咪係囉，exactly 係我意思
因為每次你搵佢先，所以佢只會繼續
我老公如果錯，我死都唔會開聲先，佢好驚我嬲，因為我會嚟真報復同絕不讓步，我會block埋佢電話，佢搵我唔到會焗住去我公司搵我道歉，或者返屋企即氹我
當然如果係我錯我會道歉先
2個讚
樓主，我唔理其他人點話我，我真心奉勸你呢句：你呢鋪認低威，你以後只會不斷再開鋪
你老公發咁大脾氣咁侮辱你你都忍到，你以後唔使旨意有掟企。
9個讚
樓主老公有燥狂症，點發脾氣都無可能掟野，今次掟麥記，下次掟屋企野，睇住呀，再下次一定會郁手。你大住肚，佢都咁對你，樓主自己好好諗下，bb出左世，佢啲臭脾氣一定又黎料，好好為自己打算。
6個讚
但樓主話次次都係佢say sorry先
咪就係咁搞到佢老公得串進尺
其實我好認同有一句野叫做: 冇絕對既誰對誰錯, 只有邊個讓邊個
但前提係雙方都要咁諗先得
如果下下都要某一方去讓步, 咁個關係會好唔健康
樓主如果連今次都say sorry, 咁佢老公以後既脾氣一定會更嚴重
如果我老公咁車個餐落地下，我應該會車佢落地。不過等大家冷靜下先，而家傾只會火上加油，始終大家都就嚟會做父母，係呢d事更加要成熟面對，咪第時小朋友出世仲多嘢嘈。大家冷靜之後試下問下點解佢會咁嬲，會唔會係做嘢壓力，將會做爸爸嘅壓力定真係覺得無面，往往呢d小事只係引爆位。要冷戰，要開火好易，成熟傾先係最難。
2個讚
如果係樓主氹返佢，跟住無論點傾樓主老公都會覺得自己贏，信我，男人係咁賤
傾？Ok，你氹我先囉，掟嘢咁型丫拿
2個讚
老婆大肚嗰陣suppose係最受照顧嗰排 ，大肚都要受氣真係唔駛旨意有運行
5個讚
岩丫，如果一方比較著緊另一方，就會讓步，冷戰就係玩緊呢樣「你驚多啲，定我驚多啲」，長期淨係得自己著緊另一半，呢個關係當然唔健康啦，治本嘅方法就係要另一半知自己嘅容忍有限度，自己有能力離開佢，但係咪要用「冷戰」形式去表達呢？
令對方重視自己係日積月累嘅事，唔係要係有爭執嘅時候先黎鬥冷漠。
另外，如果平日都成日有爭吵冷戰發生，即係兩個人本身嘅相處方式都有問題，點解咁容易就有磨擦？
兩個人要行得長遠，就要合作，試吓諗下平時夫婦吵架嘅內容，歸根究底係咪都係類似成因：例如「唔專重對方」「態度差情緒化」等等。
我唔認同認錯先對方就一定會食住自己，因為我到衣加都係食住老公嘅一方，但每次佢犯錯都係我呵佢氹佢。
1個讚
咁你係點樣食住老公法？即係佢平時好就你？
你老公可能係1%，同埋本身可能唔太大男人
大男人你仲每次氹佢，一定冇可能食到佢，佢只會變本加厲。你睇樓主老公咁過份到而家都冇示好，肯定係睇死個老婆會先做嘢
2個讚
同感呀, 所以我唔認同今次要樓主低頭先
平時係我就佢，因為佢好有主見鐘意話哂事，亦好大男人明知自己冇道理都要我認同佢就哂佢話佢岩，雙重標準。
但其實佢好驚失去我，雖然每日不停挑戰我嘅EQ底線，但同時又好擔心我會頂唔順佢離開佢，因為我平時都表現得好獨立，隨時都可以自己一個，即使生左小朋友我都係咁。
我同意大男人都應該有分程度嘅，同埋都視乎佢有幾重視個家庭、婚姻，我老公個種係平時道理係哂佢個邊，實行獨裁政權，但到真係有事令我要爆個陣佢會知道要收，如果唔係就會失去我，就冇得繼續獨裁。
你當好似養寵物咁，就算佢平時幾惡都好，成日發脾氣吠你，咬爛你啲傢俬或名牌，你都係要幫佢執屎執尿餵佢食嘢，但你先係主人，佢都會怕你有一日棄養佢。
2個讚
唔好開口先，佢今次太過份啦！
2個讚
其實佢咁耐都唔tum 返你, 我覺得佢試你底線.
而且一d 都唔considerate. 淨係想做贏的一方.
1個讚
叻叻
平時有d位就算係老公錯多少少，有時我都會氹番佢，好彩佢都心中有數，知道我係比位佢落台。有時就明明我都知自己唔岩，佢都會氹我比位我落台。講到尾兩公婆有時冇得計咁足，最緊要互相尊重同互相遷就下。不過當然要睇吓對手係點同自己有幾多牙力啦…
4個讚
同樣地都唔係樓主選擇個老公出廳訓嫁嘛，
既然係要將發脾氣既行為十倍奉還咁咪連依個行為都要還埋囉~
其實都唔係話一定要SAY SORRY同TUM返個老公，只係一段關係有埋小朋友，兩個成年人都唔可以開心見誠講出黎，一件事唔係淨係得正面同反面，唔會有一個人係絕對正確/錯誤，依家係連傾都無傾過，淨係冷戰。
冷戰期間兩邊都各自有諗法，但都唔等於係對方既諗法。
網友係強硬派，一向都係上把位，無問題，依D係格食格，但係唔係每段關係都用同一套方法就解決到。
兩邊都拒絕溝通就一定無出路，就算去到要離婚，都要有溝通先有共識啦。
溝通呀
5個讚
已經有一個小朋友，依家再懷孕
傾係成熟做法，唔係一開始就要道歉，只係同對方講「不如傾下琴日件事」、「我對琴日件事有D唔開心，我諗你都係，不如大家傾下」又或者搵一D無關痛癢既嘢做開場白，好多方法，重點係要冷靜咁大家傾。尤其有小朋友，應該要做好個榜樣，而唔係一家人由得去冷戰。
3個讚
同意
細路仔學得好快
見大人齋冷戰或者單單打打甚至真係鬧交咁解決問題，佢就有樣學樣
要教返佢要講自己嘅感受俾父母聽就難
1個讚