話說我幾個月前已經諗好左bb個名，而且係有少少意思既，有我對Bb既祝福
咁但係6299阿媽都覺得搵風水佬夾下八字會好啲
咁因為我唔信呢啲野，但老公覺得可以搵風水佬睇下我改既名會唔會唔好，所以都係夾下啦
係我角度，係俾佢地搵風水佬睇下我改個名用唔用得，點知風水佬幫Bb起左另一個名，話中間一定要呢個字，第三個字可以用番自己改既，但我覺得唔好聽，好似男仔名，而且冇咩意思，我唔想用，6299說服我叫我認真考慮，話對bb好架
阿媽今日講鄰居話我99生左個咁高大靚仔既仔俾我做老公，又話佢俾間屋我住，叫我唔好咁硬頸
於是我即刻忍唔住番入房喊左出黎，我覺得好委屈，我生bb個陣經歷咁痛，又餵人奶同打算日後唔做野兩年親自照顧bb(等於呢兩年都要慳自己。因為自己搵錢可以買野食野都梳爽啲，物質上可以對自己好啲）
我覺得自己對bb 會好好，亦係佢主要照顧者，陀bb係我，痛既又係我，點解一定要我接受其他人改既名，加上我坐緊月情緒有起伏，而且我覺得鄰居講既野好難聽。我唔信風水其中一個原因係有個風水佬睇過我八字話我婚姻唔係咁好（唔係我自己去睇既），雖然唔信，但喊個陣忍唔住好驚。所以我今日係咁喊
我有啲嬲鄰居，佢憑咩覺得我唔值/要擺低姿態。另外我覺得6299有啲干涉我作為一個母親既諗法
我自己唔想同6299影響關係但真係唔想用個個名，點算好
另外，99俾層樓我地住（99第時退休個陣我地應該會俾1皮家用）加上佢個仔高大樣Ok 係咪真係我執到？因為老公身邊有啲fds都係屋企人幫手俾首期，有啲好後生靠自己俾到首期，所以佢唔會好離地認為自己係筍盤。但我唔知99點諗
1個讚
果時我都係本身已經幫bb改好名
99無啦啦衝出黎
叫我地用佢風水佬改嘅名
最後由於d名太難聽
我老公堅持用本身揀嘅
解決左件事 （但我99嬲左勁耐
）
呢d野 都係由得個仔同佢呀媽拆掂佢
6個讚
睇你寫嘅內容，及思想方式，
我也認為風水佬無講錯，
你再咁硬頸，長遠係成為你婚姻關係阻力，
只能夠建議你⋯⋯睇開啲！
4個讚
你係媽咪，我覺得一定以你自己改嘅名為先。同老公傾下，叫佢自己同老爺奶奶講掂佢
3個讚
風水佬改個名點好法先？
咁風水佬無講你改個名好差，差到唔可以用既，試下同你老公講下你意見囉。
仲有風水佬唔執下啲字點可以收你地咁多錢丫。
同埋由風水佬改既名真係一望就知，Ｄ字奇奇怪怪咁，明明係希望個希，係要加水字部變成浠，真係毫毛意思。
3個讚
堅持！！我屋企人都係信風水野
不過最後都由我地 風水佬改既唔中意就堅持啦
無謂自己對住自己仔女個名一世都唔開心
佢改既名有木
因為bb五行欠木
而且個字有岩佢命格既野
咩鼠bb 夜晚出世
會辛苦
所以有木有辛
第二粒字要梓
第三粒字可以我地改
但冇話我改個名好差唔用得
只係一定要用呢個梓字
2個讚
我都唔信風水，會唔會呢個風水師傅話一定要梓字，另一個又話令一個字先更好？
咁我地以前唔興搵人改名咩又係咁過
其實梓字都可以好女仔、點講呢、唔信我唔會問、但問左我會跟、費時心掛掛
2個讚
首先，三姑六婆，長舌婦講既野唔好放上心！關佢叉事咩？！
而且，係你個仔，唔係佢個仔！我覺得名就跟一世！要自己喜歡！
風水佬係得，個個都發大達啦！
9個讚
你老公有乜意見呀？不如等你老公裁決啦，佢係BB爸爸，都係生產商，一邊係養大佢嘅阿媽，一邊係佢揀嘅老婆，呢單嘢最有資格佢做裁判啦。
2個讚
自己仔女名字點解比一個三唔識七嘅外人改，我會企硬，自己直接同bb去拎出世紙，話之佢地。
99方面叫老公搞點佢，鄰居及3姑6婆洗乜理佢地。
5個讚
我覺得鄰居講嗰啲濕鳩嘢可以不理，有啲人係好莫名其妙地鍾意討好人哋阿媽/奶奶，但對自己冇著數的，簡單可以歸類佢哋為八婆嘅一種。
入正題改名度：樓主係幾時幫bb 改好呢個名ga？係咪已經好有感情？同埋係邊個同師傅聯繫？有冇得同佢講你真係好鍾意自己本身改嗰個名，睇下可唔可以夾吓… 又或者樓主冷處理先，出世紙deadline 前先決定。至少試下幾日唔諗佢住，meantime 試下放低對師傅個名嘅「成見」（譬如唔好覺得用咗師傅個名就係跪低咗比99…）試下當佢係brainstorming 個名嘅其中一個提議…
希望比到新諗法比你，雖然唔知你啱唔啱聽 
同埋少少提議，嚟緊你同先生喺湊小朋友方面要同奶奶講清楚具體啲細節。感覺上你奶奶都想參與得幾勁，大小事都講清楚，起碼有個expectation management… 加油呀！有咩不滿唔好鬱喺心到呀，呢到全部都係team 新抱嚟ga！
5個讚
有時啲長輩唔識做真係好煩。而家唔睇都睇咗，真係兩難。不過又咁講，鬼叫你老公仲唔獨立咩…話晒99俾層樓你哋住，佢自己都少咗一份收入呀，逆佢意好似好唔尊重…
梓字好好聽呀，配好多字都得
1個讚
我好明白你呀！我都唔信呢啲風水嘢，加上我99睇開個風水先生改名專用冷僻字，我好唔鐘意。
我同老公在我懷孕初期時已經幫BB改好了中英文名，但我99當然想揾佢個風水先生，有次我99仲晌我面前喊，話改名唔好會搞到佢人生唔好，又乜又物。
好彩我老公都堅持自己改，無做豬隊友。
最後我哋協商咗，我改咗5個中文名比風水先生睇（英文名過關），佢有作出修改+佢自己又改咗幾個名（不過我唔識讀啲字
）。我同老公最後揀咗自己改（不過風水先生修改一個字，並非冷僻字）嘅名，結局都算皆大歡喜。
其實呢啲嘢都係等你老公同99拆，你而家坐月情緒唔好，少少野都覺得委屈係好正常。出世紙遲啲做都得，最多咪比罰款，最緊要改個自己鐘意嘅名。其實你都岩架，陀又係我，生嗰陣時痛到死又係我，生咗出嚟連改名都唔可以？！
1個讚
21世紀過左20年了。。。一個名就可以改變一個人命數？講出尼都覺得荒謬。
叫你奶奶問下條神棍， George Washington個名咩屬性
5個讚
