衰老師，成班面前一齊笑你
1個讚
鬧到反面，預左會走。媽媽做得好。呢啲EQ 低老師不可助長。
1個讚
我同以前啲老師好熟
成日聽埋聽埋好多老師另一面的事
以前，一般而言，成績好的學生多會做醫生、工程師、律師…
因薪高糧準，師範好易吸引埋啲成績差的又或當教席是水泡的學生去讀
戴頭盔先，我不排除世界上有熱心老師。（而我好好彩，遇見不少好老師）
2個讚
雖然話就話幼稚園,嗰巴真係記一世!衰左比人打一巴,就話改過啫!我係覺無錯!委屈得嚟又唔敢講,咁就屈到而家都仲記得! 
反而我好奇想問返個老師,乜有顏色肚臍餅貴 d 咩?乜唔可以派 d 靚 d 好食 d 既餅咩?乜揀野就要一巴醒過去咩?.. 
好彩我份人都算樂天派,經歷過,而家處理小朋友問題,都會身同感受,切身站係各方面諗,真係唔會 buy 晒個老師講既野!
我記得我而家小朋友塊面有少少花,係學校返嚟,咁我問小朋友,佢個陣唔識講野,咁我問下佢點頭或擰頭!我梗係等放學問佢班主任!班主任話無聽佢講,唔知喎!
我話咁請佢幫下手睇下有無小朋友整到佢或者佢點整到!個老師話我小朋友咁大都仲未識表達自己,又唔識同佢講…講到好似投訴返我小朋友咁!
嗰刻我就話,3歲又幾大?唔識又咩奇?佢少講啫!佢善良比人恰,我知架!唔該你幫我留意下啦!
真係激死人!嗰陣又迷茫又激心!又比佢搞多個問題出嚟!好!等老虎乸出絕招! 
放心!升左班後,我小朋友把口真係…連今手班主任都讚佢講野叻到吹啤啤呀! 
2個讚
咁讀得差既都可以係好老師既，只係冇醫生呀嗰啲咁勁囉
伯友勁呀! 
我阿媽反而怪我當時點解唔講,如果我講,佢實 diu 個老師喎!但我唔信囉! 連小學個單野,佢咪一樣封咀!都估到既,小六都要呈分試…
1個讚
好好彩呀! 
我都有小學老師 contact 我老母,不過旨在吹水…有關移民回流返嚟,佢哋所見所聞,佢哋一番獨特見解!毫無養份或關愛可言!
成績差但教嗰科唔差就得。個老師可以唔識英文數學科學，但佢中文叻，對學生有耐性愛心，就係一個好老師。就算自己成績唔算好，作為一個盡責老師，會諗盡辦法去幫學生學習，建立正確價值觀。
依家啲 old seafood 開始退休，師範人數少啲，冇愛心耐性嘅老師會流失。
3個讚
Little Hitler - 我話哂事，我唔鍾意比就唔比
1個讚
其實我果輩，成績唔好一律歸入懶
我既小學老師, 好不幸6年入面, 有3年佢做我班主任
體罰 一定有, 男既兜巴星, 女既就鬧, 總之, 精神虐待, 身體虐待咩都有
-
我成日都唔記得帶功課, 一係就無做, 一係就無帶書, 一係無帶筆, 擦字膠
成日都要寫手冊, 見家長, 有次我唔記得帶擦字膠, 佢紅筆寫手冊, 我媽問我點解你班主任咁麻煩, 有D咩大大小小事都要見家長,
個時個個都要返工, 邊成日得閒請假見家長, 去到又要比個老師依依um um , 個時我媽都好唔鐘意我, 成日都打我 -
三年班, 我本來參加星期六個D課外活動
成個學年, 我淨係上到幾次, 因為次次我個班主任都會罰我企, 所以我無得去課外活動
(每次我都要去到課外活動同miss講, 我比人罰, 上唔到堂) -
係成班同學面前講, 你地唔好同佢(即係我)做朋友呀, 佢會教壞你
(其實我又係無帶功課)
引致我細個唔敢同其他人做朋友, 我驚佢地會 “唔同我做朋友”, 直到中學都係咁 -
一有D咩事, 就叫我去搵我哥, 佢大我一年, 同一間學校
我有一D咩, 上上下堂就會叫我去搵佢
第一次我企左係阿哥班房門前, 喊左好耐, 叩門又死, 唔叩又死
最後我都叩左, 上緊堂既miss見到一個唔識既學生好驚訝,
我走去同佢講, 話要搵乜乜乜,
點知我哥落到去就係比佢鬧, 你做人阿哥要教好個妹, 你要幫佢睇功課, 唔只1次, 係叫過好多次
可能咁, 我哥都好憎我 (到而家都係) -
男既體罰, 兜把星都已經見慣, 我覺得最嚴重係, 將個男仔個頭, 撞落去黑板到, 仲要鬧佢死蠢, 唔死都無用, 一路大巴大巴咁come落去.
