放軟自己放下身段咪即係委屈自己
你夠錯重點啦，唔係執唔執着，係原則問題
3個讚
你又錯重點，係到要鑽牛角尖，
鑽牛角尖嘅會唔會係你
呢到無人信風水，人地老公都話個名可以參考下，你係咁叫人睇開啲，都唔知睇開啲乜
1個讚
『我坐緊月情緒有起伏，而且我覺得鄰居講既野好難聽。我唔信風水其中一個原因係有個風水佬睇過我八字話我婚姻唔係咁好（唔係我自己去睇既），雖然唔信，但喊個陣忍唔住好驚。所以我今日係咁喊』
我諗佢意思係叫樓主睇開啲，唔好睇埋曬啲風水八字 
但佢全程都講緊風水
講真如果覺得風水八字連參考價值都無，當時應該直接同長輩講無呢個需要，咁就無之後嘅下文
1個讚
我係樓主睇開D，
BB個名叫咩都係一名稱，用家係『BB』唔係佢，
只要個名正正常，都試吓接受，
無必要玩對抗，影響坐月情緒，及人際關係。
件事已經發生咗，無得返轉頭。
其實樓主「阿媽也借『鄰居説話』」叫樓主唔好硬頸。
連佢身邊嘅人都咁勸喻，
居然啲陌生人叫佢企硬。
唔知佢學風水嗰陣有冇學埋咩叫口德
痴孖筋我又唔感樓主好古怪 無啦啦踩埋一份⋯⋯ 阿媽改仔名天經地義。
4個讚
學風水玄學嗰啲唔係要學埋口德禮貌架咩定我睇高左呢樣野，我完全唔明樓主有咩問題，講到作為父母都無資格幫個b改名咁，又話父母唔係用家唔好咁執着要放下身段，同佢討論又話人鑽牛角尖真係搞笑
3個讚
算啦，呢度得佢一個覺得樓主有問題，由佢
1個讚
我又唔覺得佢冇口德喔，佢都係叫樓主睇開啲，唔好轉牛角尖姐，講真，樓主依家坐緊月唔通真係下下都同屋企人頂硬咩。我果時坐月我奶奶叫鄰居講啲湊仔經驗我聽，我都覺得好哽耳，喊過幾輪添，但依家諗返都係想我好姐
同埋樓主話唔信風水，但睇得出其實佢好介意，如果唔係都唔會因為話佢婚姻唔好而喊啦，咁如果到時bb人生路上有咩唔順意嘅，咁樓主好可能又會自責架啵
我信風水八字，個個都話我結唔成婚好難有另一半添，但我冇理又冇喊，咁我仲算唔算係信哩啲野？
風水命理好多時都係一種心理暗示，咁睇樓主都算係中左哩種暗示走唔返出黎姐，如果唔係都唔會懷疑自己係咪真係執到寶啦
樓主，不如你試下另一種方法，叫你老公同你6299講，bb乳名就跟風水師，正名就跟你地改嘅，反正叫得多果個名對個bb先影響最多，咁樣你同6299咪開心返～
6個讚
我都認同你既提議。
唔介意長輩用風水師改既名去叫bb, 但落出世紙個名就會用返自己改既名。
我反而覺得改名係其中一部分
生左小朋友之後仲有好多野同四大長老交涉
身邊都會有好多三姑六婆加把口
樓主要同老公傾好點handle
如果唔係會好多爭執
加油媽媽
當日我bb中文名跟左師傅 英文名我揀
最後大家都係叫乳名同英文名多
1個讚
贊同…其實字裡行間睇得出樓主JM個底都係信信地風水，或者介意風水所講，唔係完全唔信(冇任何貶意，事實上對於未知既嘢好多人都半信半疑，非常正常)。我覺得或多或少因為咁，樓主先陷入改定唔改風水名既矛盾中 — 一方面好想用自己改既名，所以想傾向唔信風水；另一方面又擔心自己改個名係咪真係唔好(所以諗返起風水師傅對自己婚姻既評語，折射響呢件事度，令自己大喊一場)，係咪要用風水名。
所以好多JM都勸樓主睇開D，其實岩架。唔理信定唔信風水都好，都唔好太鑽牛角尖，唔好因為改名呢D事同長老嘈而影響自己情緒同家人關係。用下其他手腕同方法，亦轉變下自己心態去解決件事。
希望過咗咁多日，呢件事已經圓滿解決咗啦。
Agree, 重點已唔係風水，而係處理手法
首先揾風水佬改名正如婚前夾8字一樣係自尋煩惱
8字唔夾係咪分手?
改BB個名唔好聽 咁跟唔跟好?
其實6299已經唔係核心家庭成員
佢地咁鐘意改名叫佢地自己再生多個啦
至於啲鄰居, 佢地邊位呀? 自己都未顧掂就理人地,
聽完就算啦… 呢啲人回應佢地都嫌晒自己時間
阿媽改名堅持己見有咩問題
唔明白點解咁多人叫樓主讓步
佢99都唔惹小, 將自己既野講晒出去, 聯合啲三姑六婆一齊蝦樓主
讓得呢步, 條路仲要咁長, 仲有幾多步要讓?
7個讚
根本你自己唔信已經唔需要煩任何嘢，反而你信但又唔鍾意個名先頭痕
1個讚