呢樣真係好煩
我都試過因為咁而疏遠2個朋友
一個就成日甩底
一個就話要就bf, 唔知幾時得閒
既然佢哋唔重視呢段友情
我都唔需要再嘥時間喺佢哋身上
1個讚
我有疏遠d吾夾同成日依賴妳既或約親食飯都遲到既朋友，就算識左好耐都咁話，有時都好灰心。
結婚會睇清楚邊d當你朋友。唔當你朋友個d，會想慳人情，搵藉口唔去。
我有D so called friends都係咁，當有朋友有嘢幫到手時，就加人哋入 WhatsApp group, 之後，就開另一群組，原本個群組就無聲無息咁沉底。
好多人都好鍾意遲到 
以前我有1個女人FD(大陸人),1對2公婆(香港人),佢地都好鍾意遅到,愈遲愈多,最遲試過遲2個鐘!!!我最後都特登遲大到,之後88佢地
係呀!!因為我小朋友大過佢地仔女,所以當年佢地考幼稚園之前就加我入group,而家佢地約出街就用返佢地3個自己既舊group 
1個讚
其實多個朋友點都好過多個敵人,明明大家係fd,但我感覺到佢地既敵意,變左我都開始唔會咩都講佢地知,或者幫佢地手…
係
諗住遷就，但就變左愈黎愈嚴重
1個讚
唔就得咁多啦,又唔係欠左佢
當兩個人frequency差距大到一個點 自自然然就會彼此疏遠
有沒有明確的原因只是一個表現方式
背後根本係大家要走的路已經唔同咗 係時候要分道揚鑣了
3個讚
好怕d人嘅生活淨係圍住個老公轉
之後要所有朋友都就晒佢
1個讚
有次同另一個common friend約出嚟，佢無端端話去睇中醫唔出得住，要夜晚先出
急就睇西醫啦，擺明搵我哋笨
夜晚同個老公出嚟好似當我哋兩個透明咁，冇下次
已經好幾年了，費事睬佢
點解你要講到咁滄海
佢同佢老公都好唔識做
比人疏遠唔係冇原因
佢結婚後好似冇咗個腦咁，食個橙都話：我老公都鍾意食，開口埋口：我老公話，我老公都係咁講…
煩都煩死
其實佢老公應該都幾慘，被佢煩住
之後可能仲以為人哋係因為妒忌佢同老公恩愛而疏遠佢 
不過如果揀得疏遠佢
亦都唔會再在乎佢點諗
2個讚
定係有人係你背後講左D咩? 正常唔會冇啦啦咁
被疏遠而唔知原因最慘，我都試過，個感覺好似失戀咁，好在有老公正面加負面咁安慰我，正面就如上面所講大家環境唔同咗有咗距離，負面就會講吓佢壞話，話佢個人其實唔係我想像中咁好。
我都疏遠緊某個朋友，佢同佢身邊嘅朋友都感覺到我避開唔會出席活動，原因係話不投機，有時冇嘢講都算，佢係唔會講自己嘢比我聽不過又會問我好多嘢，fb仲會9秒9Like我每個po，我唔需要粉絲我只想要有互動嘅朋友囉
3個讚
自己被疏遠同疏遠人都試過。 細個被疏遠真係好似失戀咁架，係呢一世都搵唔到解釋。
人老左，漸漸發覺如果開始同某啲朋友相處上有隔膜或者開始唔耐煩，但又考慮到舊日情誼，為咗唔同朋友反面clear cut，明白到雙方保持距離、不打擾就係繼續維繫相方關係嘅最好方法。
4個讚