精神虐待就係話你唔知醜, 你學人著咩衫, 除左佢啦, 跟住佢就會郁手除你衫, 解開你D衫鈕, 咁小朋友緊係用手擋, 佢會話你試下再擋, 佢又開始伸手想解開粒鈕, 又或者除個男仔條褲(伸手去褲頭), 一路鬧你, 一路侮辱你 -
女既就好少兜巴星, 打都係打手板, 唔係而家個D薄膠尺, 係厚膠尺, 真係啪啪聲
精神虐待都係除衫, 女仔著連身裙後面係拉鏈, 佢就企係身, 伸手去你後面, 拉低條拉鏈, 你反抗又係話你, 你都唔知醜, 著咩衫呀, 除左佢啦,
我有試過(個時應該係小五, 小六), 佢想除我條裙, 我見到D同學仔都"令"咩塊面, 呢個恥辱, 我一世都記得, 我喊住咁話唔好, 佢仲除得起勁, 係咁話你知醜架咩, 你唔知醜架,
(之後, 我都唔記得幾耐之後我發現條拉鏈鬆左, 點拉佢都會drop返落去, 小息個時我唔知點好, 自己企左係音樂室, 企左係最角落位喊, 15分鐘後, 個鐘響, 我又喊住咁出去, 有個miss見到我喊問我咩事, 我答佢我條拉鏈拉唔返上去, 個missg幫我拉返上去, 搵到個扣針扣針) -
男女都岩用
同你講, 你讀書黎都無用, 你唔係我既學生,
一手將D 同學仔既書包拋出去門口, 有D學生會行去執返D書薄, 再企係度, 班主任又再拋過, 拋到去門口為止, 之後叫佢係出面罰企
(我記得當時有位好朋友, 都受到拋書包既對待, 佢喊得好慘, 我個時好嬲, 但又唔敢出聲, 好想出聲叫個班主任停手, 但我無咁既勇敢,因為我預左成日都要比佢罰, 我同個班主任有對望1,2秒, 個下真係好想佢停手, 無耐佢將地下D書薄, 書包飛出門口, 叫我朋友出去罰企) -
小六,我又唔記得帶野, 比佢罰坐無影櫈, 第1堂唔係佢教, 所以佢係下堂miss黎個時,
同個miss講, 呢個學生要被罰, 坐1堂時間既無影櫈 (大脾放住本學生手冊, 坐完一堂, 本手冊都濕晒, 甩埋色)
以下係其他老師
教PE / 社會 - 陳sir, 白頭陳, 唔記得做佢功課, 無帶野, 用擦字膠係髮尾剷返上去 (D膠會扯住D頭髮)
教英文- Miss Lo, 你咁蠢, 唔應該係呢度讀, 應該去格離間特殊學校讀就岩啦
唔記得教咩 - 四眼黃sir - 又係大巴咁come埋黎 (男仔, 女仔無咩印象)
我班主任 - 估計當時, 3,4x 歲, 姓岑, 女性, 已婚, 戴眼鏡
好miss, 中一, miss劉, 教英文, 英文都好好, 好有心機教學生
離開左地獄, 終於都遇到位天使, 發現, 原來老師都有好人, 佢無咩點對我特別好, 但feel到佢好斯文, 佢都會大聲講野, 但經歷過地獄, 呢D真係無咩野
其實中學D miss / sir正常好多,
係有1,2位short short地之外,
無咩特別好 / 差
2個讚
我係一個唔起眼學生, 遇到的老師都係好好.
以前有個MISS放假仲會帶我地去遠足, 因為以前年代好少去好遠, 因為坐巴士要坐好耐. 佢同完我地遠足, 仲帶左我地成班嘩鬼返佢屋企玩, 原來係深井啲豪宅來. 好多美好回憶.
又有老師雖然住過渡性房屋, 但係唔會覺得失禮, 帶我地成班去佢屋企附近個藍球場BBQ.
以前嗰啲人情味, 呢個世代揾唔到了.
2個讚
其實做老師最緊要有心，有熱誠。
教學嘅嘢，教住學，學住教。
教唔到中學，教小學都可以。
我都遇過miss 兜口兜面扔人d功課落垃圾桶，其實教育係要侮辱學生咩？？
好仆街
1）中六班主任，教physics，最鍾意吹廢水，無聊當有趣，triple堂夾硬吹足一整堂先教書。教又教得唔好，淨係俾份handout叫我哋自己返去讀當教咗。份handout仲要唔係佢整嘅，係佢嘅同事整嘅。
2）同一個老師，因為教得差，校長收到投訴信。佢無啦啦屈係我做嘅，話因為成班得我係單親家庭長大，通常有啲心理變態。但我一無做到，二當時中英文都考得好好，偏偏佢喺度揶揄寫投訴信嘅同學仔錯字錯grammar
3）中二個maths老師，話我成日dup低頭唔望佢，第時數學唔方會好，同我阿媽投訴兼叫佢同我講疊埋心水讀文科好過。實情係我dup低頭自己做晒啲classwork同homework，Maths 書從來唔需要帶返屋企，後期當然升咗理科讀A Maths班。
1個讚
而家我唔會當呢D miss / sir係老師, 佢地跟本都無當過D學生係學生
只係一個出氣袋, 任佢地蝦既小生物
侮辱學生係無必要, 教人係教授一D智識,
侮辱學生只係佢地心理有問題, 扔人功課落垃圾桶學生學到D咩?
咪呢世都會記得呢D仆街, 無心做, 真係唔好害人
呢幾年咪有句"以生命影響生命",每次聽到呢句我都好唔開心, 好想喊
就係因為細個有呢D仆街, 令我既人生都唔開心, 會記住有個咁唔好既童年
如果有得遇返呢D仆街, 我只會講呢2句,
問佢你仲記唔記得我? 希望你既子子孫孫都受到同樣對待 , 你會心痛嗎?
(不過唔會啦, 而家學生識得保護自己, 唔會好似以前D學生咁, 比人虐待完唔出聲)
6個讚
跟本就係人渣, 都唔明點解佢要去教書,
害左D小朋友有個童年陰影
4個讚
嗶!呢間咩學校嚟架?一啲都唔似學校喎! 嗰位岑老師係咪有精神病?咁對你哋,陰功
駛9氣!生命影響生命?救人條命呀?啲小學老師簡直唔係人!剩識恰細路!正 pk!中學真係好好多