我老公就係驚我阿爸整得唔好，又唔可以話佢，所以當初唔搵佢裝修。
當日我阿爸媽係送入伙禮物去我屋企，我老公都知。
因為我老公夜晚12點幾先放工返到屋企，所以我冇等佢，自己sd左d相比師傅叫佢執
佢冇試過咁呀，平時發嬲會唔出聲
樓主老公到而家有冇tum返樓主？
咁樓主個老公星期日既訓左廳，十倍奉還訓左十日廳先啦，唔好講話大肚唔可以訓廳喎 
1個讚
哇，你呢d招數我真係做唔出
成件事如果係真,我覺你唯一可以做係照顧自己同 bb 先!情緒同心理素質好緊要
第2件事係錢!你男人如果有比家用你,現實 d, cap 佢多 d 錢傍身!
1個讚
本身我都叫佢自己執返，不過佢唔理我走左去。
佢咁岩掟去睡房門口，咁污糟搞到我出入唔方便，最後忍唔住叫工人清潔。
書房係睡房隔離，所以當時裝修師傅會聽到。
我都有諗過瞓廳，不過bb一定要我陪住佢瞓。
其實我呢幾晚都瞓唔著
全間屋你係咪都比哂意見，連唯一屬於佢嘅書房你都要比意見？
低下階層又點?你都係人,唔可以比男人太過份!
其實好少事,裝得修比得錢預左整得好,咁諗好正常啫!少少事咁發脾氣…唔知你同佢關係點…
一係你就比佢食住你一世!一係我覺你之後會受住更多委屈,小朋友出世後更加辛苦,到時你會承受更多,心更硬,會決絕…分
1個讚
我覺得嬲還嬲，都唔應該喺其他人面前發你脾氣，如果佢覺得你叫師傅上嚟執漏係落佢面，佢喺人哋面前落你面，我覺得你難堪啲
1個讚
咁好簡單，繼續冷戰，打死唔做第一個開口，佢唔認低威千祈唔好原諒佢，仲要佢發誓冇下次
呢啲男人你縱佢佢真係以為自己大晒
2個讚
可能你老公係個比較敏感、渴望別人認同，心靈容易受傷嘅人。
佢可能都知個師傅做得唔好,佢覺得自己揀錯人，當有人批評個師傅d功夫時，佢嘅自我都好似同時受緊批評咗，覺得無面、自己做得唔好咁。
我有時都會咁，如果我揀嘅餐廳唔好食，買嘅嘢唔好，別人批評緊間餐廳或件嘢時，我心靈都有d受傷（玻璃心XD)
而處理裝修事宜又令人心累，加上你未同佢商量就send 相叫師傳點改而刺激左佢，係心靈受傷+攰+嬲之下就一時失控，對你發脾氣
大家冷靜過後,應該好好傾下
3個讚
哇，老公好燥底，最近壓力太大？
其實係好小事，可能佢好緊張個書房，但佢掟嘢（無論任何情況）係唔岩
生咗bb 之後有更多你意想不到嘅事，真係要溝通一下
1個讚
點解要還？係佢自己選擇瞓廳，但唔係樓主選擇自己份早餐被掟落地
3個讚
樓主老公仲未主動認低威嗎？
以前嗌交都係樓主先認低威？
呢啲真係喊濕幾個枕頭地苦練番黎！我做女個陣拍拖冇試過同男朋友say sorry，因為我好要面亦好好勝，吵架到底唔輸得。
但結婚前老公講左一句「結婚之後我同你就係同一個人，唔會面子尊嚴行先。只要我哋其中一方唔開心，另一方就有責任！」
意思係，其實每單爭執吵架，雙方都有責任，但邊個錯多啲邊個錯少啲係咪真係咁重要？係咪一定要由『錯多啲』個個認錯先？
睇完啲留言，相信樓主都應該知道自己係呢件事上面都有責任，你老公當然都好唔岩！發咁大脾氣成個細路仔咁。但雙方冷戰真係好咩？冷戰係極唔成熟嘅行為，唔通對方幼稚你就要跟住幼稚？
嬲住去認錯嗲番佢真係要好大勇氣！我本身真係一個勁要面子嘅人，但就好似玩跳傘咁，你敢跳出去，就海闊天空，大家都好過～
我衣加都唔係EQ勁高，不過會時時提住自己唔好犯低級錯誤，床頭打交床尾和，我試過吵到喊到氣喘都突然醒覺一秒收聲，用冷靜嘅語調要求詳談，之後就解決到件事，大家都互相認錯，開心番。
大肚心情真係好影響bb，希望你哋會向好嘅方向發展！
8個讚
為你呢句留言同鼓掌。
我同老公都有類似共識。無論鬧得幾勁，最遲瞓醒第二日都一定要攞出嚟傾，解決左去。有時要傾幾次，但因為有咁嘅目標，大家行動同方向會好一致，就係解決咗個問題。試多幾次，加上人大左，火都收咗，凡事都記得互相尊重，咁就少好多衝突。
7個讚
我地唔係全屋裝修，剩係整個廳幅牆同書房。
其實我驚甲醛，冇乜入過去間書房。
聽我阿爸聽完邊度整得唔好，我又諗叫師傅執返好，好正常，咪即刻同師傅講囉。
未呀。
之前冷戰每次都係我忍不住搵佢先，佢從來都唔會道歉先。