其實正常應該係咁嘅
不過懶呀嘛
生日蛋糕只係一個象徵，講到底係有冇心.
我係連新年係屋企貼下揮春都比前夫話我搞咁多嘢，全盒更加係無.
4個讚
我同老公大懶人兩件，都唔著重儀式。
樓上有人話這種家庭關係通常好疏離，我都同意，但我真係覺得這關係好舒服，唔鍾意太熱情、經常互送禮物個種相處方式，太累……
我鐘意呢種簡單嘅儀式感，而唔係儀統、或要出街食餐貴嗰種。
我一向唔著重儀式感，有一次去朋友屋企，佢只係好簡單喺餐枱放咗d小裝飾、蠟燭、有圖案嘅紙巾，成件事即刻唔同哂。
不過我個人好怕買呢d 細細件嘅嘢，因為怕執嘢又怕封塵，依家都係用廢紙、廁紙筒同小朋友做手工當裝飾，過咗節日就掉咗佢
3個讚
我唔著重儀式，但要有情趣
男女雙方都唔應該太懶
我好粗枝大葉，但一見到我老公鍾意食嘅嘢我會買比佢，例如佢講過而家啲山楂餅冇以前咁好味，我行過見到啲自家製山楂餅會買比佢食
2個讚
我的情況也差不多
其實大家都認同呢種相處方式係ok架
只係如果一味單邊做 久而久之可能只會覺得自己一味付出
其實都算呀
所以係叫儀式感 唔係儀式
（至少我係咁理解 
）
我同先生都十幾年 真係可送的都送過曬
咁而家會送實用嘢 至多買靚少少
佢果期就快用曬咩就送咩
香水、孖煙通、tee、body products etc
1個讚
我地又搵緊
喇
我向車等緊佢地。有少少me time 
本身唔著重，為左d細路先搞
生日冇蛋糕真係差啲啲，我覺得食蛋糕係紀念當下，感恩今日仍然幸福活著，平安渡過一年。早前老人家生日心情唔好話唔想食蛋糕，我第二日去左買，大家照樣好開心影相留念。
不過由細屋企只會慶祝下新年食團年飯同中秋食月餅，唔會著紅衫嗰啲，其他節日都唔慶祝。主要係兩老非常討厭糖果/朱古力，亦好討厭食粽同月餅，次次都係人地送黎先勉強食唔好浪費。情人節兩老唔慶祝，因為老爸連結婚週年都冇記憶唔會送野，次次都話「我就是最好的禮物，成個人同埋份糧都送左畀你」 
清明重陽會拜山，但難度好高，因為啲長輩分佈港島新界同外國，一來一回都起碼 2 個鐘，要分三日時間先拜得完。
我覺得啲儀式好嘥錢，但我平時懲罰黃店，捐錢係 fing 錢咁，自己覺得開心就得
其實都係“儀式感”嘅一種丫
點講好呢?
好似將一樣平平無奇嘅嘢
加點心意就令到佢變得有意思
同同食黃店一樣 
3個讚
其實生活中嘅日常事，有時用小小心機，便會有特別嘅感覺。
例如我送自家製食品俾朋友，我會包裝得靚靚，附上一張咭仔，朋友收到好開心。
2個讚
以前唔重視，依家覺得有都幾好，疫情期間有反思，覺得自己唔應該咁消極咁看待人生；既然點都嚟左依個世界，就唔好白過，要享受每一天。
另外，我亦開始覺得節日有佢地既存在意義：一係為左親朋好友相聚，二係為左保護歷史文化，三係為左令平凡既日子變得不平凡。
不過我唔會中商家既圈套，要應節要儀式感最緊要自己多花心思。
4個讚
it’s true. 我細個都唔鐘意節日既家族gathering, 到大個就識諗：如果唔靠呢d日子出黎見見，仲可以幾時見，大家都話晒睇住我大，我又睇住佢地老，唔知可以見多幾次ga ma.
之後，真係大長輩88，樹倒猢猻散，無左d excuse or reason 出黎，就再無gathering. 呢個時候想再見都難見啦。
有d人可能覺得終於唔駛出，但我係覺得可惜，人真係大個啦。
返正題，我覺得儀式感係每日朝早既一杯香噴噴咖啡，or每日臨訓前既me time, reading or 寫日記去wrap up 一日，呢類生活小確幸lor.
3個讚
其實儀式感應該係類似「如何享受生活」，同洗費多少未必有直接關係
eg大家都係飲咖啡，當係coffee shop買嘅咖啡，一個take away只係當咖啡係回魂藥，一個可以慢慢坐嘆半個鐘，已經係兩個mode
但其實杯咖啡係一樣價錢
3個讚
以前d人會揾呢d機會聚餐咁囉
有時會比多dd貼士，有捐款箱塞多廿蚊