叻叻
仲要讚下你媽咪識做
2個讚
係囉, 其實老人家真係要識做, 咁鍾意改名咪幫自己生果個改囉!
人地生果個就比返"命名權"人地啦~ (除非新抱主動叫６２９９賜名, 其實呢種都係另類識做, 老人家有FACE 又會更錫個孫)
2個讚
同意…HAHA, 特別係未嫁果D
1個讚
估唔到改名都會帶嚟家庭糾紛…我覺得可以同老公表明自己立場，叫佢同男家傾
我嗰個就係咁… 
當年我知我個麻煩奶奶係迷信，所以一早改左名，佢知道黑我面，我唔理佢。
你睇唔睇到樓主寫嘅⋯⋯「係有個風水佬睇過我八字話我婚姻唔係咁好（唔係我自己去睇既），雖然唔信，但喊個陣忍唔住好驚。所以我今日係咁喊」
樓主唔放開佢個人『執念』，
將來嘅路唔易行，
仲有就係，玄學這東西「信則有，不信則無」，
係「一樓」嘅留言，字裏行間已經隱若見到，
1， 男家這邊係信這一套，
2， 家景也尚可，
3， 老公又唔錯，
樓主唔「放軟」自己身段，睇開啲，恐怕⋯⋯
一開始你就應該企硬唔好睇風水佬，直接話你自己已經諗好
到佢哋睇咗，自然會迫你用
我嘅建議：我係阿媽，個仔我生，我有絕對決定權，個名我日日叫，冇可能用個我唔鍾意嘅
話之佢乜風水，何況你唔信
4個讚
收買個風水佬、用你想要嘅名
如果個風水佬唔肯、就收買其他風水佬、話老爺奶奶個風水佬改個名唔啱BB
睇黎你好信
但我就唔信，我覺得樓主無問題，都係嗰句，原則問題
5個讚
我識八字㗎
其實我唔係好明。如果有風水佬咁講你唔信風水嘅，咁你又點解會驚? 你都驚佢講嘅有可能中?
你信唔信都好，
其實都好簡單，
風水佬之前講「樓主婚姻唔好」，現在個仔「辛苦」，兩者之間係相互相承，
父母婚姻失敗，做仔女都唔慌會幸福得幾多，
搵風水佬改名，正常人嘅目的，都只是求一個好啲嘅方法，幫助BB。
雖然未必可以扭轉乾坤，但起碼現在不會引起衝突。
再講⋯⋯梓⋯⋯這個字又唔係好核突，
聽你咁講，我都唔係幾鍾意咁用個梓字。點解要喺人哋個名度係咁remind 人哋係辛苦命? 就算本身唔辛苦都變咗說服自己係辛苦啦。好似好冇文化咁。
不如你真係揾過個文化水平高啲嘅師傅俾意見啦。
1個讚
同你一樣case，最後跪低用左風水佬改嘅名，而家超級後悔。呢啲嘢都係跟自己心意好啲，唔係自己介意一世。改名係父母的事，長老&親戚根本唔應該插手。啲咩俾間屋你住，平時幫你幾多，其實咪又係俾壓力你。而且跪得一次，之後遇到其他嘢又會拎返同一堆理由出黎叫你聽話，無晒自主權。講真我又唔覺得改個好名就會行好運，運呢啲嘢，八字面相、屋企風水佈局、個人性格、行善積德咪仲大影響力。我地呢代有幾多人個名真係搵風水佬改，大個左咪又係正正常常。單靠改名就轉運，咁呢個世界就無窮人啦。
6個讚
鄰居把口好差,但唔洗理佢,佢同你地冇親!
