民意好像好兩極化，大家點諗？
我希望推一下兼容方案，防止分化。就係留，但權交俾初選議員，錢也對分
https://lihkg.com/thread/2165021/page/1
呢個就係對家想要結果 
…或者需要民調或者甚至公投
1個讚
都有道理，其實分別都唔係咁大。無論結果如何，都只係被動決定，錯都在對家。
重溫初心：
不XX不XX不XX，XX也不割。
亦唔好低估自己人團結決心，過往多個日子都有人驚過，但都一一走過來，呢個真心只係小事。
7個讚
無論最後點選擇，都會支持，各有各做。
記住已經沒有分裂的本錢。
14個讚
agree, 睇左solomon yue twitter , 最重要係唔好分裂,
泛民要齊上齊落, 要團結,
記住我地初心, 不篤灰不割席不指責
6個讚
我最擔心係而家有啲意氣之爭…
佔據道德高地講話容易，但係政治講究盤算、策略。而家我哋喺不利環境之下，應該要諗辦法點樣令對家付出最大代價。
不戰而退並非上策。
4個讚
同意, 其實我都仲係唔明辭嚟做咩, 辭完之後係點又無人講得出, 點樣發揮泛民最大價值其實係討論重點
2個讚
平時開會都係咁，我唔介意有人反對，但同時俾個你認為有效方法咪得，大家再傾
如果留任話係無用，咁點樣先有用真係要講，唔係淨係反對但無建設
1個讚
一齊杯葛 或 一齊留任
一d留一d走，一定死
1個讚
我自己贊成總辭 + 搞杯葛非法議會大遊行，再加國際壓力。現在話疫情關係，只為50-60個每日疫情，而延期最少一年根本不合理。一定施壓要佢在1、2個月內盡快舉行。
總辭。
因為:
1)如果今次開先例，一年後亦可以再延會
2)延長任期冇合法性，如果非建制派今次接受，即係我們接受阿爺狗噏嗰套。
2個讚
我自己贊成總辭 & 留返之前差啲被DQ嗰4位議員，做多一年唔係民意，係人大既意思，香港市民既意見先係民意，我哋係要如期選舉，唔係留多一年，我哋要啱既人做4年
我支持增加政府管治成本。
臨立會無合法性，問題係出自政府到而唔係泛民議員度。即使泛民議員杯葛，呢個毫無代表性嘅臨立會亦會繼續運行落去。如果泛民留任，起碼每次有爭議性議案要通過都唔會咁順利。而家大家唔好忽略議員嘅作用，佢地可以比普通人更易接觸到政府內部資料，亦都可以動用資源幫返同路人手足（例如有議員請緊佢地做助理，議員亦都可以利用職能去探再囚手足）
除非杯葛議會，能夠有擺姿態以外嘅好處，否則我寧願留係消耗政府資源。
7個讚
甚麼決定都好，我都尊重。
大家記住不割，不分
1個讚
呢個一定係
1這個論點我見過好幾次，不過唔明白。就算總辭左，佢一年後都係會再延會架？總辭點樣阻到佢一年後延會？
2個讚
其實可唔可以係體制內反體制？
假如泛民真係選擇留低，希望佢地可以俾到理由我地去支持。
無論杯唔杯葛都好，最緊要佢地有共識齊上齊落。
2個讚
其實現在擺明就係呀爺想好好睇睇，順便比一年時間佢做野，安插大灣區做馬大會，到時就可以好似好有民意咁話高票當選。我地無理由掉入佢圈套去配合，反正留下都做吾到野，咁咪總辭一齊街頭戰線。你咁順攤，外國亦無能力幫，因是你自己選擇做佢隻旗，做反對花瓶。
1個讚
有冇諗番起立法會議員係點選出嚟？
係由市民投票比佢，而任期屆滿，佢哋嘅議員身份，即時已完。
即係，佢哋已經冇咗議員嘅身份了，同普通巿民一樣。
宜家係阿爺欽點一班人出嚟，比佢哋做議員。佢哋憑甚麼認受性？
市民嘅一票？ 冇吖，嗰一票係已過去嘅上屆。
今屆嘅票，巿民仲未投吖！