係呵！你講得好好呵！講真有得揀，當然一家三口一齊住，無人想分開的！香港地樣樣都要錢生活，身體健康真係好重要！留返條命仔，將來就過好生活！
1個讚
其實係講緊星期一至四，我同老公返自己屋企瞓，星期五同六，我帶阿B去娘家瞓，老公自己訓或返工做嘢（佢輪班）
不過晚晚只可以食飯探阿B嘅感覺唔係太好受，咁嘅日子過咗兩個月後我就計劃搬屋，搬近奶奶度，先租佢隔離嘅屋先，然後將自己單位放租。兩年後，我哋喺奶奶屋企附近買咗樓，由兩房upgrade去三房，肉痛死我
不過我當投資係家人到，好過攞啲錢去請工人。
四歲之前完全冇嘢，四歲之後日日lur住返屋企一家人一齊瞓
既然會動搖，建議你見朋友唔好再講呢個話題，唔係無事都變有事。
係呀，我好清楚我老公，我唔返四晚佢都唔會識第二個
而呢個方案都係佢提出，因為唔想bb就咁放係我娘家，長期見唔到父母。真係家家有本難唸的經，你最清楚自己家庭狀況，唔好太在意朋友點講。除非你自己都覺得係有問題啦
同我地既計劃差不多，希望兩年後買到奶奶附近既樓，就可以一家3口住了
如果小朋友lur, 就要諗辦法，你都ok la!最終一家人一齊住
之前就係咁了，本來我對呢個模式係無野的，講完我就開始質疑了，瞓得好差
我同你一樣諗法呵！
，我跟吖囡過夜，都係希望佢見我多d，巳經唔多見爸爸，加上我老公希望我睇住奶奶湊，唔好竉壞佢，而且我都對老公好放心
1個讚
咁有信心就唔駛動搖啦
1個讚
聽得你地鼓勵多，先致唔再動搖喇！
其實你地自己OK就得, 唔駛理朋友點講.
朋友再講, 咪話我唔擔心呀, 我地冇問題呀, 多謝關心. 就算.
不過如果係我, 我就唔太接受到咁樣 
你既答案幾好喎，夠大方！你唔接受係因為想成日見住？
有憂慮係正常架，你班朋友都係好心提醒你，因為好多時甘樣分開住都會覺得比個機會偷食，但係既然你哋覺得適合又冇乜唔妥咁就繼續啦,可以同奶奶相處得好係好事
1個讚
agger
1個讚
我明白朋友既好心呵！其實就算一齊住，有心都會偷食
1個讚
我唔想老公（或者我）是但一個好似weekend dad咁，覺得平日放工佢都應該要付出照顧，當然都唔想兩公婆咁樣分開住啦，而且我更加唔想同奶奶住
覺得結得婚有自己頭家，唔想下下就返外家／奶奶度要幫手咁。
我而家大緊肚，老公之前病左入醫院，我媽都叫我返去住我都拒絕左，到老公出左院但其實未好晒只係可以回家休養咁（公立醫院見你好啲就趕你走），其實佢個病係帶傳染性，我媽又叫我返屋企住，我都拒絕左覺得冇理由老公病左我就走返外家架嘛，同埋bb雖然好重要但冇老公又點會有bb呢…最後我真係比佢傳染左，不過好彩我冇佢咁嚴重抖左一星期就好返。
2個讚
jm你真係超好老婆啊！
極同意你話冇老公點會有bb
其實我覺得媽媽同bb唔係一個unit 媽媽同爸爸先係 小朋友會大 同老公先係一生一世
細路係你地共同既野 個家主要係同老公
不過當然家家環境唔同 只要選擇左又兼顧到婚姻同小朋友心靈健康就可以 偷唔偷食依d反而係其次 因為係邊都可以偷食 一齊住食lunch都可以去偷食
1個讚
你地都講得好啱，老公老婆先係一世，不過我相信呢個模式都係暫時，希望快快一家人長住一齊！你地都要幸福呵！多謝你地個個都聽我呻，同分擔左我既憂慮
我真係聽過，有朋友既老公趁lunch去偷食