有d長篇，如果不喜，勿插
話說我個囡巳經1歲，舊年放完產假就要工作了，當時我老公做freelance，所以可以在家幫手湊B，但因為老公都好攰，所以大家共識左，每隔一星期我同BB去奶奶屋企住，老公就自己在家(因為佢同奶奶關係差) 所以佢無跟我地過去，加上當時又開始WFH，可以幫輕下奶奶，不過都主要奶奶老爺湊，而且奶奶同我屋企距離遠，所以我只好每晚都過夜！我同老公關係仲ok的，佢每次見親我地兩個都好開心！
後來半年前，我老公有工返了，模式就轉左星期1-4我同囡在奶奶度過夜, 星期五就返自己屋企到星期日先再返去，都巳經半年，我地關係無差到！我同老公間唔中都會放低吖囡出去！好喇！最近我開始見番好耐無見既朋友，每當個個聽完我呢個生活模式，就一定講到對將來我地關係唔好，長期分開住，唔好咁，本來無野既我，我就開始憂慮了，我都同老公傾過下，佢就話，就算一齊住關係都可以差！叫我不用理會，但我仍然不安！
D朋友又話點解唔請工人？咪可以一齊住，心諗有得慳當然就慳喇！加上比奶奶湊點都安心過比工人湊，又唔知請唔請到好工人，加上疫情之下請，又危險，所以我好怕見我d Fds，怕傾呢個話題！
你對你自己冇信心？其實你先係當事人，局外人點都唔會比你更了解你哋嘅家庭狀況。
其實我不嬲有信心㗎！但每當有幾個朋友都咁講既時候，就會動搖囉！
聽落其實你呢個模式無咩問題喎
你d朋友過分憂慮啫
每對夫婦相處方法都唔同
你地2個人覺得ok就得啦
冇必要⋯⋯
你地真好，係我第一次聽到話呢個模式無問題，我老公差不多每晚都同我地視像，希望吖囡認下爸爸咁！因為呢班朋友算係好fd，所以咪會質疑自己決定係咪錯囉！
我之前有同事都係咁，仔女長期同婆婆住，weekday 老婆係婆婆度住，老公放工係婆婆度食飯，食完自己回家，weekend就老婆同仔女一齊回家. 佢地咁樣既生活去到仔女升中，就全部搬回家。
咁你個囡同爸爸關係有無疏離 (始終唔係日日見到爸爸)? 如果無, 你自己同老公又OK, 咁駛乜理D人講乜
朋友佢地講嘅野未必啱
你自己考慮過，覺得無問題就可以了
要識自己過慮呢d人嘅說話
就算佢地人多勢眾
也要分清事實
因為你先係當事人
佢地唔係你，永遠唔會明白你嘅situation…
呢句講得好啱
每個人生活模式都唔會有個standard mode, 你同你老公舒服咪OK 囉… 最緊要係一家人有共識, 你問我唔覺有問題…
我見過最耐分開咗半年，
老婆太耐冇見老公，
好想番屋企。
日日都視象見面感情一樣咁好。
我老公無晚晚黎食飯呵，因為佢地關係真係唔好！不過我中間都會返一晚同老公瞓！
咁你同事一家關係仲好好嘛？
分開半年？中間無見面？
吖囡同爸爸關係無差喎，見親爸爸都笑！我老公又真係會同佢玩既！所以都ok
因為我同佢地解釋唔黎，每次回應我都啞左咁，你地好好，明白我處境
我仔仔9個月大, 由5個月大開始都係用呢個模式, 不過老公每晚放工都會過黎食飯。
我個人覺得冇問題, 亦冇乜好擔心, 每個家庭都有佢哋自己嘅考量, 只有自己先最清楚邊個方法對bb / 對自己係最好, 自己覺得冇問題就得啦 
同埋, 有時各自有返少少私人時間, 可能仲好呢, 成世流流長有排對呀 
係呵！當初我同老公一齊解決先得到呢個答案，難得老爺奶奶對我同囡都好好，所以我一向都覺得無問題㗎，老公有時會想找機會同我拍下拖咁
你朋友有冇小朋友或者結咗婚未ge？如果冇的話，真係可以當佢係冇經過深層思考嘅suggestion，聽完就算。佢未必係黑心或者咒你
如果樓主你擔心，咪試下安排啲sweet 嘢一齊做囉。呢啲嘢應該無人嫌多嘅。但我感覺你兩公婆感情都ok 喎，你老公回覆「就算多一齊都會嗌交」又係真，駁唔到
有私人空間，我好認同，記得舊年大家係新手爸媽，同佢多左d磨擦，之後呢個模式之後，反而好左！