朋友既説話，令我好擔憂，你地如果係過來人，可以分享下嘛？

[TM0808]

@Sailorlily

@TM0808

都巳經半年，我地關係無差到

咁就OK.
其他人講乜唔洗理, 最緊要你地有共識.
我有朋友, 新婚幾個月, 婚後一個月已分居.
原因係男的住離島, 女方唔慣.
疫情關係業主返唔倒來處理住屋問題.
男的在市區都有個小地方可以安置女方.
女方每WEEKEND先會入離島住2,3日.
SO FAR都OK
係走來走去辛苦少少
你知住離島幾咁唔方便.
如果女方住得唔開心, 關係都唔會好得去邊.
大前提下要互相信任.

有你地真好，令我知道i’m not alone, 比我知道其實有好多同我一樣情況，但關係都可以好好！

[TM0808]

@heakatie

相處mode大家覺得ok就得，有工人一齊住都唔代表會相處得好，如果係驚老公易有其他女人，一齊住都可以有。老實講夫妻關係大家關埋門做咩都其實唔需要局外人比comment，下次再見到朋友你輕輕帶過呢個話題，講其他嘢算

會吖！再傾呢個話題，就輕輕帶過就算，費事影響自己心情

[noahetc]

唔好過分擔憂, will be fine

[TM0808]

@noahetc

唔好過分擔憂, will be fine

知道！我係好易受人影響的

[TM0808]

@ssm

不用理會旁人，適合自己就係最好嘅方法

嗯，知道呵！

[TM0808]

@m_m_m

呢個我可以分享，仔仔4歲前都肯在奶奶處獨自過夜（有一段時間我未搬近奶奶，老公又輪班，個仔一至五放奶奶度，維持咗大約4個月，之後係間唔中過夜），到4歲開始，仔仔唔肯喺奶奶度瞓，一定要返屋企

你起碼都會返去陪老公一齊瞓呵！但我情況因為遠，所以要陪埋吖囡過夜！我d朋友就覺得我同老公關係會疏遠

[TM0808]

@rilley

我仔同學媽媽，長期同老公分隔兩地，
係放假先會帶仔過去探幾日，但佢哋日日都有video call，財政大權係個媽媽手上。
反而有幾位唔睇好朋友離婚，佢同老公關係依舊。
有心出去玩嘅，日日對住都可以玩到；最緊要係大家目標一致。

啱呵！目標一致好重要，大家都係為左個囡好！同埋我地都見過一兩個朋友就算一齊住，男既都會去出軌

[TM0808]

@Luckystar

但係我唔明…
1-4都返99到住，咁老公唔會掛住啊女？
已經1歲啦，又戒左夜奶（應該？）
其實冇需要咁樣分開啊？！

當然外人好難明，你哋大家接受就可以

老公會掛住呵！所以晚晚視像，點解分開，係因為我住得遠，我自己晚晚返去會好累，加上我WFH，差不多日日都在奶奶處做公司野，夜晚又想幫輕奶奶，自己湊番個囡，老公同我都接受呵！不過希望係暫時，將來可以搬近奶奶度，就可以一家三口一齊住了

[TM0808]

@FamilyM

每對夫婦嘅相處方式都唔同，有啲人每日要講五個鐘電話痴纏到暈，有啲人好需要空間，你地兩個舒服咪OK囉

你同奶奶相處到，但反而佢同自己個仔相處唔到？你好勁

哈哈，所以奶奶成日話我先係親生女，老公係女婿

[TM0808]

@Merck

睇完你段文字之後, 睇到以下呢句, 覺得有D怪, 佢好似幾enjoy, 我唔喺佢身邊?!

@TM0808

佢就話，就算一齊住關係都可以差！叫我不用理會

因為佢自己同我結婚前，都係自己一個人住了10年，無話enjoy唔enjoy，但佢接受囉！大家都係為個囡好，加上我地見過一，兩個朋友都有老公出軌既事，所以話一齊住，關係都可以唔好

[TM0808]

@LovePotato

@Luckystar

但係我唔明…
1-4都返99到住，咁老公唔會掛住啊女？
已經1歲啦，又戒左夜奶（應該？）
其實冇需要咁樣分開啊？！

係，雖然依個生活方式係樓主兩夫婦覺得ok，不過我反而擔心樓主小朋友點諗，兩夫婦決定生小朋友，唔係預咗生活會有改變、會累架咩？咁放工後湊小朋友責任只係去咗媽媽度，爸爸長期係一個absent father（可以google下依方面）？

我諗你啲朋友都係咁諗，因為依個原因去分開住，你地有冇諗過要分到幾時呢？小朋友對於爸爸要分開住係咩感覺？雖然佢仲細，可能你覺得佢無感覺、無影響，但都應該要考慮。

呢個就係我朋友為我憂慮既問題，但小朋友日日咁來回，佢會攰，對佢身心都影響，其實我地都希望係暫時，將來買到奶奶附近既樓，就可以一齊住

[Luckystar]

