我阿囡讀緊F.4, 佢唔肯去英國… 
原因係佢想係香港升讀一個比較偏門嘅大學學科,
另外, 佢話唔鍾意用英文讀書… 其實阿囡想去日本…
(佢而家係英中讀緊… 英文成績尚可…)
我有做research, 佢想讀個科英國大學都有… 不過d subject 就有d唔同…
我試過同佢講係香港讀大學其實都係用英文…
又試過同佢講係UK 6年攞左BC之後返香港…
攞左BC後, 佢要去日本定返香港 定繼績留係英國…佢自己決定…
我只係想阿囡有多個保障… 唔知第時HK會變成點… 好擔心…
但係每次講, 佢都好抗拒… (其實只係講過2,3次)…
佢有friend今年會去英國… 佢都有同我講詳情… 但阿囡依然好抗拒我叫佢去UK…
想請教一下有冇人有咁嘅情況, 有冇建議可以說服吓阿囡…?
Thanks. 
唔鍾意用英文讀書，但係又讀英中。。。
有fd過英國都唔跟。。。 佢其實係咪有其他reason 唔講？
主要原因係佢想係香港升讀一個比較偏門嘅大學學科
小朋友思想… 未夠成熟… 以為係香港讀U仲會好似係中學咁… 英文+廣東話教學
拍拖中？
你哋係全家走？定淨係個女去留學？
全家走佢冇得揀㗎喎。
自己一家人(3個)走…
但我唔想阿囡唔開心…
所以想佢同意先走…
阿囡又可能係唔捨得婆婆…
因為由BB開始就婆婆照顧佢…
婆婆同我地住好近, 到而家都係幾乎日日見面…
我明呀，因為我女都係咁，佢好清楚表示冇興趣係外國生活（以前住過下），加上佢係港豬，所以我都放棄左。
會唔會搵婆婆同佢講下？如果只係因為科目，英國冇嗰科咩？
佢知唔知遲啲可能香港大學會冇哂認受性？到時佢讀完等於係中國大學畢業，如果想係嗰科專門發展，一定要去外國讀。
多謝你嘅分享&建議
英國大學都有嗰科… 不過d subject 就有d唔同…
我唔敢同我媽(即係婆婆)講住… 因為婆婆精神唔好…
我都諗緊會搵我細佬試下同阿囡傾…
供佢去日本讀大學，公立大學學費唔貴，讀完揾工拎工作簽證，留低10年可以申請永居
好明顯係有原因
咁佢本身喺香港一定生活得好開心
係咪有拖拍？
其實佢都講得好清楚想去日本，要估既咩…
等佢入大學有自理能力 你地就走得唔得
其實呢啲97嗰時發生好多, 全家移民好多細路都係無奈跟住走.
只能盡量同佢提多啲, 等佢接受現實.
其實 Subject 名稱可能有些唔同但在學士課程的整體內容應該差唔多，若用這個理由，一係思想未成熟，一係只是藉口，隱藏背後真正原因。
俾佢去日本，又或者俾佢係香港讀個科，但要佢顯示決心，例如佢自己打工賺到幾多錢，或者日文考到幾多級，相關科目進修到咩成績。
佢如果只係講下，好快會放棄。如果佢真係做到有決心，就俾佢啦。
True
疫情好d之後同佢去英國一轉
或者同佢報d summer school讀下（唔好經香港agent遊學團，要直接同學校報）
但如果family plan係要去英國，問個囡其實都不過係假咨詢假民主既話，就改改策略點樣夾佢走啦。費時比個false hope呀囡以為自己有say, 其實無，反彈仲大。
又或者樓主諗諗可否trust 呀囡一次比佢決定人生唔好後悔。
佢好鍾意自己間中學
又有好多朋友，不過應該冇拍拖