中既粗口。
當刻我無出聲，靜靜流眼淚，等到班主任落堂我嘗試同佢解釋我講乜野，但佢都係黑住面話我學壞，話我思想污穢之類。
自始，我無再返過母校，近年有幾次小同結婚請埋佢，我同檯都無同佢講過野。
我仲有個印象深刻既小學老師！
佢教我小一，一有啲同學唔小心叫錯佢「媽咪」佢就會好似癲雞咁狂鬧！
「我唔係你媽咪啊！點解你咁都會叫錯架！你好大個架喇！唔好成日亂叫啊！叫我miss啊！知唔知啊！」（無錯，好似癲左咁一輪咀）
呢位陳老師，仲好鍾意扭人耳仔！有幾個男仔曳左少少，佢就180度扭佢耳仔，成隻耳仔紅晒！佢感覺真係一啲都唔鍾意小朋友！但之後個幾年好似見到佢年年都大肚
我升小二之後，佢都係教小一，冇再做我仼何一科既老師(thank God)，不過我仲係好怕佢，見到佢會兜路！
到依家我女小一喇，我仲記得清清楚楚！
相信呢啲就係心理陰影！
1個讚
好老師：係美術老師嚟，成日都陪我哋，難過個時都會陪住，好用心嘅老師
壞老師： 班主任，其實我係算乖但係唔主動嘅人，係放榜個日其實個個都喊，佢淨係去安慰d平時主動嘅學生，跟住望咗我一眼，問都無問過，無理過，淨係走去攬住個幾個學生，個個眼神我呢世都記得
好慘！明明誤會左你，但都唔認！
我都試過！不過已經係中學既事！
啊sir屈我同隔離男仔講嘢冇叫「good afternoon sir」其實我有，我仲叫個男仔收聲先講！
之後佢唔比我坐，要我自己一個講！
我深呼吸，再講一次Good afternoon Sir！
點知佢個仆街話「聽唔到」喎！姐係明玩野啦！
之後我唔講，唔出聲，望住枱上既書
佢話「比個機會我再講一次」喎……
我望一望佢，再繼續望枱上既書！
佢話罰我企喎，好！我十幾歲𡃁妹，怕咩企？
之後我仲同行過走廊既朋友做口型打眼色，佢話「罰企既同學唔好同人講野」
好憎呢啲老師！
2個讚
我玩野嘅話會講「yes sir，你唔係人」
2個讚