成晚個心都好難受…依加諗起都控制唔到，仲不自覺地流緊淚…
因為62成日病，仲專登成日傳染俾我2個小朋友，輪流入醫院幾次！
我終於忍唔住要搬出來住！
99好識講野，扮野，唔知係背後講過d乜啦，
老公都好增我，覺得係我搞搞陣，搞到佢呀媽好唔開心
我帶住2個（2歲 & 8m），入住d臨時中心，
我地當時個心都好驚，好傍偟，唔知入面係咩情況，
我老公一直係咁鬧，係咁鬧我…
老公話係我 搞到佢成頭家散晒，
唔係我要搬出來住，佢可以儲到$，洗好似依加咁？！
搞到佢呀媽有孫，變冇孫湊，
又話佢呀媽講得岩，話我會虐待個仔！
講左好多難聽的說話…
我聽到呢一句，突然覺得成個世界停左咁，點解我老公會講d咁的說話？
我啞左，唔知可以講d乜，
淨係講左一句：你頭家散左？咁我頭家呢？
當下先發現，原來我係冇屋企架！
原來冇一個地方係可以容得下我3仔乸架！
好灰，好心淡！
小朋友仲咁細…我仲點同呢個男人過世？
咁你依家住邊？
佢有冇出手打過你？
唔係我要搬出來住，佢可以儲到$ ???
我覺得你老公唔成熟，自己處理唔到原生家庭，係媽寶
中心因為要同埋其他人同房，
佢2個太驚，攬到我實，張床又細，我都訓唔到，坐係到訓，一個坐我左腳，一個坐右腳，咁攬住，
我連一啖水都唔敢飲，去唔到廁所！
依加租屋住
佢係掉野，冇出手
係呀！佢好錫佢呀媽，佢媽一喊，佢就會顛左咁，會好心痛佢媽！
但佢講難聽的說話，我喊，佢就會話我痴線，扮可憐，所以係佢屋企住果陣，真係好委屈時，我都唔敢喊出聲，掩住個咀
你老公咩都咁明
2yr & 8m 這介段真係好容易病的
8月b 已無左媽媽抗體
62成日病當然會容易傳染比小朋友啦！
男家一條腸架， 點會理會你感受呢
仲講到頭家散了? 和虐待個仔?
你老公明白99幾慘， 都無諗你幾慘
算啦！ 唔好追究是誰是非
最重要你認清問題所在
你堅強一點捱過去就無事
小朋友會好快大
加油
唔好咁傷心!對住啲自私既人，講咩都覺得妳錯，
妳小心保重身體，小朋友好需要妳
唔知點講
雖然我明白同6299 住係好多唔開心，
只要你睇唔過眼，99呼呼也是罪，
同樣99都可能一樣咁睇你。
《62成日病，仲專登成日傳染俾我2個小朋友》，
但我相信62唔係專登病黎傳染俾你地。
無論佢可能衞生意識唔夠，定年紀大抵抗力真係弱左。
唔係要你忍氣吞聲
其實如果冇能力真係唔好搬出去
搬出去使好多錢，
你c6會有壓力。
依家你仲帶埋咁細嘅小朋友入住中心…
頭家會散，咁大家都有份，包括你
Anyway 你有冇積蓄？有冇工作(能力)？初時生兩個時本身係諗住點生活？邊個湊？
有冇搵社工區議員幫下手？
你哋三個夠唔夠口罩？
唔好望返轉頭，要有以後得返你哋三個嘅打算。
你要有會爭小朋友嘅心理準備。
離開呢個男人啦,你老公精神虐待緊你,你搵D福利機構幫手!
