又唔係真係話你執到。我又明你鄰居講咩，佢出發點係咩喎。你諗下老爺奶奶俾地方你哋住都好錫你哋吖。佢哋收租自己嘆世界唔好? 咁你哋接受咗呢啲恩惠咪讓步少少俾老人家囉! 而且老人家都係想求個安心啫。呢個世界冇得自己著數哂㗎嘛!
我改名都冇得自己揸主意。老爺都有份改，我當然想自己改啦，但有來有往咪幾好。個名用耐咗都叫慣都冇再介懷係邊個改。
如果你真係好唔ok個梓字可以試下揾另一個風水師傅改過另一個字。呢個世界就係要compromise 了。兩個家庭結合，將來仲有大把嘢要compromise.
1個讚
我個陣都係咁，明明諗好曬名，但係6299係都要揾師父改
仲要條佬似佢老豆老母咁迷信，話個名改得唔好會對呀b唔好，
最後師父話我改果個名唔得，俾咗5個老套又難聽嘅名我揀
最後夾硬揀咗個順耳少少嘅
唔開心咗勁耐
首先鄰居果度，換係我一定會同自己媽咪講「唔好再將我既野講出去」，表明自己好唔鍾意呢個鄰居，佢憑乜嘢咁講先～
bb 名果度曾經都經歷過99 又話呢又話路、仲自己去諗左幾個名，我都勁唔開心，但老公話唔洗理佢，自己bb 自己話事。如果你信既，就跟；唔信既你跟左都唔會開心，個名用一世，你只會每次諗返起都唔開心，咁何必呢？！
同老公傾下啦，身為父母、特別媽媽十月懷胎生bb 出黎，連決定bb 名既權利都無，好不受尊重。
9個讚
有幾多對離婚夫婦都有擇良辰吉日！
當年我99都有問搵唔搵黃大仙改名？
我即刻落閘，只得我哋兩公婆自己諗，其他人不得參與，攞埋出世紙先通知大家bb 叫咩名。
4個讚
反而我阿媽就係嗰啲鐘意攞時辰去批命嗰啲
所以我同佢講，你要做可以，不過唔需要講個結果俾我知
改名係真係有啲論盡
如果風水師建議中文名
你改英文名可以嗎？
唉，呢啲小數怕長計，如果一刻唔跟，BB成世人就算跌親擦損個膝頭哥佢地都賴係個名唔好
所以費事第二時有排煩
1個讚
我覺得bb男家(daddy)都有份架，最好係一人一個字
我到改名先知要跟族譜，仲要係超偉大嘅"國"字，我就係唔想咁認直，兩公婆改咗個輕鬆d嘅字，62見到好鍾意，仲幫bb提咗首詞，寫好錶起！
其實俾bb嘅名當然係一份祝福，但記住，係全家嘅祝福，唔係媽媽一個
另外，你今日硬頸成功，但留下壞印象，他日怕唔怕有問題？都係以和為貴好
5個讚
同意。覺得樓主唔好鑽牛角尖，退一步海闊天空。
1個讚
完全係心底話
鄰居呢啲連三姑六婆都唔係嘅人，其實佢講啲咩可以完全唔理
改名個方面其實我覺得好取決於你老公既態度… 如果佢都覺得算命重要既，咁bb佢都有份既… 要同佢好好傾下
另外我想同樓主講，因為你岩岩生完，好中機會俾啲荷爾蒙影響咗你嘅情緒，大家生完都係咁，令到你額外傷感額外苦惱
（我個陣都會無喇喇喊
）再加上又一定唔夠訓喇… 希望你可以放鬆少少睇呢件事，唔到令自己情緒陷入低谷
5個讚
我當年遇到嘅情況同你好似，不過係我媽堅持要用風水名，男家冇所謂。同埋事前講好中文名我改，英文名爸爸改，所以件事好易解決，只需要我自己同阿媽傾掂數。我比咗兩個自己改嘅名佢，話只接受呢兩個其中一個，佢都尊重我作為阿媽嘅身份，揀咗一個佢覺得較好嘅（佢講到明唔係最好），結果大團圓結局。
其實我唔同意話阿爸或阿媽對小朋友個名有絕對決定權，所以唔洗理人講乜。四大長老係家族中有重要位置，小朋友出世係新添成員，佢地就算對個名冇決定權，都可提出意見，我哋應該尊重同多謝佢哋有份祝福小朋友嘅心意。所以唔好覺得佢哋唔應該干涉改名，佢哋都係bb其中最親親人，有發言權架。
如果真係接受唔到，最好搵老公同佢阿媽講。如果唔係，我建議你諗多幾個選擇，叫佢哋響你改嘅名度揀。改名呢種事要處理得大體，你都唔好太執著。其實你堅持己見，最後實改得成自己想要嘅名格，但旁人同長輩眼中係固執，而如果第時一個唔覺意bb有乜頭暈頭痛，d迷信老人家一定怪你固執冇跟佢哋意思而累事。除非同長老冇交集，如果唔係，手尾長呀JM.
