=>泛民議員有部份橫掂下屆都唔選，或者無得選，佢哋更加無包袱，可以喺議會入面玩盡佢。如果到時迫到政府打橫嚟，甚至乎DQ當任議員，咁先總辭先至有足夠震撼力
泛民老一輩太左膠，未必會如你所願。
2個讚
同意…佢地做唔出啲乜，舊年全年都係度啦，幫到啲乜，都係好多野粗暴通過
一語道破。
上年得到咁多外國關注，係香港人自救，手足犧牲自由或性命及打國際性嘅後生仔，用血與淚換番嚟，泛民嗰班老人付出幾多，大家有眼見！
2個讚
杯葛！
假ge立法會，點解要配合黨做成台戲
2個讚
呢頭美、英議員出口術要求港府儘快安排選舉。
嗰頭香港班泛民、市民接受延會。
外國亦冇能力再幫，因是你自己棄權。
2個讚
當年臨立會班落車，有骨氣得多。
阿爺醒過老譚，比4件DQ議員延任，班泛民就冇總辭壓力，繼續有糧出。
係，大白象工程之前都過唔少，你睇下個西九站，比大陸人用多過香港人！
但棄權冇泛民在議會，大白象工程仲做得多和快。但悲唔只是錢，到時連議事規則都改埋, 仲死得快｡
1個讚
臨立會班泛民試過落車，so what，除骨氣外有什麼得著。
今次對家睇死你又落車囉！
出街頭抗爭？！爭左好耐啦，好人多人都可做。
反而議會抗爭就放棄左就冇！
佢先攬到你分化(有人杯葛、有人留)。之後佢台假立法會戲不論你配唔配合佢一定做落去，吹咩！
依法………………是model answer.
我覺得邊個範疇都需要有人係度，留任，甚至有人話流亡議會，其實可以同時擺人係度。
如果著眼於出人工俾佢地留守議會係浪費金錢，咁泛民所有議員人工加埋，都遠遠不及一單大白象工程批出嘅錢。
議員人工高過一般打工仔好多，唔好忽略所有泛民議員都係被共黨搞嘅高危份子。有好多都揹緊幾條控罪係身，隨時連屋企人嘅安全都要賠上，絕對唔係舒服錢。
繼續 杯葛 VS 留任 的討論:
Exactly, 如果你默許呀爺欽點。你叫5眼點出聲。到時呀爺都可大大聲話，人家民選議員都同議留任，你班外國勢力收聲啦！專貴議員們是覺得自己太重要吧！其實在呀爺眼中是做給外國睇的花瓶，令人覺得佢地還有一國兩制而巳。
我個人贊同總辭, 宣佈放棄香港, 咁先震撼架嘛
大陸玩到咁, 其實已經無野可以再"抗爭"
個制度係佢設計的, 當你有機會係個制度上羸到佢果陣, 佢就會改規則
到最後就算你立會70 席都係泛民果陣, 其實你可以做到乜? 乜野都做唔到, 因為香港係行政主導。
所以其實自從立左國安後, 一切都已經係完結和終局
大家唔好妄想仲有希望, 在制度上抗爭, 是不會有任何希望的。
留係議會如果只係" 擋惡法" 我個人認為亦都係無得著。
議會其實係要建設, 但係中共設計下的制度上建設, 其實係完全無可能。
佢玩到國安法, 其實已經係終局, 佢仲恐怖過23 條, 咁泛民留係議會,仲可以擋什麼? 有什麼作為?
就算民生議案, 泛民的所有修定都一定係被否決的。
所以我自己覺得, 總辭宣佈放棄香港, 會震撼好多, 亦都可以俾國際知, 一國兩制已經真正完結
大家唔好再講臨立會, 當年情勢同現在係完全不同。當年民主派係真係唔應該"落車" , 搞到公安條例立左法。
有幾震撼？！你放棄香港？！大把人拍掌歡迎你放棄，人家嫌你阻手阻腳，你自願走最好。
一國兩制真正完結？！ 杯葛前一早講左啦。
我真心見唔到杯葛有幾大力量！I
傳媒角度點解要留
2個讚
CCP同建制派不知幾開心，佢哋一開始根本就想DQ晒所有泛民，明知你哋有班人喜歡唱反調，而家嚟一招一石二鳥。
打開個FB，見到班人不停自我分化不單止，仲要下下攻擊泛民？當日不分化、不割蓆去咗邊？當日人哋同你不割蓆，今日你哋做咗啲乜嘢？個個開口埋口淨係話佢哋為錢？老實講佢哋個個都係人才，搵過第二份工都唔使咁辛苦啦？10萬蚊隨時要俾人打一身拉返差館，仲要比所謂自己人日日鬧。我睇到而家D洗版已經好厭惡，自己人批鬥自己人，日日鬥黃，只係紅衞兵變黃衞兵。對唔住，真係頂唔順。
2個讚
兄弟爬山，各有各做。有進取嘅，有保守，呢個係我哋民主社會嘅spectrum. 唔係阿爺一言堂。
何況過去一年，好多港豬都慢慢改變。
1個讚