全部都係媽媽黎㗎！所以我先懷疑自己囉！
好彩我同老公有共同朋友，出去玩既機會都多，不過就辛苦老爺奶奶幫手湊多日
唔好咁易動搖
有一對夫妻帶埋個仔，
6299一齊番大陸過年。
過完年又話封關。
得老公一個人番黎番工。
老婆同6299一齊係大陸生活。
日日都視像。
老人家擔心疫情一直冇番香港。
半年後先番黎。
1個讚
聽完你地咁講，安心好多！
2個讚
哦！咁環境所迫，疫情影響左好多家庭
最緊要你地兩公婆舒服冇問題
夫妻關係重質不重量、好多夫妻喺屋企日日對住都會互相黑面單打。
我疫情冇返工一年、呢排老細比左啲job要我喺屋企做、呢排小朋友考試、有時真係要佢訓左又要繼續做。
我都好想我老公間唔中同個仔去奶奶屋企住、咁我就可以抖下氣
。
1個讚
我地都覺得無問題呵！我老公同我因為都有空間而舒服，我唔係一個好痴身既女人
！
你有無同老公傾下，佢地去下奶奶度住？
咁就OK.
其他人講乜唔洗理, 最緊要你地有共識.
我有朋友, 新婚幾個月, 婚後一個月已分居.
原因係男的住離島, 女方唔慣.
疫情關係業主返唔倒來處理住屋問題.
男的在市區都有個小地方可以安置女方.
女方每WEEKEND先會入離島住2,3日.
SO FAR都OK
係走來走去辛苦少少
你知住離島幾咁唔方便.
如果女方住得唔開心, 關係都唔會好得去邊.
大前提下要互相信任.
相處mode大家覺得ok就得，有工人一齊住都唔代表會相處得好，如果係驚老公易有其他女人，一齊住都可以有。老實講夫妻關係大家關埋門做咩都其實唔需要局外人比comment，下次再見到朋友你輕輕帶過呢個話題，講其他嘢算
2個讚
我仔同學媽媽，長期同老公分隔兩地，
係放假先會帶仔過去探幾日，但佢哋日日都有video call，財政大權係個媽媽手上。
反而有幾位唔睇好朋友離婚，佢同老公關係依舊。
有心出去玩嘅，日日對住都可以玩到；最緊要係大家目標一致。
1個讚
但係我唔明…
1-4都返99到住，咁老公唔會掛住啊女？
已經1歲啦，又戒左夜奶（應該？）
其實冇需要咁樣分開啊？！
當然外人好難明，你哋大家接受就可以
每對夫婦嘅相處方式都唔同，有啲人每日要講五個鐘電話痴纏到暈，有啲人好需要空間，你地兩個舒服咪OK囉
你同奶奶相處到，但反而佢同自己個仔相處唔到？你好勁 
睇完你段文字之後, 睇到以下呢句, 覺得有D怪, 佢好似幾enjoy, 我唔喺佢身邊?!
係，雖然依個生活方式係樓主兩夫婦覺得ok，不過我反而擔心樓主小朋友點諗，兩夫婦決定生小朋友，唔係預咗生活會有改變、會累架咩？咁放工後湊小朋友責任只係去咗媽媽度，爸爸長期係一個absent father（可以google下依方面）？
我諗你啲朋友都係咁諗，因為依個原因去分開住，你地有冇諗過要分到幾時呢？小朋友對於爸爸要分開住係咩感覺？雖然佢仲細，可能你覺得佢無感覺、無影響，但都應該要考慮。
10個讚
老公咁講你可以放心啦 
其實呢個住宿方法都好普遍~
朋友講乜都得架啦，又唔係佢地自己事
2個讚
同意，樓主丈夫一定覺得無問題，因為佢係呢個安排嘅得益者 (平日唔使照顧女女，自由活動，有時間和老婆二人世界)，樓主亦幸運地和長老爺奶奶關係良好。
長遠嚟講小朋友要返學，有學校活動、功課，呢個父母分開住嘅安排，表示大部分小朋友嘢要樓主頂晒，樓主朋友應該係考慮埋呢方面。
5個讚
放心呀，我同你模式類似，但倒轉（逢五至日在娘家，一至四在自己家）
由個仔滿月到三歲都係咁，原因同你類似，老公讀緊part time想weekend溫書，同時佢同我媽關係差，所以我就一人同B去娘家過夜。
直到個仔K1，老公讀完書，就一齊過返weekend，只間唔中帶B去娘家過夜。
到個仔五歲，我老公轉咗工（佢以前輪班），weekend不想一個人在家，我就無再喺娘家過夜。
宜家仔仔快7歲了，我同老公感情仍然好好
在娘家過夜時，我會send相俾在家溫習／工作中嘅老公，約每日1-2次，每次由娘家歸來老公都會問我哋開唔開心，玩咗d咩～
我同老公都要返工，呢七年嚟從未請過工人，連鐘點都無，宜家一至五奶奶湊，weekend自己湊
我哋覺得工人不是萬能，也不想太依賴！
你果d朋友唔駛理佢，最憎果d多多意見嘅人，我阿媽都曾經叫我請工人，咁咪唔駛「走難」，我話我weekend已經去埋你度一齊湊仔啦，你仲有咩擔心？
一至五奶奶湊得好好，但佢哋都有自己家務要做，所以weekend一定唔駛佢哋湊。
1個讚
呢個我可以分享，仔仔4歲前都肯在奶奶處獨自過夜（有一段時間我未搬近奶奶，老公又輪班，個仔一至五放奶奶度，維持咗大約4個月，之後係間唔中過夜），到4歲開始，仔仔唔肯喺奶奶度瞓，一定要返屋企
1個讚
好好呀
2個讚
不用理會旁人，適合自己就係最好嘅方法
2個讚