mgcyw
102
點解下下要教人冷戰，今次冷戰完左，兩個人毫無信任好快會離婚
我講兩個人相處要溝通，有人就話要企硬，我非常唔同意
溝通唔係講緊邊個先認錯，而係邊個先出聲講返件事，令大家知道對方諗d咩，結婚前大家可以玩，覺得幾夾，結左婚住埋一齊，生活習慣唔同就已經引伸好多問題
唔好意思我又講返自己個case，我同老婆都唔係好表達自己諗咩，對方每次個樣黑面嬲爆樣時就靠估（正如樓主都係靠估老公點解發脾氣，而其實根本就唔100%知咩原因，係咪淨係因為呢件事？可以係連埋工作既事一齊爆發，你唔傾點知）
因為唔一定關你事，可以係工作事，靠估又點，我又唔想惹佢，結果咪就係全日都唔講野，到夜晚三更半夜明明好眼訓又訓唔到，然後我自己都嬲埋，我自己知要解決問題，解開心結。
三更半夜，其實我又唔係好識講野，例如見佢係中午開始嬲樣，就同佢講返我角度今日中午開始見到既事，諗緊咩野（唔一定好清楚表達，但最緊要講），之後「不如你又講返你今日做咩野丫」，睇下佢講唔講到，嘗試搵出邊個位大家有誤會，或者唔關我事既就睇下解唔解決到
我經驗，到最後好多事情唔係邊個有錯，而係好多事點解唔一開始講清楚
我只係想強調婚姻係溝通，唔係邊個食住邊個既關係，呢樣野唔係邊個錯邊個先講對唔住咁簡單
當然大家聽對方返件事既時候，佢講既時候會有火，你可能覺得「佢竟然會咁誤會我！」之類，但都要冷靜，聽佢講完，再盡量講清楚你個諗法。仲有，日後雙方點樣可以避免再發生類似事情
呢d事情婚姻路上唔會淨係一兩次，但兩個人肯傾，就會覺得大家都成長，感情會再進步
樓主記住溝通唔=認錯
16個讚
我覺得要睇樓主老公而家咩態度喎.
如果老公仲係訓廳, 即係仲鬥氣啦. 咁唔係樓主自己想冷戰喎.
溝通都要雙向架, 唔係下下都係靠樓主.
你哋講咩道理我認同，但樓主老公呢種發脾氣不悔改，兩三日仲未哄返個老婆，個老婆仲要大住個肚，傾囉，睇下傾完到下次樓主開鋪仲係咪又嚟
都話可以傾，但要佢開口先，對住呢種男人，你覺得開聲先唔等如認低威，但佢係咁諗
4個讚
我同意, 可以溝通, 即係問下佢果日點解會咁既反應之類
但樓上有絲打話要氹返個老公, 嗲下佢先, 我就絕對唔認同
2個讚
yanb
107
而家點呀？你兩個睬番大家未呀？不如試吓咁，做一做戲，喺佢面前扮唔舒服，攤喺梳化，睇佢點？如果佢走埋黎了解，話題一打開大家都有個落台位。唔好即刻提番件事先，扮好唔舒服講句說話都唔想，睇佢咩態度先
多謝關心，仲未睬返對方呀
平時佢多數匿係房玩電腦，呢招應該唔work,攤幾耐都唔會留意到
溝通真係好緊要。連我哋都見到你錯在自把自為, 你依然覺得自己完全無錯? 既然你想佢知佢有錯, 你咪自己先講自己錯喺邊, 會改善, 順帶話佢知佢咁發脾氣嚇親你, 好傷心, 佢愛你嘅就會講自己感受, 你亦可以要佢以後咩事都好, 唔可以咁發脾氣, 更唔可以掟野。
其實講句"我先道歉, 因為我珍惜依段婚姻", 就可以防止老公覺得自己贏咗, 兼提醒到佢都要珍惜段婚姻。
7個讚
依點亦係好好嘅理由去叫老公唔可以再咁發脾氣同掟野, 樓主可以提提老公
1個讚
講得好岩！就係因為珍惜呢段關係先會主要要求對話！支持繼續冷戰嗰啲人，係想博對方比自己更珍惜？鬥耐力？咁大家只會愈行愈遠。
話比老公知大家都要珍惜，以後唔可以再有冷戰，我錯，你可以鬧我，但唔可以唔出聲唔睬人！
如果你哋兩公婆都唔習慣攤開出嚟講，就一次一次練習，做主動嗰個係辛苦架啦，但試多幾次大家都習慣咗，以後就會好好相處，少好多無謂吵架。
3個讚
襯聽日星期六，不如話出去睇下bb嘢。
如果唔中意下下都由你求和先，咁可以同你老公傾下，
萬一再有類似情況，大家要點做，
bb出世仲多嘈交機會，襯仲可以溝通到，好好珍惜。
有啲野要速戰速決，比我佢掉早餐個下即刻嗌肚痛跪低入醫院訓兩個星期先再傾。
呢啲所謂大男人唔嚇唔識死的。
1個讚
大前提係要個大男人愛個老婆
唔係話係樓主個case，不過有大男人type老公娶老婆係爲服侍個老公⋯⋯
1個讚
你呢招好好，我好贊成嚇Q d 大男人，嚇埋佢老母最好
2個讚
我知呀，所以我只係力勸 
我呢幾日都擔心樓主，我雖然唔識佢，諗起佢大住個肚咁比人對待我都肉痛
如果女婿咁對我個女，我諗我真係會殺咗佢/兇會殺佢
2個讚
@Chibimaruko 素未謀面既網友都燉佢不值，個老公仲喱係房打機，我同你感情上都係激進派，因為我都同過依啲自卑玻璃心大男人一齊，依家隔日感恩好彩冇嫁左比佢
多口問句，樓主老公係咪_警，因為作風有啲似，
Sor
1個讚
我絕對強烈反對冷戰，依家係得樓主一個急，個老公唔care咁，繼續大覺訓、喱係房打機。
我都唔贊成對話，因為肯和平對話兼聽得入耳既人唔會咁耐都唔彩9個老婆
我覺得要入去Diu9佢老母，用產前抑鬱包底，起碼自己條氣順返先，正所謂退一步激撚死自己，讓一步益9埋人地
2個讚
我同過兩個大男人拍拖，但係冇料嘅大男人，又唔叻又想管我，我做乜都彈一餐，唔抵得我好過佢
嗰時細唔識諗一齊，後來當然飛
跟住好清楚知自己要乜，唔係小男人，係起碼唔會睇唔起女人，會尊重我，會保護我而唔會下下自己行先嘅男人
2個讚
係架，肚痛佢吹唔漲架，叫埋四大長老黎照顧自己順手交代下發生咩事，唔駛自己出口，叫啲老人家做就最好。
2個讚