女人當自強！
要正面啲，你啲細路會直接受你情緒影響架
如果個男人係掂就唔駛同6299住啦
你要積極啲，總有辦法有出路
你好叻架啦！為左小朋友有勇氣反抗，你係佢地既後盾，响佢地面前要撐住，小朋友知你唔開心都會難受, 你已經行出第一步，加油
我都係啱啱離婚單親媽媽，明白你感受！加油！
同意
老人家衞生常識真係較差 你睇宜家仲有人唔帶口罩就知
但整病個孫對62完全冇好處
你用「專登」喱個心態好似有少少偏激
明白一時三刻大家都唔會放低大家敵意
但調整吓自己心態 事情會比較容易解決
除咗6299
同老公一直有冇其他問題？
佢有冇投訴過你其他嘢？
呢啲男人唔要罷就
佢鬧你果啲，九成係佢阿媽講既，尤其是“有孫變無孫”果段
有一日62睇完醫生，食晚飯果陣佢自己係到講，話照左肺片，醫生話62有肺炎，
我話你食緊抗生素唔好飲酒啦，
佢話個醫生傻的，肺炎唔會傳染人，肺癆先會，佢又唔係！
之後為左證實肺炎唔會傳染人，佢係呀仔食飯果陣專登走過來同佢傾左幾次計，抱住佢咳，隻手係有掩住個咀，跟住隻手直接摸落呀仔到，摸頭，摸面，摸身，面對面同仔傾計，口水噴晒落仔塊面，碗飯到！
之後呀仔燒左半個月，肺炎，入醫院，出院，中耳炎，又睇私家，中醫，拜神…
係呀…佢成家人都唔覺有問題架，都係話係我有問題，太緊張，佢地都係咁大，
呀仔由細食抗生素食大…
到細女，我唔想佢都係咁…入醫院話要抽骨髓驗，所以我唔再忍！我要保護呀女！
但…全世界都話我搬出來住係我錯
你老爺真係好衰，點可以咁對自己個孫，如果咁你老公同99都覺得冇問題，咁你真係預咗有心理準備離婚啦，冇可能同佢哋溝通到。
你娘家可以返去嗎？如果可以就返去，叫做有人幫手照顧2個小朋友嘛。
你同2個小朋友就係你嘅家，希望你哋一家齊齊整整身體健康。
平時62都成日病，但佢唔覺得有問題，自己咳完d口水，鼻涕，照hi落呀仔到，
佢好鐘意抱住呀仔，
佢自己都成日睇醫生，成日食抗生素，
但成日話自己少少咳啫，少少傷風啫，咁少事，點會傳染俾呀仔，
所以呀仔差不多個個月都要睇醫生，
我同我老公講，叫佢同62講，叫佢好返先同仔玩，戴口罩，
但我老公次次都唔會理我，叫我有咩事同返佢地講，
我同62講啦，成家都唔like我，覺得係我搞搞陣
1.希望你唔好認為老人家係故意害你嘅小朋友。
2.你同99明顯關係差，互相抹黑，包括你都有口話佢扮嘢做戲。
3.你搞到佢父母唔開心係事實。
4.你老公係好孝順，但冇意識去解決問題，亦冇理你感受。
5.搬出去住係要洗好多錢，老公有壓力正常，所以錢呢方面，你覺得自己可以點幫手？
冇錢，放完產假即刻翻工都冇辦法，講真你6299都湊得大你老公，99又咁想湊孫，你可以翻pt慢慢放手，轉做全職之後少好多時間對6299，就少啲衝突。
每個人都好錫自己小朋友，包括我都唔捨得bb比人湊，但問心，你老公有冇咁嘅本錢搬出去住再養你做ftm？
有個唔愛護你嘅老公，只能說你揀錯左，如果你決定要繼續同佢生活，EQ請提高。改變自己嘅心態永遠容易過改變任何人。
你話你老公係咁鬧你，好憎你，我又明佢點解咁諗喎，有邊個男人放工返嚟仲想聽到自己屋企家嘈屋閉女人哭哭啼啼？
你要做ftm對住6299，就要處理好大家關係，老公放工翻黎就係要放鬆休息，而唔係處理你哋嘅不和。
62咳左成個月，傳染俾2個小朋友發燒，
佢要呀仔倍佢出街飲茶，
我話佢發燒唔出街啦，62就爆晒粗，強搶呀仔出去，
我接受唔到燒緊都要俾你扯佢出去飲茶，
所以我先抱佢2個走！
娘家重男輕女得好緊要，我爸唔俾我地住，佢唔鍾意小朋友！
都係呢次我先發現，原來我係冇屋企架