老實講 我覺得父母有絕對決定權
不過要好識同長老講唔係就有排煩，除非你老公乜都會企你嗰邊，唔係第時兩公婆一定會因為婆家嗌交
你有冇試過去搵第二個師父算？只要搵到個講嘅野唔同就可以同6299講風水都自傷矛盾，唔通改完個名就會中六合彩咩
不過建議做法都係老公做醜人，如果佢唔肯 其實你真係要自己諗下你到底要唔要堅持喇，因為係直接影響你同老公將來嘅關係，旁人真係唔可以俾太多意見
2個讚
我就寧願同奶奶關係破裂都唔會用一個我呢世都會耿耿於懷一叫就覺得唔順心個名了，你話我衰都咁話，奶奶老幾呀？又唔係生我育我，但個仔我十月懷胎生出嚟以後係我一世嘅責任喎
就算係自己阿媽我都會企硬
9個讚
如果老公都企自己嗰邊，基本上可以唔使同佢哋交涉。
當然互相尊重就最好，但好怕d 4大長老當正係自己最大乜都要後生聽哂佢哋話，包括點管教個孫。
利申：我哋關係良好
2個讚
其實一向重點都唔係四大長老
係究竟同佢哋嘈完會唔會影響同老公感情
如果老公企自己嗰邊大可以叫佢出聲
如果唔係真係預左同老公鬧埋一份
佢咪當囉，每人每個月比兩萬我，total 八萬，我 downgrade 自己做工人都得
唔比就同我收聲
其實有乜咁驚佢哋，唔理佢哋唔通佢攞刀斬我？
1個讚
因為當初真係唔想要呢個名
所以長輩又搵多兩個睇相佬問
點知其他建議仲老土
於是我妥協左個梓字（個陣睇相佬話第二個字要呢個）但我想改第三個字唔跟睇相佬（因為佢冇話第三個字一定要跟）
我想第三字改悠字
一黎想佢悠閒啲
唔好辛苦
二黎梓悠諧音自由
想佢有自由
點知老爺又問風水佬得唔得個陣佢話唔好
話信佢就要跟佢改既字會對Bb有好處
我係勁嬲勁嬲
覺得好煩 睇相佬一開始講既野同之後唔同
我改完第三個字先話唔得
好唔想俾外人（睇相佬）改
老爺奶奶改都唔會嬲
（我連星座都唔信 fb/ig 啲人Share 星座野我係直接飛走啲Post）
而家諗起都仲嬲嬲地
覺得風水佬巧多士
但最尾我妥協
我改英文名
中文跟佢地中意既
諗住叫佢英文名算
係呢到建議大家如果唔信風水
又有個好中意好有意思既名
就快快手拎出世紙算喇
因為一問長輩意見
佢可能會好有參與感
好想你跟佢意見
加上佢覺得你後輩唔識野
最好做法一開始就自己黎
4個讚
Btw 我講呢件事係想參考大家意見同做法
想搵一個我同佢地都舒服既方法
但就有comment 話我硬頸
真係黑人問號
我係硬頸就唔會上黎問啦
直接幫Bb改咪得囉
1個讚
唔信風水
頭痕在relationship
1個讚
仔出世時老公要找人改名 但我想自己改 結果一人行一步 師傅比一個字膽我配上另一字 再比返師傅”審批” 
攪掂!
我果時仲煩過你，我同老公已經諗左個名，點知；
男家一早未出世已經話一定要跟族譜，連名都幫我地諗左，話唔跟祖先會嬲；
女家係bb一出世就拎左個八字俾師傳改左一堆名俾我地揀，話唔聽師傳講個bb大左肯定後悔。
我同老公一早講左個名已經諗好，唔會再改，坐月果時都係俾人煩足一個月。拎埋出世紙先肯收聲。
我從來冇諗過妥協，可能因為我同老公乜都唔洗靠兩邊屋企自己獨立到。
樓上有好多絲打話呢種情況應該妥協，其實我都同意，不過樓主要記住一樣野，以後諗起後悔自己細路個名自己冇得揸主意，唔好怨四大長老霸道，係你同你老公冇能力堅持到自己。
2個讚