可以先移民走，然後 Non-JUPAS 返香港讀大學，甚至去日本讀，一樣得，冷門科目 Non-Ju 成功率都高。呢樣我地冇呃佢，不過阿女咁細，到 18 歲可能又唔同諗法。
1個讚
但係用嘅時間會多咗囉。我老公朋友，佢阿媽有美國藉，伸請朋友+老婆仔女都排咗成10年。
我仔都唔想走中三
我哋分析佢聽將來香港會點，佢自己都知道無晒自由，佢仲要去大陸交流，所以佢都接受左跟我哋走
1個讚
反而我好奇，如果你女堅持唔開心、一家仲會唔會走？
*利申 我自己一家三口上年走、歐洲、阿女15高中（如果冇走一樣讀中四）
我明父母憂慮，但佢都大個，我有朋友10幾年前過咗日本，而家仲結埋婚生埋小朋友。如果你有能力就俾佢過日本試吓
我女都中三，其實走都真係想比多個選擇佢哋。
其實我只係話比兩個女聽我地既安排，並唔係咨詢佢哋。佢哋係呢件事上只可以跟住做。
3個讚
我有2個高中都唔想走!
講咗比佢地知移民門檻越來越高，依家去英國，係想為佢地同下一代增加多一個選擇。
本身已是加籍，拎埋英籍，佢地將來自己可決定留係邊度，總之我唔想見到我嘅孫係毫無選擇嘅環境下生活!
6個讚
多謝你嘅分享
我都好唔捨得家人, 唔捨得香港呢個家…
要離開我都好爭扎… 好傷心…
但係為咗下一代…
最終我都說服自己要走…
如果可以6年後就返黎…
可惜呢刻係阿囡唔肯走… 所以想諗辦法說服佢…
老實mode，你夾佢走罷啦，十幾歲識條鐵咩，佢就算以家嬲你，大左識諗嗰陣就會感激你㗎啦。
退一萬步諗，我情願佢嬲我一世，都要俾多個保障佢。
7個讚
呢個就係我其中一個主要爭扎點…
我如果唔係諗阿囡會唔開心, 我就唔會係度問大家意見…
即時搞申請BNO visa… 所以我而家係未走住(又有可能唔會走)…
但因為呢刻小朋友思想未成熟…
佢而家嘅年紀又未必了解太多我嘅擔心…
而我作為一個媽媽咩都唔做, 就咁放棄話唔走, 我覺得會對唔住阿囡…
所以睇吓有冇人俾d建議, 希望可以說服吓阿囡…
1個讚
多謝你嘅分享
我阿囡而家先15歲,
我就覺得呢個年紀未算大個, 思想未夠成熟,
所以唔會放佢一個去日本先…
佢讀完U, 我絕對會放手俾佢自己揀去邊度發展…
佢大個就自然要對自己嘅前途選擇負責…
我哋係上年6 月中到步
阿女初初好雄心壯志走㗎、到步頭4mths 都ok ga，但後來讀書、語言(我呢度英文係唔普及、甚至可以話冇乜人識）、lockdown、冇乜朋友… 所以情緒超差甚至少少抑鬱、成日喊、成日話要返香港。
我同我老公（我阿女係from 前夫）用咗好多時間心機精神去處理、照顧、一齊討論分析，最後搵埋心理學家做輔導，加埋學校開始resume 而家已經好好多、同班同學會去吓街、學校成績又ok。
所以要睇吓你會唔會狠D、走咗先
你都唔容易，加油呀。
2個讚
謝謝！
人生就同天氣一樣，一定有天晴嘅一日！
2個讚
我女今年考dse，原本唔肯出去升大學，同佢傾左好耐，終於肯出去。叫佢去英國讀書先，我地遲1~2年用bno visa一齊過去。
2個讚
加油
1個讚
而家啲後生咁唔珍惜去外國機會﹖我細個讀書叻，但冇錢去外國讀書，去旅行都唔使諗，而家去讀短期課程已經好開心
樓主，夾都夾佢去，佢十年後一定會多謝你
5個讚
講出個重點來…
1個讚
高中生受軟唔受硬，樓主慢慢嚟，聽你講你個女都幾有志向，佢會明白你既
2個讚
我都冇諗過十幾歲會咁諗、佢哋唔係最大影響咩？
有時見佢哋安心打卡同繼續抖音、會好奇怪