我都唔係好明白點解要咁
如果放上FB同現實相反
平時點生活真係好難想像
可能只係報喜不報憂
兩年後 
咁真係幾耐…
但之後又可以KEEP到廿年都幾欣慰
一家唔知一家事，好多人重視面子，家醜不出外傳。
你俾d 空間佢，可能佢有高興事又會再聯絡你！
我覺得似係有唔知邊個講你壞話比佢聽，所以先咁樣
我當時都冇嬲嘅，始終佢有病出入醫院好辛苦，我唔想打搞佢
真係好多呢啲報喜不報憂，塑造模範家庭嘅人，事實就係成日鬧老公，鬧小朋友，真係唔知為乜
係呀
曾經見過有個人喺fb話會照顧老婆一生一世
呃咗好多like
但其實同時佢同另一個女人搭上咗
而呢個女人嘅fb成日都post佢同老公嘅恩愛合照
會唔會個老婆唔知呀？
大把啦，fb 其實好假的。
1個讚
睇到呢個post，自己都好似釋懷左多少少
有個識左成15年既朋友，由初時好好朋友，到後來各自升學、入職，間唔中都聽到佢講野好酸，「你就叻啦，我同你就唔同」「唔同你去喇，費事眼冤」，但除左呢d說話，佢份人都好好，好夠義氣
我講野冇曬命意思（唔覺有咩可以曬），只係會呻幾句，或者講下無聊搞笑野，但我覺得言者無心，聽者有意，好似講下生活事佢都覺得踩親佢條尾
我結咗婚後，佢事業唔順，說話就更加多，完全否定哂我工作既辛苦，「你冇後顧之憂，有老公養」「你有老公，我要搵工」，說話開始un耳
當我同老公普通一齊食飯，咩都冇做，只係食飯，佢都會不斷講，「好曬呀，盲喇，我去隔離枱食」，然後，佢真係帶埋另一個朋友去左隔離枱
慢慢我好多野佢都睇唔過眼，變到冇傾計，我有關心佢，但好奇怪，佢會係wtsapp鬧我
最後，仲俾佢block埋
1個讚
生活節奏不一樣的朋友, 最後都係會愈走愈遠
好正常
咁你呢個朋友又誇張左啲，已經心理唔平衡。
1個讚
我試過冇原因下被疏遠
以前有個朋友 (大家都做緊野) 一星期起碼見5日，日日見日日傾，傾電話10年前最高$700幾蚊一個月
之後有一次再聯絡，唔知講開d咩去買衫，我話去旺中定H&M買之後佢話唔會去呢d咁ge地方買衫
之後少聯絡，whatsapp都係一句起二句止
然後便沒有然後……之後打聽返 (大家有common fd) 聞說佢發左達 (住貝沙灣)冇同所有人聯絡
係可惜但冇法……聽Eason最佳損友
唔知情既人仲以為係我衰，因為聽聞佢講我好多壞話
其實我冇嬲佢，但唔明點解一個人可以變成咁
被疏遠既心情唔好受，我好明白。
識左十幾年既同學，我預左結婚佢地黎飲，點知成枱吉左。
做我伴娘既好姊妹，到佢結婚時，突然唔搵我做姊妹，仲唔再我同聯絡。
就算個陣我病重入院，平時冇聯絡既朋友都關心下，但佢依然冇搵我。
我個陣都喊左好耐，覺得就算我唔知邊度得罪左佢，佢都唔應該咁傷我心，完全冇諗過我感受？
之後我諗通左，無謂為左d唔珍惜自己既人傷心，同埋冇朋友都唔緊要，我仲有屋企人錫。
7個讚
一向屋企人係最重要，朋友同事嗰嗰講白啲其實只係互相利用，最無私愛你既一定係屋企人，同埋屋企隻狗
3個讚
原來結婚做姊妹真係好傷感情
本身圍內有幾個fd，其中一個結婚時應該唔夠位比我地所有人一齊做姊妹，所以無叫我，但去到好後期先話我知 （因為我同佢差幾個月結婚，佢話紅撞紅，所以無叫我，whatever啦），果陣其實我覺得好奇怪，大家都差不多時間結婚，就算唔搵我做姊妹，share下準備情況都得掛
到我結婚時，姊妹搵左另一group fd （人數剛好），無搵到呢班fd，我喺whatsapp gp問佢地幾時得閒出黎我派帖，結果等左四五日都無人應機 （當刻我甚至諗緊搵其他人replace佢地，因為本身唔夠圍數請晒我啲fd）然後突然又咁多個一齊應機，我感覺係佢地夾埋囉，結果我結婚就係大家最後一次見，差不多五年了，無再聯絡，只係大家睇到大家fb
我都有個相識廿年朋友,大家都有個女,佢又係當我假想敵咁,其實我已經對佢好好,送野俾佢個女,佢有咩問我我都教佢點做(因我女大個佢女),佢講野有時又係好酸
我果個FD都係咁啦,佢夾埋2個媽媽FD,自己開個wtsapp group約出街玩,但係有野要幫手要問又識得搵我 
我自己好耐之前都疏遠過一個朋友，因為佢重色輕友，但某程度上佢應該唔覺得我疏遠佢，因為佢世界只係得返佢老公 
1個讚