唯有離婚自強
有咁既老豆老母, 個老公都唔慌好
佢地成家都痴線, 個仔仲要裙腳
你唔俾佢地搞到情緒病已經好好
btw 臨時中心冇得長住, 咁你之後諗住點?
如果有困難, 網上都有D渠道可以徵到好多日常用品架
1個讚
同意, 小朋友在呢D環境長大, 好唔正常, 第時大D就會有樣學樣, 學埋6299嘅行為同說話, 在校好容易有行為問題.
早日過正常生活對佢地係好事.
搞到咁已經無得返轉頭
你返工，仔女邊個照顧？
你吾返工，食乜？
希望你早日脫離困局 女人要自強
唔好太傷心…仲要湊住兩個小朋友，要堅強
我自己都好討厭我老公啲屋企人…就算搬開咗 但都因為有佢哋 搞到我兩公婆成日嘈交 不過我唔會妥協 遇強越強 一齊加油
好老實講， 搞到我仔女病第一次我 一定發咗癲， 想像唔到 會因為一個人而搞到個小朋友由細到大都要食抗生素
難聽啲講句仔女先係自己嘅親人， 講得好聽有感情就老公講得唔好聽 仲要唔保護自己老婆仔女嘅 就只係簽咗一張紙嘅陌生人
3個讚
同佢表明
無本事養兩頭家無係男人問題
生活過得唔好同樣係男人問題
責怪老婆仔女係解決唔到問題
咁Q無用麻煩縮返入佢呀媽到
5個讚
咁樣點算呢真係！
唉！樓主要加油啊！
呢個男人，如果佢唔改變，你同佢一齊條路都係死路！
唔知樓主經濟如何，可唔可以依靠外家先？
如果冇人為你同小朋友着想，你自己就要為自己打算，做你認為岩既野！
係呢件事上，你係岩既！
希望你可以走去困境！記得小朋友好愛你架，咩難關都總會過，加油！
我唔同意有人講男人返工大壓力, 女人係屋企湊仔就要任人魚肉受晒咁多邊氣, 我亦唔同意邊個搵錢邊個就可以鬧人。我同意係你既然選左呢個男人同佢呢個家庭, 你應該一早就對所有關係都有對策, 例如自己點樣可以睇開D又或者自強。
但第一, 你先生係媽寶, 無做好處理婆媳關係, 我估你老公係屋企連底衫褲都關佢老母事
第二, 你係果個"家"你先係外人, 你老公都唔當你係自己人, 你只係果度既傅宗接代員。
第三, 你老公EQ奇低, 兩公婆鬧交都唔可以咁鬧, 人要互相尊重, 好明顯佢而家選左佢老母, 幼稚唔明白婚姻裡面既義務同責任
淨返最後, 就係佢鍚唔錫小朋友, 同你願唔願意再忍受而唔傷害到小朋友心靈, 因為咁細小朋友係會被家庭爭吵既漲力影響成長的.
如果兩樣既答案都係唔得, 咁你要自強!
社福機構最多只住三個月, 有D十日就比社工叫搬去第二度
你如果係全職媽, 你可以經你而家暫住既機構去申請離婚同資助渡過難關, 無人會睇你唔起, 你唔係果D20歲嫁60歲黎香港生幾件呃飲呃食既人
呢D家庭抖紛係唔會因為時日而自動消失的, 只有你改先得, 你做唔到, 就諗下點為小朋友著想啦!
4個讚
一湊二真係好辛苦…男家仲要唔體諒
如果你老公連自己仔仔比自己老豆傳染都唔理，咁你真係可以考慮離開佢。因為係佢心裡面你同仔女並唔係第一位，佢亦都冇已經做人老公同做人老豆既覺悟。
如果要離婚，愈早愈好，離左之後你可以去搵社工或者議員幫手申請特快公屋，另外你亦會好好安排往後既日子，比如有冇朋友可以幫你湊仔，你做返在職媽媽，未有公屋住之前搵下有冇人同你夾租，分擔下D租金
無論點都好，希望在明天，任何困難都會有捱過去既時侯，加油
睇左大部份, 見樓主其實原生家庭都係重男輕女, 依類人都會想盡快離開屋企…而中伏…
客觀諗咁既情況, 自己帶兩個走人更好啦!