長輩可以對改名比意見,不過冇權決定!生得你老公高大靚仔、有樓比你地住又點?BB係你2公婆生,改名點都要係由父母決定。如果長輩們出晒錢又全力盡責照顧BB到長大成人,咁佢地就有改名權嘅 
我BB個名係我同老公各自諗一D名,BB出世後再決定用邉一個名。出世後,我地上網查下八字咋,因為唔係好信,見我地諗果D名出黎個結果都唔錯,咁就想用我改果個。比我父母睇左之後,話意思唔好,用第二個啦。我記得我爸爸打左篇長文出來解釋個2個字夾埋一齊個意思會變得唔好,咁就改用第二個名,最後用老公改果個名,我父母話個名好~6299係改名過程入面係全程冇理過
2個讚
岩岩幫B拎出世紙，改名呢樣嘢我以前都以為好簡單，點知就因為有6299參與而搞左成個月，好明你個煩惱。
因為我自己個名唔係父母改，由細到大都唔鐘意(佢地話係搵師傳改嘅，但個名普通到做學生嘅時候成日撞名，每次產檢都聽到幾個mama同名，仲要係男女通用！)，我覺得如果個名係自己父母親自諗，就算幾7我都會接受囉！
本身老公諗左個名有意思又好聽我都鐘意，諗住禮貌上問下6299，點知佢哋就好有意見！明明生之前有問佢哋會唔會幫手改名時佢哋話自己唔識丫～咁！
好啦，為左應付佢哋，我同老公都唔信風水但都比錢搵左師傅夾下時辰八字，就批評老公改嘅名兩個字唔可以一齊用，另外比一堆字我哋自行配對咁，啲字我全部都覺得冇老公改嘅咁好。我哋比6299揀，點知佢哋自己又諗左啲勁行嘅名話「好有意思」，我問有咩意思，佢地就答啲勁行嘅答案⋯⋯即係其實純粹佢哋覺得好聽，其實冇意思啦！
同你一樣，佢哋都有叫我哋『認真考慮』佢哋改嘅名，但因為我同老公都對兩老改嘅名反哂白眼，就再花錢搵多個師傅拎多啲唔同嘅字去match，點知第二個師傅啲字仲行！我哋都照比6299再揀，然後佢哋就係入面揀左一兩個咁。
我同老公都係好有主見嘅人，要對6299使硬都得，但我哋覺得幫BB改名係開心事，老人家想參與的話我哋都想盡量支持，所以我同老公中間都做左啲嘢去調節（6299同我哋嘅心態）。
。首先為左令6299信服，我哋專登搵2個師傅改名，做足程序夾八字，冇得話我哋求其。
。其次，雖然我一聽到師傅啲字&99揀嘅字第一時間都覺得極唔鐘意，但花時間每個字check下意思，再自己沉澱下之後，原來又幾好聽幾有意境！再用幾日時間問自己係咪真係咁抗拒個名，最後愈諗愈覺得個名其實幾好聽又幾好睇。
。最後，我自己搵到一個英文名代替中文拼音，老公又起左個好有意義嘅middle name，即係英文全名係我哋兩個親改嘅。
結論係，我哋局限6299嘅選擇令佢接近我哋可接受嘅範圍，然後又有得比佢哋參與，衣加佢哋會覺得BB名係佢哋揀嘅，同時我同老公又真係親自幫BB改左名，皆大歡喜。
Btw
點解要係到問個問題？如果想知奶奶點諗應該直接問佢啊⋯⋯我覺得最重要係你老公唔會自視過高已經好好。
同埋，我哋呢啲外人評價你係咪『執到』無論你聽邊邊其實都唔會開心，因為係心態問題，你唔認同自己，就兩邊都會諗負面！
1.我地話你執到，你就要屈就？
2.話你老公其實唔筍，唔通你就嫁錯左唔幸福？
大家屋企狀況都唔一樣，人比人比死人，我嫁到個同聲同氣又錫自己嘅老公，又順利生到BB已經覺得好幸運。
改名只係一個好細嘅煩惱，唔好放得太大，BB健康&家庭和睦先係最重要
呢個係我結婚之後每次有衝突時都會提醒自己反思嘅，我脾氣大，好易會鑽一鑽牛角尖，但絕對唔會比自己困死。
5個讚
為左婚姻就要跪低委屈自己？跪得一次就有第二次第三次第四次，自己只會keep住唔開心，更何況信咩八字呀？路係人行出黎，結果係點都係自己揀而唔係咩命中注定，如果因為為左唔想破壞婚姻而委屈成世，段婚姻一樣唔會健康。
我唔信八字，淨係信風水佬係搵笨，就好似星座一樣係on9
同埋父母婚姻失敗個仔唔慌幸福，其實如果只係為左個仔而維繫婚姻，你估小朋友好開心？最清楚知道關係有無問題唔係自己，而係仔女，只係為左所謂既婚姻而死忍爛忍都唔會有好下場。更何況人地老公都話個名可以淨係拎黎參考，點解要跪低？
完
個人唔信風水，係得嘅我發咗達啦？
嗰時自己改咗10個名滿足長老去睇風水，點知個神棍話全部唔得改咗個好老土嘅名 
長老字都唔識多個去信個神棍，最後當然無用到神棍改嘅名 
用返自己改嘅，因為係我同爸爸的祝福，如果因為個名，而成世人對住個bb 覺得佢個名唔好，咁就完全錯晒
1個讚
你錯重點，
我一直叫樓主，睇開啲，放軟自己身段，唔好咁硬頸，
唔好咁固執。
咩⋯⋯跪低、死忍爛忍、委屈成世，這些東西，係你講㗎，唔好入我數。