@TM0808

但小朋友日日咁來回，佢會攰，對佢身心都影響，其實我地都希望係暫時，將來買到奶奶附近既樓，就可以一齊住

同埋小朋友咁細，同爸爸一齊生活都好重要！
不過你明白就好！
希望你早日買到樓，享受家庭樂

[TM0808]

@Boboserie

@TM0808

我都同老公傾過下，佢就話，就算一齊住關係都可以差！叫我不用理會，但我仍然不安！

老公咁講你可以放心啦
其實呢個住宿方法都好普遍~
朋友講乜都得架啦，又唔係佢地自己事

都放心呵！

[TM0808]

@Koala1

@LovePotato

兩夫婦決定生小朋友，唔係預咗生活會有改變、會累架咩？咁放工後湊小朋友責任只係去咗媽媽度，爸爸長期係一個absent father（可以google下依方面）？

我諗你啲朋友都係咁諗，因為依個原因去分開住，你地有冇諗過要分到幾時呢？小朋友對於爸爸要分開住係咩感覺？雖然佢仲細，可能你覺得佢無感覺、無影響，但都應該要考慮。

同意，樓主丈夫一定覺得無問題，因為佢係呢個安排嘅得益者 (平日唔使照顧女女，自由活動，有時間和老婆二人世界)，樓主亦幸運地和長老爺奶奶關係良好。

長遠嚟講小朋友要返學，有學校活動、功課，呢個父母分開住嘅安排，表示大部分小朋友嘢要樓主頂晒，樓主朋友應該係考慮埋呢方面。

會考慮，因為我地都希望快d搬近奶奶處，到時一家三口一齊住，只係時機未到，其實我老公好好，到weekend 會盡爸爸責任去照顧個囡，都幫輕左我好多

[amigos]

@TM0808

所以我好怕見我d Fds，怕傾呢個話題

唔駛乜都同人傾嘅
咪話一齊住返，中止呢個話題囉

[TM0808]

@m_m_m

放心呀，我同你模式類似，但倒轉（逢五至日在娘家，一至四在自己家）
由個仔滿月到三歲都係咁，原因同你類似，老公讀緊part time想weekend溫書，同時佢同我媽關係差，所以我就一人同B去娘家過夜。
直到個仔K1，老公讀完書，就一齊過返weekend，只間唔中帶B去娘家過夜。
到個仔五歲，我老公轉咗工（佢以前輪班），weekend不想一個人在家，我就無再喺娘家過夜。
宜家仔仔快7歲了，我同老公感情仍然好好
在娘家過夜時，我會send相俾在家溫習／工作中嘅老公，約每日1-2次，每次由娘家歸來老公都會問我哋開唔開心，玩咗d咩～
我同老公都要返工，呢七年嚟從未請過工人，連鐘點都無，宜家一至五奶奶湊，weekend自己湊
我哋覺得工人不是萬能，也不想太依賴！
你果d朋友唔駛理佢，最憎果d多多意見嘅人，我阿媽都曾經叫我請工人，咁咪唔駛「走難」，我話我weekend已經去埋你度一齊湊仔啦，你仲有咩擔心？
一至五奶奶湊得好好，但佢哋都有自己家務要做，所以weekend一定唔駛佢哋湊。

好好既分享呵！咁樓上話齋，仔仔對爸爸分開住，有無咩問題戓感覺呢？聽到你同老公關係好好，好開心呵！

[TM0808]

@amigos

@TM0808

所以我好怕見我d Fds，怕傾呢個話題

唔駛乜都同人傾嘅
咪話一齊住返，中止呢個話題囉

都係好方法

[Sarahrah]

理想生活，個個都想有好環境一家人一齊住。現實又係另一會事，香港樓甘貴，天價甘，吾係一時三刻話買就買。生活到，大家暫時分開住，好好準備下，先再一齊住都幾好 無乜野。好過搞吾掂，又無人湊仔，又有經濟困難，甘咪重衰。

有啲人可能會講好多嘢點解唔一齊住，個個人生活際遇都吾一樣，唔通有咗BB落咗佢咩。

好好生活大家身體健康咪得囉，而家呢個時勢都唔使理人點睇呀。

[Cll]

我都係咁，我曾經試過星期一至四同bb 返自己媽度住，星期五至日先回家見老公。如果兩人關係冇問題，唔使理其他人點講

[TM0808]

@Cll

我都係咁，我曾經試過星期一至四同bb 返自己媽度住，星期五至日先回家見老公。如果兩人關係冇問題，唔使理其他人點講

原來呢度好多同類既人，呢度真係好好！肯聽我呻！又比鼓勵我