唔好咁諗,當比大家宣洩下!家家有本難唸的經,人人閱歷大不同!人之所以獨特,無同一個我嘛!
2個讚
我覺得講下都好，我地都成為長輩，唔想自己受過嘅嘢，唔小心又做返出嚟
1個讚
我以前中五個班主任，明明知我逃學， 都冇記我大個， 因佢知我平時好乖好聽話， 那次只是一時迷惘， 好多謝佢， 不然我嘅操行就留有污點
睇睇下你地post諗返起幼稚園，
k2 - 當時既幼稚園應該日日都有玩具堂，一組人拎一籃玩具玩。
果日係玩積木，我一舊積木都無玩過，淨係睇同學仔玩，到夠鐘落堂時老師叫收好d玩具，玩果幾個唔肯執，我無玩理直氣壯唔會執，老師鬧同學時同學執左，而我都係無郁手。
結果老師鬧我無手尾，唔執玩具，我堅持話我無玩過所以唔會執，老師就罰我企同扭耳仔，企o係黑板前面直到放學，去到阿媽黎接放學見到佢我先喊。
阿媽鬧個老師，佢個女唔係黎幼稚園做妹仔唔洗服待人之類…
k1 - 開學幾日，帶左個筆盒入面有鉛筆有擦膠，隔離位拎左我支鉛筆唔俾返我，跟據阿媽既講法係我兜把摑左落去個同學度 ，個同學大喊，老師問我咩事我照講，之後罰我企走廊，一直都無喊，去到阿媽接放學我先喊，委屈到仆街。
阿媽問我咩事，我同佢講個同學係賊，阿媽都係鬧老師無理由罰個3歲小朋友企走廊，得我一個會嚇親之類。
自始，幼稚園要求學生唔好自己帶文具，統一由學校提供。
k1 - 音樂堂，唔知點解成班唱歌唱得唔好(太細個唔記得係唱得唔好定乜野)，老師罰我地全班o係黑房，即係音樂室熄燈關門拉埋個門廉，好多細路勁喊，當時我覺得過左好耐條八婆先返黎，唱埋首歌先準返班房。
k1 - 阿媽講既，第一日返學，我返果間係d上樓上果d幼稚園，第一日返學我上到去見好多同學喊，d老師要理d喊包無人理我，我就偷偷地走落樓諗住返屋企，好彩阿媽仲o係門口附近，唔係我就可能車死左。
阿媽鬧個校長點解個大門口係開住而又無人睇。
由入學就搞咁多野，理所當然地之後我既幼稚園生涯係唔開心。
2個讚
係囉，本來唔係話記住，點知原來提起果把火都仲o係度。
有時唔明人地同學校既bonding可以咁深，自己好似完全無依個感覺 
岩，提住自己唔好做依d仆街！
喂呀，明明係情竇初開既年幾，又係一個美好既邂逅，天呀！點解係個毒男阿sir呀！
1個讚
其實好少事，老師絕對有能力氹小朋友大家一齊幫手！好明顯呢個老師廢，仲用啲所謂既「威嚴」迫一個咁細既小朋友！
垃圾！
1個讚
其他小朋友被鬧完開始動手執，好快就執晒。如果層主當時認定自己無錯真係未必趕得切氹到佢一齊幫手。有d老師可能就咁算，有d可能會虛心同小朋友講返點解要一齊執，不過廿幾年前既話好多時都係用懲罰，但郁手扭小朋友耳仔點都係唔啱。
1個讚
其實諗返， 一呢位理科阿sir算係好好啦
有教過我嘅男阿sir
3，4x歲 有肚腩， 講嘢粗線條
4，5x歲 有白頭髮， 有小肚腩， 長輩級用語
4x歲 內地有口音， 內斂， 唔知關唔關佢口音事
4x歲 正正常常 ， 講嘢好斯文（不過而家佢好似做咗另一間中學校長， 藍藍地）
4，5x歲， 有白頭髮， 有肚腩， 講嘢 幽默啲
