17樓有講，佢62明知有肺炎仲對住個樓主個仔咳，然後仔仔就肺炎入院搞到有埋中耳炎，但男方全家覺得小朋友病好正常，唔承認係62傳染，仲話樓主大驚小怪太緊張
咁賤ga
其實你有冇諗過繼續要委屈求全，其實都影響緊兩個仔女呢？
佢哋喺呢個所謂嘅家，仲可唔可以健康成長？
1個讚
同意，為乜呢？
假設你承受到，外人當然冇嘢好講啦！
但正正因為你有兩個小朋友，佢哋都有感受同感覺，何必要咁折磨自己同小朋友呢？
我都唔主張離婚,但我係你為左對仔女一定會離婚，佢全家精神虐待緊你地，仔女大d會懂事，會返學會比較，原來自己個屋企係咁唔正常，原來要委曲先可以係屋企生存！我都同個變態99住，底線係個男人會幫你出頭會分下是非會錫仔女，知道自己未有本事搬會盡量去填補，會體諒你珍惜你，而唔係要你咁委屈仲要踩多幾腳！為小朋友，你真係要諗清楚，唔好覺得要比咩完整家庭繼續唔正常既家庭生活！應該好多機構會幫到你！
1個讚
睇樓主嘅經歷真係睇到好嬲…你真係已經好堅強…6299變態就當然啦…但重點係你老公根本就唔錫你同小朋友…其實點解你仲會為佢生兩個小朋友？莫非生大仔時佢唔係咁嘅？
點都好，真係要諗清楚繼續咁落去係咪對小朋友係最好…大大吓 feel到爸爸對自己咁冷淡 唔錫自己 又唔錫媽媽，係咪仲hurt過冇爸爸喺身邊…
我好同意你唔諗離婚住先呢個做法，因為貿貿然因為「對方唔愛自己同仔女」就離婚，你之後嘅生活好大機會仲難過。衣加呢個情況你可以靠住你老公份家用，實際諗下試吓點可以自己都湊到小朋友又搵到錢先慢慢脫離老公。可能到時候佢見你咁自立，自己反而驚你會離開佢而對你好左。
如果你可以抵擋哂你老公對你嘅脾氣同極差嘅態度，其實真係可以專心將所有心機放晒係仔女身上。我阿媽係過來人，由結婚後到懷住我未生就好快後悔嫁左比佢老公！
我老豆係盲嘅都睇得出佢乜人都唔愛淨係愛自己！勁自私自利，對阿媽態度勁差，媽媽有試過自己一個去左中轉站住1晚，嚇到我同妹死驚佢以後唔番黎（當時我哋只係小學）！
小朋友係會知的，自從嗰晚，我同妹妹就好乖好自立，比心機讀書搵錢，錫哂媽媽，有咩事會一齊對抗老豆！
我好細個已經夠薑同老豆嘈，仲威脅佢如果再對阿媽態度差我就送佢去老人院！然後我老豆又真係勁驚，基本上我中學之後老豆就笠左水⋯⋯
媽到我哋小學番全日制又識自理就開始打工賺錢，完全唔睬老豆，連飯都唔煮佢食！（因為老豆見到阿媽搵到錢就借啲意唔比家用佢）
衣加我同妹都廿幾歲人，老豆已經係鵪鶉一隻依然要自己煮飯，媽媽有我地兩個女養，仲就黎有孫湊～
佢見到老豆老來冇仔女錫自己一個孤伶伶，都可憐佢同佢friend番⋯⋯
我就成日用老豆呢個case黎告誡我老公 
嫁錯人係好慘架，但苦盡甘來！靠自己！
10個讚
我係類似呢個case入面長大嘅小朋友，正正相反，我好細個就知道要反抗，要惡，要識自保，努力讀書搵錢養阿媽！然後成功左 
只要冇家暴，精神虐待反而令我同妹唔係溫室長大先堅強。我寧願有個衰老豆係屋企都唔希望做單親家庭，呢啲情況真係要問下自己小朋友意見，唔好以為佢哋好細個乜都唔識，離婚就一定好。
1個讚
以前係因為要99湊仔，又要寄人籬下，先咩都要忍，唔想住埋一齊大家面阻阻咁，搞到自己咁委屈…
搬左出來住，我同自己講，要搞好頭家！每日努力做好家務，顧好2個！想老公睇到，屬於我地的家 都可以做得好好咁過生活！
每日的野都做唔停！餵奶就住個女訓，每朝腰酸到起唔到身，但堅持住呢個理念，唔覺得攰！
每晚都驚2個會嘈醒老公，阻佢訓教，會發脾氣！
無型係一種壓力，
但原來所有野佢都睇唔到…！
唔認同我呢一個家！
心累了…！醒覺了！佢的野，一切都再冇動力了！唔會再緊張佢的事！
咁諗舒服左好多！
轉換左心態，
家務，我唔會再做到咁足，唔會再幫佢用手洗d衫，會叫下外賣，
