本身我阿爸做油漆幾十年，但我老公裝修間書房唔肯搵我阿爸，佢覺得搵自己人好麻煩。
咁我阿爸媽上星期日黎我屋企，順便睇下裝修成點，發覺個油漆手工麻麻，有裂痕，又有黑影，又一忽忽，d角又唔平等。咁我阿爸就叫我再搵師傅黎執執佢。
點知老公知道左好嬲，覺得我阿爸因為唔搵佢裝修，所以專登雞蛋裡挑骨頭，星期日晚我老公仲專登係廳瞓。
師傅星期一朝上左黎，我老公就同我發好大脾氣，成個麥當勞早餐掟落地下，成個通粉搞到成地都濕晒。
我又岩岩有左，雖然個包同薯餅都濕晒，但太肚餓照係地下執返黎食。
可能佢覺得我多管閒事，咁多說話講，麻煩到師傅，所以咁嬲(我估咋？！)。
但我覺得你比左錢裝修，整得唔好，執返好，呢個要求好正常ja?
佢從來都冇試過向我發咁大脾氣，平時我唔知咩事激親佢最多都係唔彩我。
唉，佢咁對我，我喊左成日，我呢2日都冇同佢講過野。如果唔係要睇住bb，我估我實離家出走。
冷靜咗之後好好溝通下，咁樣太過份。
係囉，我都覺得好過份
但我唔想同佢講野
嘩，咁惡既，唔好睬佢幾日
2個讚
我明白「唔想搵自己人」呢樣，我坐月都冇搵自己阿媽即使佢對自己勁有信心又勁想幫我坐月，我都花左三萬幾蚊請陪月。
你老公係咪同我擔心嘅嘢一樣我就唔知啦，但發脾氣丟嘢我會歸類為「暴力」，就算唔係丟係我身上，但有精神暴力嘅效果，就算有咩磨擦都唔應該咁做。
所以佢錯就梗架啦，但如果你老公不嬲性格都係咁易嬲同鐘意冷戰都有啲小朋友，要認真傾下。
夫婦最好唔好有隔夜仇，小朋友會知你哋冷戰好影響對父母睇法同管教，因為我父母就係咁，每次冷戰就半年⋯好番一個月又冷戰過⋯⋯
咁你都可以做好啲嘅，比著我：
如果知自己老公好介意外父參與，而間書房只係佢用你又唔會用嘅，我會let it go，師傅整得幾衰都好只要使用者覺得冇問題就得啦！唔係死人林樓我唔會想因為呢啲小事而傷神，更何況你有左。
10個讚
如果老公敢掟嘢我都會好嬲，不過一直唔睬對方好影響關係，點都要有人行出第一步破冰。
呢個時候你就算覺得自己冇錯都要諗下自己有咩可以做好啲然後認錯先，例如你唔應該摻一腳（你用番自己估佢嬲乜嘅嘢）
再話番比老公知佢咁掟嘢都嚇親你，你好唔開心，想佢以後都唔好咁。成個過程要嗲！女人最大嘅武器唔係眼淚，而係溫柔同善解人意，即係明知自己係道理一方都要嗲下人，再下軟比佢知佢傷害左你（唔好話係岩定錯，你話佢錯佢好難落台！）同埋想下次佢認為你有做錯佢都話番比你知。
反正最後係你自己唔好咁執著呢啲小問題（塊牆靚唔靚係真係好小事），但就換黎關係嘅大改善（佢以後唔再做啲嚇你嘅行為去發洩，下次佢嬲都要知佢嬲乜)。
希望你哋以後都唔使再冷戰啦
6個讚
樓主老公過份到一個點
5個讚
痴線，個師傅同你老公有親?怕麻煩到佢?唔係掛!!!
1個讚
就好似你煮飯都唔會想奶奶比意見你，關乎自尊心問題
6個讚
我老公大聲少少同我講嘢我都嬲，佢夠膽揾嘢掟我佢死9緊
3個讚
不過認真，一個男人少少事就唔睬老婆&掟嘢，咩事？！
1個讚
樓主先生似係大男人果啲
即係唔想外家人理咁多（可能自己人理都唔想）
同埋屋企人上到嚟話呢度整得唔好、到樓主先生耳中聽落好似覺得比人話佢冇要求、咁都收貨咁…所以唔開心。
我之前都試過類似嘅事、新買左張餐枱、過兩日奶奶姑奶佢地上嚟食飯、咁姑奶發現到張枱有條細細地花咗嘅痕（我同老公收貨果陣唔覺）、跟住姑奶成晚係咁講一定叫賣枱果度揾人上嚟整、又話咁大條痕點都有嘅咁離譜…雖然佢係出於好意、但我都覺得佢好义煩。
當然發老婆脾氣點都唔啱
1個讚
樓主老公好過份喎！唔滿意都唔洗掟野發老婆脾氣！
4個讚
其實好小事 有左都咁對你
3個讚
你無錯
比著我,會嬲返佢轉頭
佢大住肚佢都唔遷就你，仲要發咁大脾氣掟嘢，估計佢一向有燥狂傾向，只係之前佢收藏、及抑壓得較好，所以喺妳面前冇爆發過出嚟！
或可能佢最近工作壓力大，佢冇同妳講，又無處宣洩，所以積聚咗好多負面情緒？！
2個讚
係,個男人咁樣,我會記係心,將來小朋友大,有機會離婚(我講我自己)
5個讚
你大住肚佢都咁對你好有問題.
你比左錢佢地做得唔夠好要人執返好正常. 係你老公多心左
不過你唔好激心呀. 如果可以我覺得你返娘家住幾日休息下.
比佢冷靜下, 諗下自己做左咩先!
好肚餓就執地下食物黎食
笑左
你都好冇尊嚴下
1個讚
Hugggggggg 你一定覺得好委屈喇～～