兄弟爬山，各有各做 <–都要班泛民老鬼肯爬山至得㗎。
如果你有留意上屆立法會投票，係d大白象工程投票，嗰位楊大狀直情缺席會議。
可能佢真係去咗行山。
缺席也是一種表態喎！
其實你有冇諗過, 你想香港點樣? 你希望香港的模樣, 能否用現有抗爭模式爭取到?
大家要知道攬炒本身只係一個概念, 係同中共談判的籌碼, 如果你唔俾我地想要的野我地, 就玩殘香港, 一拍兩散。所以大家叫外國制裁等等, 其實就係攬炒的結局。還有一個結局, 就係要一國兩制終結, 中央無得再利用香港 “聲稱” 自由民主的體制, 作為金融中心。外資撤離, 香港衰退, 中國無法利用香港再做白手套進出資金, 燒埋中國, 一齊攬炒。
如果大家認為同中央周旋的目的唔係咁樣, 我只可以話, 上年一開始, 就唔應該同中共對抗, 唔好反逃犯條例, 因為你希望的香港, 只有順從才可以向中共乞求。
老實講，其實有DQ 釋法 剪布 保安，議會裡面根本無險可守
任何惡法，黨想夾硬過，點都可以
逃犯條例如果要夾硬，一樣可以
咁最後點解無？因為班議員有反對票咩？因為佢地係議事廳打下交咩？
根本唔係，係街頭抗爭同外國利益牽制
何必令大家仲有無謂ge幻想
1個讚
假如缺席也是一種表態
總辭更加係一種大力度嘅表態喎！
十分同意, 議會已經無野可以做架啦。
好似有人始終唔明, 要"守住" 議會, 其實係守乜野
上邊仲有人話, 我地走晒, 人地就最開心…乜係用呢個"開唔開心" 的定義去思考的嗎?
我知呢度係BK 出來, 唔似連登咁POLITICS …但會唔會真係市井得制, 好似2 個C9 鬥"我係都要係度阻住你令你唔開心呀吹呀" 咁樣?? 好明顯宜家講緊的政事唔應該係咁樣
制度下, 無野可以再爭取到架啦, 議會"唯一" 我認為有用的功能, 只係果幾百萬HKD的資源,
但宜家有市民真金支持, 資金源總有辧法
不過可惜, 外邊認為要守議會之見, 多是沒有政治思維的考量, 覺得"一定要守" …但其實卻不知已經無野可以再守, 尤其在國安法立法之後。
1個讚
逃犯條例、國安法既事例已經話咗比我哋知 - 有你冇你哋呢班議員結果都會係一樣，留返本身被DQ嗰4個挑戰吓底線咪得囉，堅守議會究竟想守啲咩先? 守住每人每月嗰十萬? 真心講，如果佢哋真係總辭，到時就會有組織發起籌款架啦！香港人仲有幾個錢，唔駛咁擔心喎，「堅持支持，直到最後」
議會根本已經係阿爺話事，上至主席下至食蕉都係佢哋嘅人，好多嘢夾硬去通過，議員被拉又被襲擊又dq 等等大家有眼睇，根本已經無乜作為，外國已經放聲話留意我哋嘅選舉同埋勸喻恢復選舉，如果總辭嘅話我覺得引起嘅關注同實際嘅比留喺裏面做花瓶意義大好多，希望佢哋聽下市民嘅聲音，尋日各大group，kol 等好多方面媒體都發表咗好多意見，唔好閂埋門自己開完會出嚟就話傾向留任，睇吓市民同各方面嘅意見先啦
其實議會巳爛無可爛。既然當初佢地仲肯扮民主叫比人選立法會，那當然守住撐下去，望有朝一日拿多些議席話事。但呢一刻巳拿開肚皮，任意修改。為何還要跳進他設下的遊戲，跟著團團轉.總辭是為走得更遠，更章顯爺的橫蠻。有人話那來年會比人任意操控。但如全體總辭，控訴非法加建一年，可比外在壓力加於呀爺。或者比你想像更短的時間玩完，更給人印象是不能接受他們任意改變的抗爭意志。
1個讚
其實我係留任派轉向杯葛派
真係冇嘢衰得過依家
而家阻唔到惡法，一個月過一個惡法。
泛民走埋，一星級過一個。
2個讚
點樣可以控佢非法？
留任惡法一個月過一次，離任一星期過一個
籌款既錢係我地出架！度度都要錢，你捐得幾多？
薪酬係政府出，唔用就俾左親中派！
你地以為議會無野可以守，走左就會發現連僅有既小小拖延都無埋，到時喊都無用！
3個讚
點會一樣？當時政府為左過，要摸下低，計下數，叫親中派埋位… 都搞左一兩個月。無埋泛民，一星期就過左！
有野可以守，只不過好少咁解，但唔等無。議會不只是為投票，拖時間都好。
無論留係度幾無用，都好過走。因為走，就真係零，一樣野都無，只有面。
1個讚
仲有微少既作為。但辭職真係零作為。
國際聲音大把方法整，但議會放棄就無左
或者咁啦，Solomon Yue: 可同時成立「流亡議會」和「二級議會」
https://lih.kg/2165021
2個讚
嘜你認為泛民係度可阻到惡法？
就算聽日起香港集中營，佢哋可以阻到？
我再講一次，阻唔到，但可以拖。
就係因為有泛民係度，惡法要個幾月先過到一個。
或者咁啦，Solomon Yue: 可同時成立「流亡議會」和「二級議會」
https://lih.kg/2165021
2個讚
大家都係理性討論件事。我覺得總辭係必須，因根本成班，無論泛民或建制都沒經民意授權。無可能被你呀爺一句，而人民就乖乖被代表。如黃碧雲之流，根本初選巳出局，現在無端又玩多一年，就巳經甚荒謬。況且好多KOL 袁爸，蕭生，黃世澤，快必，升旗易得道…等都讚成總辭。當然他們不肯我們也沒辦法，正如呀爺要延遲一年選一樣沒辦法。為何不搞民調或公投由市民選
黃世澤一定唔係支持總辭，佢係支持留低增加政府管治成本。其實kol都唔係一面倒，黃世澤以外，劉細良同黎智英都接受泛民留低。
無論留低定總辭，希望最後大家都可以團結，尊重其他人決定。深黃係黃，淺黃都係黃，勇武、保守、年長、年輕都係同路人，其實大家都係想香港變得更好。
7個讚