15歲真係唔到佢話事住喎、佢既朋友都可能會走、佢都會認識更加多朋友、六年後仲年輕、我果陣好多同學都回流香港做嘢、多條路啫
想個女同意先走，人地唔同意啦，又話要說服佢
盞搞到你自己兩頭唔到岸
諗起自己阿媽都係咁，話就話想坐低傾，但已經有晒既定立場，個場面就好似柒婆同年輕人對話咁
何況15歲都叫想要自主既年紀
阿媽一定覺得個女係小朋友唔肯走係唔成熟，其實大把大人都有自己既concern唔走啦… 如果佢講既理由係真，我覺得想去其他地方發展／唔捨得婆婆唔想走都好合理… 唔係一時三刻可以改變到
我只可以講，夾硬要佢走，個後果係好係壞冇人知
你咪睇下佢決心有幾大囉，叫佢自己係香港／日本捱下，自給足得唔得，可能佢試過會有其他諗法，到時會過黎join返你地呢
2個讚
我覺得, 唔好用"為你好所以一齊去英國"去迫, 大家都經歷過, 真係愈叫愈唔想走。呢種道德綁架同"你移民就係自私唔理父母"差不多…
既然佢好似想去日本, 不如同佢積極研究去日本讀書既情況, 可能會令佢諗多少少。
5個讚
我成日覺得已經去到高中年紀，好難迫。
好抗拒，去到好反叛出左咩事，重講咩10年後會多謝父母。夾佢去係可以，但要 make sure 去到個細路係可以 under control.
樓主個女除左香港都有其他地方想去，只係樓主覺得英國係唯一出路。
我自己就識人兩公婆去左英國，個仔唔肯去，但同女朋友去左其他地方讀高中同大學。
點做真係好睇細路性格同父母接受程度。
d 人成日話日本好排外點點點。。。
我由廿年前有大學同學因為鍾意日本走左過去，到前兩年都有兩個同事仔女香港考唔到 u 過左去, 又冇聽佢地呻。只係聽到佢地積極揾工進修，重係個邊生活緊
等佢自己讀大學, 說服唔到架咁大個。你拿左BC 佢第日都安全啲。
1個讚
謝謝
大家無論如何都一樣要加油
樓主, 我明白你, 我仔都係S4, 都係在很不錯的英中讀緊, 佢都係好抗拒去英國或其他西方國家讀書, 去年同佢傾時佢反應已很大, 不能接受, 後來我同佢傾佢咁鍾意日本,又學左日文幾年, 不如去日本讀, 鍾意既話就繼續留低落地生根, 最初佢都不太肯, 我當時pend 住左, 再經過幾個月, 香港形勢越黎越惡劣, 佢自己都好清楚, 今年年初再跟他提起, 他就答應去日本, 他說已經有心理準備, 於是我立即辦理, 他將會過去讀高中, 現在只等日本放有簽證人入境就走得。 樓主, 既然你女想去日本, 不妨搵下資料。
3個讚
我都係等日本開關就走得
1個讚
唔好講到人人都柒婆咁…
我有提過，如果阿囡最後都唔肯去…我可能會唔去… 佢可以有自己選擇，我都專重佢嘅選擇…
夾硬要佢走，我都驚有反效果…
所以咪係度問下其他意見囉…
我覺得唔係阿囡一句唔去，
做阿媽嘅就放棄…
我係想以多角度分析俾佢知…
世界唔係佢諗咁淨係得日本一個地方係可取，亦唔係得一條路行去目的地…
佢唔試吓去探索一下其他嘢，其實都好可惜…
最後都多謝你嘅分享
1個讚
加油
1個讚
無錯！世界好大，我哋會成日分析討論，我直頭鼓勵阿女大學可以去其他國家，上年走、主要原因係時勢問題，亦會話佢知「留德青山在、哪怕冇柴燒」呢個道理，如果唔趁機會快啲走、到時可能走都走唔到！
2個讚
其實如果真係想走
就實牙實齒話要走
唔好飄飄忽忽咁要啲仔囡自己估埋一份
當你肯定咁話會走
仔囡自己其實識自我調節
2個讚
你女有冇去過英國？會唔會冇去過所以抗拒？可唔可以搵到d乜對佢係吸引？
香港人成日去日本，真係對日本特別有親切感
1個讚
我女本身想去澳洲讀書
後來我同老公想去英國
咁就問個女 你想一家人去英國 or 你自己去澳洲
當然叫佢考慮埋畢業後會留係個個地方生活同工作入藉
如果佢選澳洲 咁之後會點佢自己承擔 可能要返香港生活 但父母已經係英國 而且已經超過18歲
佢諗左一星期就話一齊走
2個讚
你有冇同個女講，佢大學照樣可以返香港或者去日本讀，依家暫時分開兩三年，攞到公民身份就任佢去？
曾經有人狠狠地鬧過我俾太多選擇個女，話我做大人點可能由得小朋友揀，佢咁細根本好多嘢唔知。
就香港以家咁情況，有條件唔走根本上係太天真，蘇州過後係冇艇搭㗎，好多人唔理解個情況係去到好嚴重。
我諗起我老豆，攀山涉海游水比鯊魚咬都要偷渡落嚟香港，點解？
外國唔一定好，但我唔試過怕會後悔一世。
2個讚
呢個我有講過呀…
我有同阿囡講，其實去英國6年, 可以成為British Citizen (BC)… 之後我哋可以返香港，到時你要去日本定返香港 定繼績留係英國…佢可以自己決定…
我又有講會plan 一年返一兩次香港… 或者叫佢舅父帶婆婆去英國揾我哋都得架… 另外，如果唔返香港… 其實都可以去日本台灣旅行架…
後來阿囡都係話唔會去英國…
但佢有講左句考完DSE先…(我估佢講DSE完先再算)… 我唔知有冇feel錯… 佢咁講算係抗拒少咗ddddd…??
做父母真係好兩難…
自己一個人，個刻影響只係自己… 決定可以好容易…
但父母嘅決定係影響下一代…
結果係好，固之然開心…
結果唔好，會自責一世…
但你呢句 “ 外國唔一定好，但我唔試過怕會後悔一世。” 都係我心中所諗… 
聽人講，上網睇
當係自己，當1億幾人成為一個故事