呢類「朋友」鐘意揾人著數、利用人
1個讚
人與人… 尤其係女人… 好難唔比較
比較人人都會，比較完let it go唔係個個都識
2個讚
既然你話大家都咁close就一定要問清楚啦， 唔好比自己後悔， 人生知己難求， 要好好珍惜
有D自私囉,其實又唔係咩大奸大惡~我自己份人無咩所謂,同我熟既人都好易得寸進尺,所以我自己都要檢討下 
回返樓主先,其實唔一定係你做錯左D咩,可能真係你朋友突然諗埋一邊,過一排就無事~
1個讚
完全明白
我身邊都有一個類似呢類朋友
但我去到某d位覺得佢有「洗」我嘅mode出現，我會即刻出聲，對方會收斂同知道唔可以咁對我
幫朋友無所謂，但我好討厭人地揾我笨，自尊心問題
同樣地，我絕對唔會揾朋友著數
2個讚
你成日上佢屋企
可能佢知道左佢老公單戀你
Exactly
我份人就係無咩所謂 成日幫到就幫
大家習慣左呢個模式 佢習慣郁啲要人幫 自己又習慣乜都幫
到頭來苦了自己 
1個讚
我細個都係咁 會幫人
大大下就明 有啲人中意搵人笨
感覺唔好受
3個讚
我估佢心情唔好，我個best friend 早年耳水不平衡，返唔到工，出入醫院，同男友又嘈交，都冇同我聯絡，大約兩年後佢出返嚟話當時自己乜人都唔想見
咁我明白，到而家廿年都係老死
2個讚
我都試過最後朋友過左好多年後又蒲頭，心態上已經唔同左，啱傾咪傾下，唔啱傾咪算，人大左亦試過疏遠朋友，唔啱傾亦唔想硬揾話題，隨心而行
我上次好叻咁終於識即時黑臉,我FD即刻道歉 
1個讚
我都試過疏遠人，本身幾個人同一group，一黎feel到佢地好似有啲疏遠我，有一排無見，突然間又約出黎，二黎當時屋企人忽然有病，唔想諗原因唔去
咁我就quit左group，點知佢地完全唔覺得有問題，eg無加返我或者私下問我做咩野，咁我更加肯定佢地有心夾埋疏遠我
道不同不相為謀，雖然係有啲可惜，但既然佢地都做到呢步，都where爛塊面啦，不過唔知點解，其中一個同我差不多時間生bb，當我post bb野上fb，佢又個個post都like，唔知諗乜 （當時係諗fb可以唔洗互動所以無unfriend）
我都係疏遠人果個，雖然識咗十幾二十年，但大家環境唔同咗，對好多事物睇法亦唔同，相互間沒有什麼話題，咁就慢慢疏遠！
我都覺得係咁，身邊有啲朋友都係咁，可能兩個各方面差不多一齊起步，但當中一個一邊發展得唔如意（但表面上都會表現到好幸福嗰種），可能心裡都有比較，然後就慢慢唔想提唔想接觸咁。
我自己都有個fd疏遠班朋友，因為佢自身嘅問題係好難搵另一半，但我地班fd又好多都成家立室，就算大家fb 唔係啲曬命post，可能只係講下湊仔辛酸史，但對方嚟講都好難受，佢就quit晒我地嘅group／unfriend晒fb。
1個讚
如果樓主珍惜依段友情, 可以send個message俾佢, 問佢係咪有咩唔開心, 甚至對你有不滿, 俾佢知你珍惜依段友情, 希望佢話俾你知, 如果單純有事唔開心, 俾佢知你永遠ready聽佢傾訴/發洩/呻, 隨時ready去幫佢, 永遠企喺佢身邊。
就算佢無覆你都唔緊要, 你已經做咗你可以做嘅事, 俾時間空間佢。
3個讚
你可以客觀咁諗諗自己係咪有地方招人妒忌／對人構成威脅，例如：樣靚身材正、小朋友聰明可愛、老公有錢、自己事業理想等等；
然後再諗下對方最近有無發生d 咩問題，例如：婚姻問題、工作問題、小朋友問題、婆媳問題等等；
可能之前你已經得罪左個朋友但你自己無察覺？
唔使太介懷！有時疏遠人純粹係個人選擇，做好自己，問心無愧就夠。
4個讚
好多人放上facebook啲嘢都係相反！我識好多個,兩公婆根本都唔係咁好感情,但係放上fb全部都係sweet sweet, 假到不得了, 都唔知為乜要咁
4個讚
我又冇諗過呢樣野, 平時係我羨慕佢多D
但係我反思過, 佢有D位又會好羨慕我咁
講真其實佢生活好過我, 住私樓, 老公搵錢 (不過老公唔多理家庭)
咁可能都有少少呢D原因…
我就係上次問佢最近點…
之後佢覆我好忙…
我再講多句, 咁等你忙完我地再傾啦
佢就已讀不回
其實我都鼓起好大勇氣
以前真係會不了了之就算…
咁我都明白, 我盡左力了