平時係點？俾老公食住？
只能說係eq低，直率。個人唔壞嘅，俾心機教佢控制情緒啦。佢覺得間屋自己話事，所以接受唔到外父俾意見。即係我都好討厭老爺奶奶，但別人又以為我老爺奶奶好似好熱心又好人。
（我都係呢種人但就唔會掟食物。但我試過掟其他嘢
2個讚
最奇怪係樓主係隔離post話嫁唔出既女人好慘
如果我老公係咁 我寧願單身
10個讚
即係好似我奶奶以前日日上嚟幫我執屋，就咁聽好似好好咁，但我真係好唔鐘意。
1個讚
其實都有機會佢好大壓力
尤其係外父係行內人，佢可能自己都知個師傅做得無咁好
本身已經擔心緊外父會挑剔，點知真係發生
所以一下子好似「跳咗掣」咁？
當然如果佢平時都脾氣差開另計，咁就真係唔抵幫
好似樓上咁講，善解人意先係絕招
可以同佢傾下，甚至offer幫佢擋住外父
等佢覺得有人企喺佢嗰邊
先再話佢知佢掉嘢令你好唔開心
我坐月兩個女長老都好煩，我都發晒脾氣，但老公幫我擋佢兩個擋到鬧埋自己阿媽，令我覺得好grateful，之後都有一齊諗點樣解決佢兩個 
9個讚
認同，即係好似有次我老爺不停打電話嚟催我同啲細路仔返屋企（因為舊年有啲地方封路），我好嬲，我關機，第二日老爺鬧我啲細路仔。表面睇可能有人覺得我唔啱、老爺只係關心，但其實有啲嘢唔係表面睇咁簡單。結果我老公就係明白個問題，走去鬧老爺奶奶。
3個讚
對唔住，我想講，一開始你都知你老公唔想搵你阿爸搞，而今次導火線係你阿爸。
唔好再冷戰了。
你應該知你老公性格，
不如你whatsapp講句對唔住先，解釋返成件事，同一時間講，佢咁做令你好傷心，要畀佢知你感受。
我以前都會咁諗.
當時有個拍左拖好耐的男朋友, 其實唔係話好唔開心, 但係總會有不如意. 然後我會阿Q 咁諗, 起碼我有人要呀. 有人要/嫁得出點都好過單身老姑婆剩女嫁唔出孤獨終老
搞搞下真心覺得嫁唔出好慘.
之後條pk 有第二個, 我分左手發覺單身爽, 自由. 冇再俾傳統思想束縛覺得單身唔好.
所以我能夠理解樓主呢種思想. 通常d 女人話單身慘, 我都會暗暗質疑佢其實係咪過得唔好.
8個讚
你老公係唔啱，不過我唔知你叫師傅再上嚟整有無講d咩剌激到佢，否則正常無端端唔會發咁大脾氣。另外，會唔會之前已經有積怨呢？一隻手拍唔響
我唔主張冷戰太耐，佢揾返你，你唔好吊高嚟賣
3個讚
同埋我想講，裝修呢家野男人真係覺得應該自己一個搞掂
嗰陣時我哋裝修我老公連師傅電話都唔俾我
所有嘢自己溝通
佢算好脾氣架喇
但我成日叫佢搵師傅講呢樣叫師傅做嗰樣，佢都發過我少少脾氣
因為佢平時都唔發，所以先令我諗佢係咪好想呢件事係佢搞掂
氹咗佢之後我先同佢傾返其實間屋一齊住，我都想一齊幫手俾意見，咁佢就好啲啲
不過都唔會突然180度變架喇
1個讚
唔好意思，我都發過脾氣，我都掟過電話
其實做男人成日都將d壓力收收埋埋，唔一定關老婆事，總之就係唔想影響老婆，好多野唔係攤出來講就可以解決紓緩，老婆會喊，老公都會喊，大家可能都響對方睇唔到既時候先喊…
其他事我唔知，但你拉你屋企睇呢下而佢着左，我明，你事前有無同老公講過你爸媽上來？
兩公婆，係咪因為佢爆一次你就要諗離家出走？我同老婆之間都爆過唔少次，但爆完之後，雙方冷靜d後傾返就好d
兩公婆就算結婚，都唔會100%知道對方諗咩野，就算結左10年20年，溝通都係好重要既一環，希望你地可以開開心心
Ps我同老婆而家都幸福，佢而家都大肚
3個讚
單身唔一定代表慘，、有脾氣壞個老公就好可憐
4個讚
我好認同 佢係唔想外父參與既
其實你最好同佢睇法一致 咁佢先覺得有咩你都係企響佢個邊 男人都係要老婆有咩都支持佢姐
但係佢咁惡又真係太過份 尤其你陀梗
好好同佢傾下喇 唔好擺響心度唔講呀
1個讚
假膠?