P.S. 我個女嘅名都唔係我首選，但頭兩個最鐘意嘅分別比阿媽同奶奶ban左，為咗家族和諧，我都妥協揀咗第三鐘意嘅名。改完我再狂讚個名有意思好聽，扮晒嘢話婆婆/嫲嫲都有份揀架，實行拉佢哋入局，依家我阿媽同奶奶都覺得自己有份改個女個名，我個迷信媽仲讚個名改得好好，（唔知點解）好襯我個女
再ps, 其實我個女三個名都係響詩詞歌賦度搵出嚟，有獨特含意，要放棄我內心都掙扎咗一陣，所以我明你點解唔想放棄個名架
2個讚
用梓字OK呀，
你係媽媽唔喜歡咪爭取番自己改
樓主, 可以同佢地傾下囉, 風水佬中文底一定好咩?!
"梓"呢個字我自己就一定唔會揀, 梓木楠木都係棺材木, "梓宮"喺文言文係棺材咁解囉! 佢地要迷信你咪同佢地講下呢D意頭嘢
1個讚
下，我覺得樓主個思想同執着無問題喎。
而家個b係邊個生架先？邊個係bb父母？既然媽媽根本唔鍾意風水佬改既名，點解要委屈自己？唔係硬唔硬頸，係原則問題
15個讚
係我嘅話會唔理6299
不過盡量叫老公出面
6299嬲佢有個限期，你就唔同，盡量唔好自己出面
1個讚
絕對同意!!
咁個風水佬條命有冇生得好好，係咪大富大貴，兒孫滿堂？佢有能力就唔會只係風水佬。申利：基督教
我99話我姑拉中文好，佢叫姑拉幫我個女改名。我冇出聲，但老公即刻跳出黎，你自己生個咪可以改囉。大家收左聲
11個讚
重點：男家果邊d人等返老公自己搞
我都係咁話，男家野我唔會出聲，女家野我叫我老公唔好出聲等我處理
1個讚
岩
我最多自己好女兩頭瞞，但老公介入件事就會無限發大
局外人既我係姑姐，當年姪仔出左世，阿媽係咁話要搵人改名，我叫阿媽淨係同佢地講如果改名有師父可以介紹，唔好係咁SELL師父改名有乜好。我兩兄妹都係父母改，無理由你個孫就一定要搵人改。之後阿媽好乖，同阿嫂講有相熟師父，話中文名其實都好少用，依家都係叫英文名嫁啦。
結果阿嫂諗左幾日就叫阿媽搵師父改中文名，英文名自己改。阿媽好開心，阿嫂又唔覺得被迫，皆大歡喜。
依家姪仔3年級喇，中文英文名都少嗌，多數叫乳名
6個讚
做得好吖，皆大歡喜
全靠你呢個姑姐處理得好
不過真係唔係個個姑姐都咁識做，有d姑姐仲癲過99阿媽
2個讚