咩叫"搞散佢頭家", 頭家佢想點就點?
你都可以"你+兩仔女"成為一個家!
反正佢地都唔係有錢, 又唔當你係一家人,
家下佢地舌底啊, 分分鐘一話走, 先驚無左兩粒孫 
佢地咁叻搵過另一個新既生仔專員囉。
無知唔緊要, 唔聽人講唔肯尊重好大獲!
謝謝各位的關心
情緒好左好多啦
依加最重要的就係2個小朋友！
老公有俾$我地就得啦！就算佢將我地3個放到最後，雖然係傷心，但都冇計！日子總要過！
自己情緒唔好，都會好影響到2個！佢地會見到，會知道！
前日一邊洗碗，眼淚一邊流呀流，愈喊愈激…呀仔聽到都走來安慰我！
離婚 暫時都唔會，始終佢係小朋友爸爸，佢冇第3者，冇出手打我，我都唔會諗呢步住！
社工？我諗依加的社工只會幫d新移民多！
佢話「仲有好多人慘過我地，冇野可以幫到我地，唔開心就去搵佢傾下計」
搵左 個感覺仲難受左…
搬左出來住之後，我的努力，佢全部都睇唔到，永遠覺得佢呀媽做得比我好！
心灰…
對小朋友都唔理，完全冇親子時間，只會覺得佢地煩，
幫我睇一陣，俾我沖個涼，柯個屎都唔得，叫我等佢地訓左，我先柯啦！
等到佢地訓晒，我先柯屎啦，突然喊醒，佢就會發脾氣！
抱個女俾我，唯有抱住柯屎，
太多…太多啦…諗返呢d事，只覺得佢唔愛我地囉…
佢唔值得，唔洗再對佢付出！
（希望做到啦！咁先唔會再咁傷心！）
要學會愛自己！
4個讚
聽落都覺得慘。唔離婚就要忍。
千祈千祈千祈千祈不要再生多個啦
3個讚
生左小朋友就要改變同接受生活不再同以往一樣，無人話放工返到去就要抖，男女都一樣，無呢個決心同覺醒真係唔好生。不過你老公媽寶到咁，我估只有你6299走左佢先會無咁癲，所以在此之前，唯有死忍，因為你離唔開個男人，而佢亦知道主導權喺佢度
睇完你決定繼續咁卑賤咁生活都唔知講咩好
你都識講你仔女都感覺到你唔開心啦
有個掛名爸爸既所謂完整家庭比有快樂家庭重要?
始終我地係外人，講既只係提議，你有最後決定權。尊重你既決定。
但你都要有心理準備，你老公對你咁既態度，唔會因為日子耐左就改善，一日搬離佢父母，佢都會怪你，就算佢父母仙遊，應該都會怪你搬走冇得照顧佢地，所以如果情況不變，你既日子唔會捱捱下就好，只會越來越苦。
冇第三者冇打女人唔代表係好男人，佢侮辱、輕視、精神虐待你，同家暴冇分別。你覺得佢係小朋友爸爸，但佢有冇咁自覺？感覺佢生仔只為傳宗接代，對父母有交待。依家都搬離父母，佢都唔洗響自己父母面前扮做好爸爸，相信除左錢，佢都唔會為你頭家帶黎乜嘢正面既嘢。
除左加油，都冇乜可以再講。JM加油呀。
4個讚
除非你老公突然轉性，唔係你同仔女日子都好難捱。
你都識講，只覺得佢唔愛你哋，一句唔愛就可以變同屋共住，你仲係佢一家嘅出氣袋。
當你有70歲命，你希望自己餘生都係咁委曲求全？
為咗自己同仔女你真係要好好為自己打算
你62 點專登傳比作地？