2個讚
樓主老公好有問題, 駛唔駛發咁大脾氣扔晒野??
有咁嚴重???
不過我明佢可能唔想你爸爸插手, 比我會叫自己呀爸唔好理, 我地自己會搞掂, 但個老公都唔駛燥成咁下化… 
1個讚
婚姻都係要大家學下互相相處，大家先至會成長
自己屋企既野樓主應該都唔希望6299指手劃腳又或者6299透過老公黎講依樣講果樣。
依家外父透過左個女去話老公既書房乜乜乜，咁佢發脾氣，我可以理解。
係呀，真係好麻煩嫁，仲要果個係外父
你就咁一句『老公知道左』，請問老公係從何得知? 你同佢依件事既時候既態度會係點樣既呢?而佢既反應係咪已經係表明左唔想/唔會叫返個師父上黎執?
依個係佢第一個發脾氣既表現，無聲抗議
承前題，係唔係老公唔想叫師父上黎既情況下你叫左師父上黎執?
唔想話你有無尊嚴果D，如果你明知自己係有左屋企就要儲返D糧，餓起上黎點算呢。
『可能』『我估』，佢發脾氣所以你又嬲，然後唔溝通，冷戰完下次又唔知咩事會再發脾氣，因為從來都唔知發生咩事
又係一個以『我』為主體既發言，『我覺得』『我阿爸話』，咁而事實上係佢俾左錢裝修，佢覺得整得好唔好，佢覺得需唔需要執，點解係由『你』去決定？
戴返個頭盔先：
男人咁樣發脾氣會嚇親小朋友，有D咩事兩公婆閂埋門講
8個讚
我理解點解你先生咁嬲播。
一對已婚夫婦，應該開始有好多嘢都獨立，唔洗成日靠父母。自己屋企要裝修，但要揾外父油油，會有少少落面咁。點解少少嘢都唔可以自己揾人搞掂？萬一外父油得差，唔通指住佢嚟話？
到到搞掂（唔知完工未）叫外家父母上嚟，有冇同先生講聲？如果冇，佢會更加覺得你夾埋呀爸嚟挑剔佢，投訴佢，又係好冇面。如果你父母有comments而你又知你先生咁介意面子，就唔好俾佢知個comments喺你父母度嚟，一係話自己發現叫你先生處理，一係就同你先生講聲然後自己處理。
我知道你大肚都好大壓力，你先生咁發脾氣嚇親你都唔係做得啱，但我又理解點解佢會咁嬲。
掉轉頭，如果你99間唔使突擊上嚟食飯，而你只係啱啱學煮飯，咁佢成日同返你老公講你煮得難食，咁你又會點諗？又或者你老公話不如直接叫99上嚟煮晚餐俾你2個食，你又會唔會唔開心？
我覺得你哋係差咁啲溝通啫，你冷靜返少少後，揾個機會同先生檢討一下，話佢知你唔開心，同埋了解下佢點諗，然後繼續生活啦～加油呀
6個讚
佢唔想搵你daddy整, 我都明白既
但掟早餐落地下超過份wor…
你老公平時都係咁燥底?
發脾氣還發脾氣, 但搞到咁真係好痴線下
2個讚
好同意你的一句「無面」
書房佢用的，師傅佢搵的
你一個屈尾十搵外父上嚟指指點點，佢唔高興就一定架啦
不過發大脾氣同掟野又真係唔要得
冷戰多日好了，傷心又傷身呀
2個讚