同小朋友 hea下，多左好多自己的時間，煲下劇，成個人輕鬆晒，
之前被打壓得太勁了！完全冇左自己！
反抗！做返自己 係岩的！
錢！真係好重要呀！
要靠老公交租！ 小朋友仲咁細，離婚對我地冇好處！
離左，唔見得生活會輕鬆，起碼屋企有咩壞，搬重野，都有個男人搞掂吖！
搬出來住，咩都係錢！
總之老公有俾錢我地就得啦！
我可以同2個去邊玩都得，買咩，食咩，我地有我地的節目，
反而，無視老公，佢會緊張返我地lor！
99見我咁，講野都唔敢咁大口氣了！
傷心完啦我！
我同老公講，你覺得係我搞散你頭家，
咁你返去維繫返你自己果頭家啦！返你呀媽到住啦，群腳仔！
我都唔想再對住你啦！
你返你老母到啦！我地3個就住係到！
總之，2個健康，冇病冇痛，有屋住，食得訓得玩得柯得，就得啦！
9個讚
係會有影響架，但點解一定係負面影響呢？
我嘅童年知道父母不和，知道媽媽為左我哋好努力生存，我同妹妹好細個已經心水好清乜都睇得見。
成日case好有教育意義，我哋知道乜嘢叫反抗而唔係屈就老豆，學識自強保護自己，只要老豆一日唔夠薑家暴(因為家暴我實報警，小學已經識)，1個大人加2個細路足以對抗賤格衰老豆。
咁樣嘅老豆成功將我同妹train成識得揀男人，識得靠自己唔靠他人，識得分辨善惡，亦識得顯露自己嘅價值，令惡人都要怕你三分。
當然你可能會問：留個咁嘅老豆係到做乜？
我答你，小朋友真係需要一個老豆，心靈上需要，就算我老豆幾衰，只要一日冇出手打阿媽，我都唔希望自己係單親家庭。
1個讚
好開心你自己成功轉換心態！
因為你個case真係好似我阿媽個case，我就係入面嘅小朋友！
媽媽衣加已經係享福期，你都好快會咁！
小朋友唔一定要係好溫馨幸福嘅環境生長，反而逆境自強嘅小朋友長大得更快，大個左更成熟更強大！
我覺得你好理性！好感動 
1個讚
多謝你
不過我都醒覺得太遲啦
如果有勇氣早d搬出來，就唔會令到自己變到咁慘…
亦都對唔住呀仔…搞到佢食抗生素大…
1個讚
錫自己多啲， 你付出努力，仔女會感受到
1個讚
你都好叻呀！
至於我老公，佢係好錫佢呀媽！顧家
朋友都重要過我地！
係唔錫我地囉，
又講好多傷害我地的說話，
但叫有俾$交租囉！冇嫖賭飲蕩吹，冇出手，
算啦~咁樣諗，睇開d，唔理佢，個心會好過d lo！
1個讚
我自問都唔係一個好媽媽，
但起碼依加叫做守得住佢地的健康先！
1個讚
我個case老豆係我小學就冇番工食老本，有比家用阿媽但買餸$1都要搵本簿仔寫低，怕我阿媽打斧頭！仲衰過對待工人！
食食下老本冇哂就拎綜緩依然管住筆錢又對阿媽勁差。直到我妹都番小學，我媽就出去做嘢，世界就開始唔同～
同樣地我老豆係冇嫖賭飲吹，冇出手打人。
其實老豆惡嘅日子好短，因為小朋友大得好快，仲要你有仔仔，我阿媽只係2個女，仔仔高大老豆好快抽唔過haha，呢個成長環境令我同妹性格都堅強到好似男仔咁
我老公都好佩服我哋。
大個左好自豪有呢個咁嘅成長環境～幸福家庭嘅小朋友父母唔小心太呵護，反而出黎接觸世界就怕事，好多挫折，AQ EQ都低啲。
我媽媽將錯就錯，將逆境變成訓練場所！
最辛苦嗰個其實係你，但唔洗太驚影響小朋友發育，講到要比愛小朋友，有媽媽你一個就夠。 
2個讚
錫自己多d真係好重要！
連自己都唔識得錫自己，就會俾d有心人走來踐踏你！令到自己身心受創！
諗起就嬲！過時過節先會俾仔出去同佢地做節！始終仔係99湊大，但呀女就唔洗旨意見啦！
3個讚
佢2個都叫有個伴，唔洗返學的日子，2個一齊玩，一齊打架
雖然老公冇倍佢地玩，覺得佢地煩，但佢地每日黃昏都會期待爸爸返來，都想痴佢玩，睇住爸爸打機都已經好開心，唔覺得爸爸唔錫佢地
1個讚
其實我都好想知，d 99咁鍾意挑撥離間，如果個仔離婚，d孫冇老豆/老母，佢會好開心？
咩心態？