咁呢位理科阿sir 應該 28 至35左右
都算係。。。。 毒男 （外表， 內裡唔知了）
一年班時讀緊一間top 1小學，我嘅英文水平甚低，阿媽響我本英文書上寫滿中文拼音，因為比同學笑過所以我唔敢比人睇。
後來我本書唔見咗，我好不安同班主任講，佢笑笑口話本書響英文老師度。我以為會比佢笑，點知原來英文老師話我阿媽d讀音唔岩，佢分幾日同我溫過晒所有內容，教返我所有讀音。細個冇乜感覺只係安心冇比人笑，大個諗返先覺得感動。
5個讚
有樣嘢想問好耐…
你哋覺得老師記得學生生日正唔正常？
因為我中學試過2次收生日禮物
雖然只係零食啫
中二女班主任最鍾意生得靚同活潑嘅同學，整埋D什麼每月進步獎、最佳表現獎，得獎永遠係佢D摯愛學生，當其他學生透明。有次我係街見到佢摯愛 No.1同一個男仔一齊，有啲親密。兩日後放學時，班主任係走廊好大聲好嬲咁叫我，我問乜嘢事，佢話阿摰愛No.1 之前嗰日係同表哥一齊買嘢，嗰個唔係男友，仲話我周圍唱佢搞到佢喊左好耐，返唔到學，要我同摯愛No.1道歉。我話我從來冇同任何人講過見過佢，何來唱佢；仲有，點解你無查清楚就選擇信佢，我都係你學生，你問都無問我就話左我先，你有冇理過我既感受，你覺得對學生公平嗎？佢呆左，我啤左佢一眼就走。自始我每次望佢佢都避開我既目光。
我明老師都有偏心，但偏到咁真係少見。
4個讚
我成日都見偏心，講真佢偏佢事，唔好影響d唔關事丫嘛
原來大家都有遇過咁多差既老師。
我咁多年都以為得自己遇過，以為自己好慘添。
話說小4上數學堂，數學成績好差，個亞sir當住咁多同學面前掉左我本功課落垃圾桶然後講左句 “都唔知你亞爸亞媽點生你“，之後我就分離焦慮症＋日日以淚洗面，有一排返唔到學，但係我無話比我媽知，因為我覺得佢侮辱緊我亞媽。
老老豆豆我到而家都唔能夠釋懷佢講果句說話。對小朋友黎講真係好L惡毒。
2個讚
所以我都唔鐘意返學
仲話學校好純真，超！
好唔正常！
你遇到個好老師！
1個讚
嘩，你好勇
呢啲真仆x老師！
當年我妹讀文科，佢個數學老師話「你唔係E就D」，結果我用住hall返屋企嘅兩個星期六，幫佢補習，C左
1個讚
嘩diu！好癲呀！
原來我單野都唔算d咩！
你講果d真係心理陰影面積大到計唔到。
請問其實而家d學校係咪都仲係咁？
呢d情況係只會出現係公立學校定係直私都一樣？
自己試過都真係唔想自己既小朋友都有心理問題。
1個讚
我都唔太清楚!我都生埋小朋友,幾十年無讀書啦!而家小朋友入學,我都擔心架!
我細個小學一定係名校,而家都係!啲老師得個樣,實則個個似餓狼一樣貪!最鐘意一打開本家課冊睇下啲老豆老母做盛行,住乜做乜,從而入手!唔關公定私校,剩關你想個老師幾錫你關照你 d 仔女既事!
所以名校鐘意收有家底學生,係不無道理!咁當然又唔係個個學生好似我咁黑仔王咁遇着咁既貪老師!
只怪我老母大方,要既就隨便拎,出於保護我,但同時亦係助長呢班貪狼!我細個長期有病,都要老師睇住我食藥!嗰陣風氣,想要特別照顧,識做啦!保護費都要交架!我老母都無得揀架!