第一次開post講呢D野
人愈大朋友真係愈黎愈少, 十隻手指數得晒
加上性格比較慢熱
咁我都好珍惜僅有既朋友既
事緣係咁, 本身有個識左十幾年既朋友(大家都係女仔)
以前係舊同事黎, 大家都離職左仲KEEP住聯絡
由拍拖, 結婚, 生仔都經歷過…
我地係乜都會傾, 日日whatsapp, 又會帶埋小朋友去對方屋企
但係, 由3個月前開始, 佢冇再搵我
真係0 msg, 我覺得好奇怪
咁新年就忍唔住問下佢近排點
佢淨係話佢好忙, 之後冇再覆過我
咁佢做全職媽媽做左幾年, 我就諗佢可能真係忙啦
我同另一個朋友講, 個朋友都有問佢係咪嬲左我
佢識係覆句: “冇野”, 就轉話題
我另一朋友話佢有婚姻問題
但係…我見佢FB日日update, 同老公去街, 飲飲食食好開心o個種
其實我地又冇鬧交
無啦啦疏遠我, 我都有少少唔開心
但係既然我問佢咩事又唔講, 無謂再追問落去
只係感嘆原來十幾年友誼係咁脆弱 
照咁睇 佢似婚姻問題
可能想自己靜下 過一排應該冇野
有時唔係咩都要同朋友交代清楚
其實佢一直都有婚姻問題
呢2年都聽佢講好多次
我都擔心佢
但見佢FB又唔似, 日日post老公相o個d
如果係真既話, 邊有心情?
覺得件事好怪…對其他朋友又冇咁樣
同埋佢曾經同我講過, 佢係會疏遠d唔鍾意既朋友
所以我先會咁諗…
post 上facebook 反映唔到實際情況，可能係想畀人知一切如常。
畀d時間佢，或者佢解決咗自己問題後會搵返你。
識人攤牌離婚講到出口，有第三者關係未搞清楚，fb都係一如以往咁曬家庭幸福，其實曬出嚟嘅幸福都未必真係幸福
算啦，緣盡。
我就係疏遠別人嗰個。我覺得對方話題唔夾，講唔到心事，喺我fb留言反對我出post講嘅嘢（樂壇已死嗰啲），一個講完另一個又搭咀。出嚟食飯啲口味又唔夾。
最後過一段時間我粒聲唔出唔再理佢哋。
其實好多嘢積埋，唔係只係以上原因。但咁大個人唔夾就疏遠算了。唔想挽留。
樓主，可能對方覺得大家無話題、生活圈子變。朋友分開無謂太難過。
我覺得應該係因為佢自己本身心情唔好又唔想影響你
俾啲時間先
我做過疏遠人 又做過被疏遠
我疏遠人既原因係 無左話題 開始覺得唔夾
同埋嗰期自己有野煩 唔想再諗話題去勉強
被疏遠我估係我做錯野人地嬲左我
盡左力去挽回 佢唔理你就隨緣
我呢2日都做左疏遠人既人 但我唔係單一件事就疏遠佢 係積累左好耐 佢愈來愈過份我先有咁決定
首先 真係好多原因會咁 如果你諗唔到有咩得罪左佢 有可能只係佢覺得同你冇左話題卦 我以前都有個同事做左朋友 識左1幾年啦 未係疏遠 但都係一年見一次果種 出到黎佢係完全唔講野 食完就好快話要走 咁樣冇左交流 我都寧願算數
朋友想講自然會講， 或者真係唔得閒甚至婚姻出左問題，唔想交代得清清楚楚，有時做朋友都會緣來緣去，我唔會強求。
識左20年既朋友都會咁
生活圈子唔同經歷唔同，漸漸就價值觀都唔同就會小聯絡
其他人我唔知 如果我想自己靜下 我會講聲遲d搵佢 叫做唔好突然失蹤 對方唔知咩原因咁被疏遠 感覺唔好受
朋友係人生上係過客。
佢會帶俾你好多知識經歷，但緣份無左佢要做既又做晒，可能會突然係你生活裡消失。
我自己係偏向消失個啲人，工作上好好同事有傾有講講晒心事個啲，但我可以突然斷連絡（當然有事發生過），朋友都係，其實有啲可惜，但唔知點解唔想聯絡。
雖然無左以前既朋友，但呢幾年人生另一條路又會認識另一堆同類既人慢慢建立友誼。
所以我好覺得朋友既出現係上天既安排。
無鬧交但係疏遠你,好大機會係積積埋埋,我都成日疏遠朋友,有D係慣左有D自私,我讓左佢好多次唔想再讓,有D係佢既仔女玩既時候對我女郁手郁腳,佢做人呀媽又唔出聲制止…
我近年都有疏遠舊朋友 原因同你一樣
會唔會你婚姻生活各樣都順利過佢？
所以佢自卑羨慕妒忌，但又唔想自己變成咁樣，所以先疏遠你？
有時我都會㗎，忍唔住比較之後自己又唔開心，咁咪見少啲囉。
情緒低落嘅時候，都會鑽牛角尖咩人都唔想理。可能你朋友正值婚姻有問題，無心情去處理其他事，未必係你做過d咩而令佢反感嘅
我都試過疏遠人或被疏遠，大家唔夾咪唔傾。被疏遠就唔知點解 （當時好細），我自己疏遠人，覺得對方有d地方得罪自己，咪疏遠囉。人大左，朋友都會斷捨離既
仲有D朋友,佢問你野就得,你問返佢D野點整就HEA答…
仲有D大家都有小朋友,佢女就當寶,我女就當草…
仲有D間中就放飛機…
我而家真係同佢地保持距離以保平安 