係呀 小朋友好著重節日
而家佢地太辛苦 搵個藉口玩下都需要
1個讚
上年生日第二日 同原生家庭因為其他事而見面
全家都無發生過事咁 真係生日快樂都唔講聲
個感覺真係好似俾人無視咁 
（經先生訓練後 每日有返個生日。自此有比較）
我同自己屋企人都close 但日常生活太營營役役
返工返學放工放學 溫書做功課 真係講唔到每天都開心
所以要襯節日搞下玩意都好嘅
4個讚
我會揀值得紀念的日子
不會經常慶祝，會睇實際情況，因為係唔係都慶祝會變得平平無味
提醒我有啲朋友bb出世後 每月都食蛋糕
我真係想知會食到幾時 
我自己屋企好鍾意借D意佈置家居，老公屋企反而冇咩。
結婚後，佢俾我感染咗，雖然有時覺得我好似煩煩哋，但都會隨我意，近年仲會俾意見。
3個讚
死啦，我對蛋糕冇乜感覺
成日覺得蛋糕唔健康
如果係生果我會開心d即是投我所好
我都會覺得情人節、聖誕節好商業化，好煩
但係撇除消費因素之後，溫馨地過節依然係開心嘅
1個讚
似搵個藉口食蛋糕多d
1個讚
同意呀，家人亦然。
自己都好鍾意精心準備一個節日嘅過程，我係買禮物比人會開心過收禮物嘅人
～
3個讚
最憎過年，細住公屋，只覺得好嘈，舞獅啲人洗樓，好大力拍門攞利是。仲有老豆要我燒衣拜天拜土地，嘥錢嘥心機。去拜年啲親戚又討厭。
而家大個又做餐懵，奶奶要我抹呢樣洗嗰樣。點解做女人要為難大家？而家佢無嚟，我有抹吓嘢，但都係量力而為、睇心情。
團拜又係好討厭，對住奶奶老爺嗰啲親戚，一年見一次，夾錢又貴，佢哋啲餐有魚翅，次次都係成檯人喺度食魚翅，我反對食魚翅，我睇到佢哋食就憎。
舊年同今年無曬呢啲團拜，去住本地酒店，自己一家人食吓嘆下仲開心。
3個讚
我都不太喜歡甜食
買蛋糕一係買少甜 或者試過自己砌生果蛋糕 一層層生果再吱啲cream 零sponge cake
係呀 好睇你點選擇
你係要做齊情人節套餐 999支玫瑰 酒店套餐 當然商業化啦
2個讚
你講d嘢同樓上相反
我又未至於話好抗拒，但又真係唔會情人節正日迫住食西餐咁
我屋企係另一極端，過份有儀式感，
新年清明端午唔駛講，一定食飯，仲要一定拜神，
仲有農曆七月、觀音誕/借庫又玩幾次、廿四節氣入面某d節氣（唔係講冬至呢個）好似又拜一拜，
即係話平均個幾兩個月都玩一次，
唯一放我地自由係聖誕復活節，所以我地班細最like呢兩個節目，
但變相極討厭任何儀式
A level中化科話節日係用來謹終追遠，我有極大懷疑
我鍾意慶祝，其實都係比個原因自己花心思喺在意嘅人身上，鍾意睇到佢地露出同平日不一樣嘅甜笑,比佢地覺得自己係重要，雖然唔係咩大搞，但就係已經每日都過得一模一樣咪靠呢啲時候制造回憶，好彩同老公唔係出身大家庭，唔需要做無謂應酬
1個讚
唸經、自己去廟度拜我唔反對。但要燒衣影響到人、要求唔信嘅後生做呢啲儀式就好討厭
班長輩就係鍾意係屋企煮餸燒衣，事前仲要幫手摺金衣，拜完又要食埋飯（即係拜神餸），真係可以冇左大半日（假設係假日），
到我地長大/各自成家先鬆口氣
1個讚
我未結婚時都係㗎，仲要係得返我一個做呢啲拜神嘢。嘥我時間。燒完啲黑色灰又係我處理，燒嗰陣啲鄰居行過又望，仲話「乜你要做啲咁嘅嘢咩」
節日好少慶祝
但我同先生平日成日邊日心情好就去慶祝
我地比較隨心 唔鍾意比「傳統」框框限制住
成日anytime都送大小禮物比大家
算唔算有儀式感？
我兩個每年只食三餐慶祝飯：兩公婆生日及結婚週年，仲係我老公要求，咁我會迎合
我冇乜去酒店呀高級餐廳食飯，啲氣氛同服務令我好唔自然。我哋最鍾意去街坊小店同埋黃店，同店員吹水，熟咗我去旅行買手信比佢哋、有時唔記得帶錢佢會叫我第二日先、我工幹又會笑話會幫我睇住個老公有冇帶其他女人幫襯、見我皮膚唔好會比嘢我搽、街市買菜熟個女人會留靚菜比我。
我唔著重儀式，但我生活好有質素，唔會人情淡薄，我去嚟去去都係十間八間小店，一啲都唔悶，因為地區情誼街坊互信用錢係買唔到返嚟
Sorry 我可能離題 
至於屋企人，我自己屋企好鍾意切蛋糕，我男家好鍾意食飯，一年幾廿次(各人生日加大小節日)，食到好悶，好辛苦
2個讚
同意!
另外唔知咁樣算唔算, 日常生活都可以有, 例如我老公堅持每日起身, 出門口, 返到屋企要錫下, 咁樣感情好似真係好啲, 都10年啦. 同埋老爺奶奶屋企係習慣左大小事都會講唔該, 比對方知道唔係老馮, 佢地相處好融洽
3個讚
怕比錢商人賺嘅話，情人節唔去酒店食自助餐，可以寫封情信+自家煎塊心型牛扒，應該唔係好貴。
1個讚