高中子女唔肯走... 😥

抗拒少左啲啲,起碼冇撐到行 100% no。

我似乎明佢。青少年係咁,太多事發生太大壓力,你就只係一直「迫」佢接受你,但你冇接受過佢點解想留低。你有千萬個理由去說服,佢只需要一個理由留低。你要解釋今次唔走,唔知道挨唔挨到 2-3 年等佢考完 DSE。唯一可以尊重阿女嘅做法就係父母飛過去先,阿女留係香港,放假就飛過黎探父母。

我諗嗰種「排外」同大部份地方一樣,只係心裏「我知你唔係本地人」,尤其係語言唔通嗰陣。我地香港人都會,見到外國人講英文,然後只係用一句廣東話講「我好鍾意香港」,你都未必輕易當佢係「香港人」。即係好似易宇航咁,廣東話流利,有居留權,但大家都有意識佢唔係「本地人」,但唔會排擠佢或者對佢差。咁呢啲去到邊都有,咁所以就不是問題。

1個讚

囡囡情況唔難理解,呢d年紀朋友係好重要,而且中學同學又真係可以成為一世既朋友。

我諗先多囡囡討論新聞,睇中共既歷史,中國大陸的新聞,新疆既情況。討論將來可能出現的情況,如出入境自由。

呢一個決定,可以討論,但最終決定應該由父母決定,當然父母可以考慮子女意願及雙方關係,但同時平衡日新月異的社會情況。因為你們最清楚逃生門關了,你們有沒有能力搵另一道逃生門。

2個讚

阿囡得15、16歲… 又未成年…
我唔係好明點樣留阿囡一個係香港?

1個讚

有嘅,不過你地未必肯咁做,難度都唔低。

魚與熊掌,冇得貪心。:speak_no_evil:

另一個比較曲折嘅方案就係送佢去日本寄宿學校讀書,你地照移民英國。咁滿足到佢對日本嘅渴求,你地又可以繼續移民英國。

買本「我們最幸福」佢睇

等於而家係 hk的人話英國人好衰好危險。。。
主要睇個人係米真係有決心留係個邊。

最緊要表面相處舒服。
香港人自己都又排外又排內啦,表面都已經令人唔舒服

2個讚

識人就係咁做,送個仔去佢想去個d國家的 boarding school,自己兩公婆去 uk.
6年後入左藉應該都可申請個仔入藉:thinking:
但睇左咁耐,樓主好似只接受到個女去 uk。睇黎 uk 係唯一出路

朋友試過,細女唔肯走,佢哋同大仔走,留低生活費同間屋,幾個月後細女後悔就跟埋走了。
亦識人一家五口走,大仔頂唔順半年後自己返香港生活,放棄美籍,唔知以家有冇後悔。

Prefer去uk先係想俾多個保障阿囡…

我有提過,如果阿囡最後都唔肯去…我可能會唔去… 佢可以有自己選擇,我都專重佢嘅選擇…

夾硬要佢走,我都驚有反效果…
所以咪係度問下其他意見囉…

我覺得唔係阿囡一句唔去,
做阿媽嘅就放棄…
我係想以多角度分析俾佢知…
世界唔係佢諗咁淨係得日本一個地方係可取,亦唔係得一條路行去目的地…
佢唔試吓去探索一下其他嘢,其實都好可惜…

2個讚

咁佢揀去 uk 以外地方,例如日本,你接唔接受?

1個讚

想問下你囡唔介意課程改變?
因為通識改革我仔有影響,所以佢願意走

1個讚

大家好似冇留意,樓主個女唔係唔肯走,只係想去地方同父母期望唔同。我見唔少高中同大學的年青人都有呢個情況。
暫時我見我識個 d 父母都比較開通。

2個讚

年輕人,唔撞下唔試下點知哪裏好?你迫佢行條直路,佢點睇都係唔順眼,倒不如狠少少就放手畀佢行條曲路,佢覺得唔舒服自然就過返黎你條直路。佢硬頸要面就自然諗到辦法將條曲路變做直路。

佢個世界只有日本,咁就倒不如真係畀佢去日本一年,佢去到日本生活得好開心就大家開心,你都唯有認命畀佢繼續留日本。如果佢發現「原來都不是我想像中的日本」,佢就自然跟返你。

2個讚

今年F.4 應該係最後一屆考通識DSE…
課程內容有冇大改未知呀…
呢個topic佢知,佢都覺得好有問題&反感

1個讚

好奇想請教一下你其實有冇仔女?

你d朋友又點做為之開通?

仔女想點就點 就等於開通?
定係不負責任… 可圈可點…

依家已經喺大學生個情況又唔同…
每個人性格又唔同…

我唔知點解你不斷重複好似係度抨擊…
覺得我係一定要迫阿囡去uk…
(如果有誤解,請見諒,
我出post唔係想閙交:pray:t2:)

2個讚

e到已經好多人比左意見你,亦唔覺有鬧交氣氛。
問題其實係你想聽d乜?
唔係冒犯你,但我覺得你同女係的溝通上好有問題?你女會唔會好少同你傾計?

1個讚

大家平心靜氣吧!
我好明白你心情,如果唔係我上年唔會同老公放棄唔錯收入(2 公婆大概15、6 萬一個月)、返嚟歐洲從新開始。

但你平時多唔多同阿女傾計?係真正打開心窗嘅對話,有冇從小引渡方向?
另外唔好成日覺得自己個女仲細、唔成熟(我見你提起唔少次),反而我哋家長會唔會係old school? Out date ?
再者,子女成唔成熟、唔多唔少一係天生、一係家長冇比過機會佢地成熟,況且15、6 歲,連社會經驗都唔多,可以幾成熟?
另外我女都有講,呢個年齡層鍾意日韓文化係正常過正常,可能你女係直頭熱血。

嘗試大家平心靜氣討論,同佢講、比個機會自己、比過機會家庭、去英國1-2 年再睇情況,之後再決定走或留,因為一家人,而家要focus 係趁機會離開香港,世界之大、有心讀書,到生活穩定,佢自己讀書都會更順水。

科技又咁先進、去到邊都可以坐飛機見、平時又可以FaceTime

3個讚

個post太長,追唔切。我有小朋友,不過小朋友太細,我當自己做女嘅經驗講。

我屋企人負擔到我出國讀大學,但係個人太毒,唔敢一個人生活,最後求其讀左本地大學。我大左都有啲後悔點解自己諗唔到想做乜,最後隨波逐流行左一條普通到悶嘅路。所以,你個女咁細個話到俾你知佢想讀咩科,咁細個已經有人生目標真係好叻女。佢話想去日本咁咪俾佢去囉,咁又可以達成佢嘅目標。

我唔知你擔心啲咩,可能你想陪係佢身邊,又可能係怕佢會揀錯。人生路漫長,好過我到30歲先後悔自己冇㨂到。

我對我自己小朋友嘅期望就係你囡囡咁,培養佢可以自己選擇,有自己目標。

2個讚