講起被疏遠 我岩岩都發現我個group 3個人,我講乜兩個都無覆我,已讀不回咁
佢地問野我就秒答,我問就無人答
因為自己有planning會走,但實在唔方便咁快同佢兩個講住,都想keep住友誼,都有少少灰。
如果佢地咁,可能以後都無得見
更新一下
之前話朋友FB日日好開心唔似有野
佢呢幾日仲post同其他朋友合照, 仲講到話好珍惜某D朋友
感覺有D意有所指 (又或者我對號入座啦)
好似特登咁, 睇到我好唔舒服
所以我已經unfd左佢, whatsapp同佢有個group, 退鬼埋
其實被人疏遠o個個都會唔開心的
既然佢咁無情, 我都唔會再強求 
4個讚
即係珍惜你??
咁佢2個已經夾埋左啦,如你要移民,就唔駛再對佢地上心
唔係, 係post左張同朋友既合照(唔係我)
話好珍惜呢個朋友
唔湊仔都要見呢位朋友
講到呢個朋友好重要點點點 (明明平時同我講都唔覺佢地咁FD)
佢借人過橋je 
係呀, 我覺得好煩, 不如有咩直接講
之前問佢又淨係識話冇野冇野
既然佢咁樣, 我都唔再糾纏落去
1個讚
放下佢,識過d新朋友~
1個讚
我曾經有十幾個識咗10年嘅朋友group, 每個幾兩個月都會成班一齊食飯。之後我識咗我依家個老公(下稱A), group內位"大家姐"唔鍾意佢, 而有次我同A鬧交, "大家姐"話要慶祝, 點知我之後同A和好, "大家姐"就連埋其他人杯葛我, 所有聚會唔預我, 其他人都唔敢聯絡我。有次一位唔知情common friend搞飯局, 叫埋我哋所有人, 當日"大家姐"全程黑我面, 對我講野有骨, 此後無再見佢哋。我結婚都無通知佢哋, 其中一個仲有面msg 我問我點解唔通知佢, 我索性FB都unfd咗佢哋。
俾人杯葛期間, 我另一個出名潑辣嘅朋友話"我都唔like阿A, 但作為你朋友, 點都會撐你, 更重要係如果阿A蝦你, 我可以即時幫你拖。" 依d先係真朋友!
另一個case係中學同學, 佢去外國讀書, 我哋都每兩三日messenger傾計, 佢仲話將來結婚要做對方伴娘。佢成日同我呻感情唔順利甚至俾人蝦, 我咁多年都一直擔心佢。有次我飛去探佢, 見過佢一位男性好朋友, 人品好好, 我問佢有無機會, 佢話無可能。點知幾年後佢哋結婚通知我, 而當中一個common friend一早知道佢哋拍拖, 只得我唔知。我就明白, 原來一直都只係我當佢係最重要嘅朋友, 對方唔係咁諗。
自從依兩件事, 我對友情睇得好化。
2個讚
我明, 有時可能係自己一廂情願覺得係好朋友
合則來不合則去
人愈大愈睇得化, 可能係成長必經階段黎
諗起自己以前都有好多朋友, 走下一個走下二個
剩番既10隻手指數得晒
不過而家有自己家庭, 小朋友
其實又有咩所謂丫, 專注家庭算了
做朋友都講緣份
緣盡了，只好放手
1個讚
有時我唔一定會同最close嘅朋友分享私事
我反而會睇對方性格
如果對方超口疏, 太八卦, 或者愛比較 (唔係話你)
咁幾fd我都會收埋唔講
我都有太多呢啲經歷，我個人太敏感，小小野會每我諗好多，做朋友只有單方面付出真係唔需要；我40歲仲移咗民，真心少咗好多朋友…試過有個朋友，明明日日都有whatsapp, 突然間無哂；又係好似你朋友咁，佢兩公婆有問題但面書生活幸福美滿…好似同group另一個朋友話齋，大家level唔同咗，就算幾耐交情都好，真係好易會斷，到佢最後真係離婚搞撫養權，先搵我另一個離過婚嘅朋友，所以呢…我都唔知點講
離開咗啲令你唔開心嘅人就好，做朋友係交心唔係為激心
1個讚
我上年都經歷咗啲嘢。。。同事結婚，本來攪海外，大家請假訂機票去，但後來疫情初期人心惶惶，但可能仲飛得個期，我有家庭有細路話唔去，就俾人離棄了放棄了。。。
今日睇到呢個post,釋懷了。
我自己都試過疏遠人
有一個係因為人格太差, 而且feel到佢想呃我錢. 最後我哋成班朋友不約而同地feel到呢個人嘅品格極度有問題, 全部人都疏遠佢.
另外就係有d人重色輕友, 令我覺得唔需要再浪費時間喺佢哋身上
另外一個就係太口疏, 將d唔應該講嘅野周圍唱
如果好似之前另一個會員所講, 佢個朋友成日踩低人哋而抬高自己, 例如當我呻或者唔開心時, 佢仲要講"咁你/你老公就唔掂la, 你睇, 我幾咁勁, 我老公對我幾咁好…"嚟落井下石, 呢d我都會歸做人格差果類而疏遠
我想講嘅係, 比人疏遠係一定有原因的
有d野係積埋積埋, 一直唔出聲, 唔代表人哋唔介意
去到某個位, 自然就會行動
一句無心之失已經可以令雙方冇朋友做
係呀
有時言者無心, 聽者有意
1個讚
該主題在最後一個回覆創建後30天后自動關閉。不再允許新的回覆。