我在一個負儀式感的家庭長大
（細個唔會做生日 唔好講話復活節聖誕節；大咗同父母興祝 買生日禮物 切蛋糕都可以搵嘢投訴而搞到不歡而散）
嫁咗後 被老公教導多左好多儀式感 亦明白當中重要性
維繫感情 增加情趣 製造驚喜 etc
最近有朋友收到老公的結婚週年禮物而苦笑自己無預備
我有鼓勵佢夫妻之間要做啲嘢黎維繫 佢就話side錢 
你又點睇呢？
1個讚
我係懶人，只會揀某d日子慶祝，
其他大時大節反而平常過。
另一半本來都會有儀式感，
一齊幾年後，大家都揀個舒服嘅步伐過生活。
通常節日會送咩俾另一半？
好多時唸到頭爆都唸唔到。
我冇嘅，我地會揀出去食嘢
無錯啦
同埋我有一樣嘢細細個（1X歲）領悟到：呢個世界上無人可以比自己更愛自己
如果連自己都唔愛自己/盡力對自己好，試問人地點會覺得要對你好
要人地愛你，首先要自己愛自己
PS愛自己不等於自私，兩樣嘢黎
9個讚
係好事呀 加添情趣 keep it up 
頭先漏夜同老公四圍搵復活蛋 先至發覺 係喎 復活節 
我係農曆新年後已經買定
復活節假前比小朋友返學校派復活蛋
我希望小朋友都可以學習慶祝同分享（不求回報）
有能力分享係一件開心嘅事
反而我細個屋企好有儀式感，每年復活節一定有復活蛋朱古力，屋企有聖誕樹，新年有佈置，諗返係覺得好幸福，所以而家都有為小朋友準備，純粹想佢地多啲記憶點，會覺得家係溫暖同幸福
10個讚
我覺得係要儀式感, 驚喜之類
1個讚
生日，有蛋糕，有利是
聖誕唔慶祝，但學校會有d班際比賽幾好玩
復活唔慶祝
清明要拜山
中秋食月餅曬月光玩蠟燭
新年最討厭
壓力來自家長
年尾要大掃除，年初一晨早食齋飯（好難食），下午去拜年坐足幾粒鐘
年初二又係拜年
所以要我諗禮物，我會好辛苦，好大壓力
但我係會買禮物比人嘅…如果我想買嘅話
已經扭曲咗嘅思想
我係無視生日同節日紀念日嘅人
老公好無奈
我自己覺得每一日都係獨一無二，過左就無。
不過節日都會聯想到唔同嘅食物嘅，好似就黎端午節，我都會想食糭。
阿女問我，都唔識屈原，點解要慶祝
睇嚟佢似左我…
Btw,我由細到大都會撈亂屈原同楚原
2個讚
唔著重，個人覺得無謂
2個讚
我比我老公訓練到冇儀式感
但亞女出左世之後，原來小朋友有儀式感係好重要嘅，是以有幸福嘅感覺，所以我都要求我丈夫生日一定要有生日蛋糕，節日一定要慶祝，為咗小朋友盡力做啦
老實，我為左個女係焗住扮有節日氣氛，真心連生日都唔想講咩生日快樂。
生日點解要快樂？我覺得煩到嘔。
屋企人係Close既，幾時都係開心每一天。
2個讚
儀式感是製造美好回憶的一個手段，我自己會好好利用。原生家庭會慶祝節日，但結婚後我更用心去經營這些日子。
生活平淡安穩固然是好，天天說我愛你亦簡單易做，但就在某個特定的日子，為對方再花點心思(如一個蛋糕、一份貼心的小禮物、一支酒、一次外遊)，去表達滿滿的愛，那麼一切就更加美好了。
有認識的人不慶祝任何節日，說不給商家賺錢，又說如果關係好，天天都是母親節、情人節，但說這些話的家庭，其成員的關係卻是淡淡的，比較疏離。
7個讚
我地通常復活節、聖誕節都有個藉口玩下咁
向屋企搞下egg hunt, 砌下聖誕樹 etc
新年… 因為原生家庭負儀式感 先生又係外國人 即係俾曬我搞
訓練到我全盒都唔會放 有放下揮春囉 
會好無奈呀 一個咁high 一個又無反應
唔同節日 我都會預備節日食物嘅
食落肚嘅嘢最唔吝嗇
你咁講一講
我都唔識分屈原 ＆ 楚原 
同另一半調節到就得啦 
因為小朋友出世令我快樂，亦希望小朋友因為佢自己存在而快樂
8個讚
其實我唔係好認同 睇你自己點搞嘅
下下節日都去迫酒店大餐就中曬人地圈套囉
同結婚、百日宴果啲一樣
大搞就中曬計 當然小搞亦可以好溫馨