細個遇過咩好/差老師?

我認我唔係傳統坐定定嗰批,但入左嚴格嘅單性別傳統學校,所以就撞曬機。

我係80後,以前讀小學仲好興體罰,我小學時期嗰個班主任真係變態,全班男同學都比佢兜巴升過.
我係嗰啲唔多出聲嘅學生,平時都係同幾個女同學玩,成績中規中矩,大個咗之後重遇返班同學,傾計講起,女同學話嗰陣時個班主任打比佢阿媽,叫佢唔好比個女同我玩咁多,驚我影響人哋個女喎!痴線,完全唔知點解佢咁做,嗰個女同學成績都唔係好.我到依家仲記得個八婆姓乜.

到中學時期,中四嗰年同同班男同學初戀,比個教中史嘅老師知道,唔知佢發咩癲,可能老女人冇人要,罰我一個留低,暗示我同男同學已發生關係,要捉我去驗身喎!一路叫我講真話!痴L線,乜都冇做過,要講乜嘢真話?最後留我留到夜晚七點幾先比走,咁夜先返到屋企,我媽咪當然問乜嘢事啦,我直頭喊到話要退學.

第二日就同我一齊去學校搵主任了解咩事,條八婆應該比主任省咗一鑊,佢自己搵我入間房道歉,話係誤會咗我,但呢啲變態女人點會咁容易放過我?我係嗰間學校讀咁耐,比佢針對足咁耐,佢搞學校話劇就搵我個初戀男朋友做一個角色,搵隔離班一個女仔同佢做情侶,日日放學排話劇,日子有功,我個初戀男朋友都同咗嗰個女仔一齊.
我就繼續比人針對針到完咗會考.
呢個仆X老師全名,個樣,仲有佢嗰口講唔正廣東話話嘅鄉音,我都仲記得.

我冇比老師屈
不過我明白你!:stuck_out_tongue_closed_eyes:中學果時成日要背默詩,成日默默下,突然有成句唔記得,果次默書就拜拜得:wave:t2:

睇完覺得呢個世界好多變態老師
作為家長,真心應該聽下小朋友講嘢,唔好只信老師

3個讚

真係戲都唔交下

其實我估呢類老師會陪住呢個教育制度,直到永遠,阿門。

記得6年班用 Longman 英文書!老師話唔識既字返屋企查字典,開學上堂仲介紹幾本字典比學生自己買
咁返屋企,我有隻生字唔識查唔到!返學校,又會咁啱,個英文老師問我呢隻生字!我唔識答!咁我就要被罰抄呢隻生字,都算!佢仲係班同學面前加多句:係你媽話如果你有乜唔啱,叫我罰你!
返到屋企,我好唔憤氣!心諗無理由!再打看本字典,原來真係無呢隻字,自己又醒唔起駁咀!
我又試我老母,佢支吾以對!後尾有次聽老母大人煲電話粥,偷聽到啲野:個條咁既pk 英文老師,我今年無送禮物比佢,佢就針對我個女!我個女問我,我費時講!..

1個讚

仲有一轉係幼稚園!我好記得個陣小息係由班長派2粒肚臍餅,同一杯水!次次都比白色,明明桶裏面有其他顏色!
咁我就好想拎粒有顏色既肚臍餅,放係手巾盒入面,用手巾遮住,帶返比我老母大人食!
有次班長嚟派餅,我就伸手埋桶揀顏色,好開心揀到!點知個班主任一見到,行埋嚟,刮左我一巴!

當然我粒餅拎到返屋企,我老母大人問乜事,我無講!直至小學,提起我就講!

老實講,雖然今日我為人父母!但我都體諒所謂怪獸家長!源於我太多不快經歷!我有時都會串老師,捍衞我小朋友!當然係合理情況下啦!

4個讚

其實好多死教畜
根本都唔岩做果行
小朋友家長要硬食
好慘

1個讚

有個case, 無啦啦攪作文比賽, 就係內定有機會升大學嘅同學拎獎, 全部人陪跑…都算, 衰在阿蛇某次同我講話幾好, 我仲以為有個細獎, …超

仲有要用隔離班跑lcci 公開試條數, 本人一來唔想考, 兩來都難合格, 三來又要科水,咪唔報, 點知比人鬧我影響佢個kpi…又話上一班全班幾幾勁…

壞老師:幼稚園嘅時候,試過比人趕出班房,書包比人掉垃圾筒。又試過因為我唔訓午教,比幾個老師扯頭髮,將我推落地下。迫我訓午教。
一路同我講你頭髮綁禁靚做咩,
你都唔想番學拉。
除左佢拉。
好老師:細個出活動既時候,我哋無錢會請我地食午餐,有一次我無得奬係到喊,佢自己私人送左盒顏色筆比我。
佢番工會帶水果刀切水果比我哋食。 :disappointed_relieved:
可惜前幾年聽到佢癌症走左。

哇你哋講啲衰老師衰到冇人有!

2個讚

依家比人告到甩褲!
話說我都係幼稚園比老師刮左巴!
其實係我手多,見到老師隻杯好靚,我就望下摸下咁!點知唔小心打爛左!
我都未黎得切反應就比老師琴左一巴!
返到去我唔敢出聲,乜都冇講!
點知比我媽發現左我耳仔損左!
啊媽問我點整損,我又唔敢講大話:sweat_smile:
就話比佢聽成件事!

嘩!我媽嬲到震!
即刻去學校剷個老師!不過個位老師冇出現,由校長、其他老師出面!
我媽真係Diu哂鬼「咁細個小朋友唔識野你洗唔洗咁樣打佢?佢隻杯好貴架咩?我賠返比佢啊!你叫佢出黎」超級大聲,係學校門口!我當時真係好驚,我都好少見我媽開行100%鬧鬧鬧!
之後我轉左校!

1個讚

基本上香港讀書,中下就充斥住呢d人

3個讚

教畜!
由我哋細到依家都仲有:smiling_face_with_tear:

2個讚

咪係,根本就好似罐頭菠羅咁,無論你個幾大幾細,都只可以fit已定落嚟嘅罐頭

1個讚

認同!
依家自己做家長,真係會思考分析下老師所講既野!
唔會單方面聽到老師話小朋友「做得唔岩/唔好」就鬧自己小朋友!
要睇下老師存唔存在徧心/徧私!

1個讚

咁我覺得我嗰啲照書讀白鴿眼老師都唔算太差,佢哋以為自己係貴族或公主嚟開化我呢啲窮苦學生啫

1個讚

家人讀特殊,次次返學放學都脾氣差會容易發脾氣打人,但奈何佢唔識講野完全無從入手,後來發現係老師上堂打佢,阿媽當然嬲到震即刻打電話向教育署投訴,教育署派人黎觀課,個老師就病假最後辭職。出面普通小學就話為份糧教下書,但揀得教特殊唔可以咁樣!仲要係廢除體罰之後發生嘅事!

好彩後來遇到個有愛心耐性嘅特殊老師,成日請佢食野畀佢玩,脾氣好左好多,起碼返學都冇再發脾氣過,打人次數都少左,仲特登向學校申請畀佢留班幾年可以繼續學下野返學。十年後都仲有 keep contact。好老師可遇不可求。

3個讚

你媽媽做得好!
呢啲老師根本唔應該教幼稚園:rage:

2個讚