好顛播，你老公知唔知架？佢連自己d仔女都保護唔到，叫佢返屋企攬住佢老豆老母過世啦
5個讚
唉⋯⋯如果連自己娘家都係咁，你真係要好堅強先得。
我都唔想叫你啞忍，不過EQ AQ係自己慢慢發掘同改進，冇人比你更清楚自己屋企情況，所以解決方法都係要你自己去諗，又或者搵專業人士幫手。
1個讚
你要想以後條路， 住中心不是長遠方法
佢地應該成家人都有問題, 你當自己無帶眼識人早走早著啦
太恐怖了, 根本不是正常人的行為。
2個讚
最切身嘅問題係，無咗你老公，你能唔能夠獨立？
3個讚
你老公唔成熟，處理唔到自己家事，佢父母好自私。
唔好話疫情，就算正常人都唔會成搞到細路仔病。
你如果有可能獨立，就起碼照顧到兩個仔女安全先。
想問樓主你老公對仔女嘅態度係點？你夫婦二人感情又好唔好？點解當初決定生兩個，有冇商議過點樣湊？
6299難頂我明，我都同6299住，都係可以講冇屋企。但你62的確過分咗，可能佢真係以為唔會傳染而刻意挑釁你，做出上述嗰啲對住小朋友咳嘅行為。咁你老公見到仔女真係病咗，佢有冇去勸過父母？
感覺你老公似乎冇盡過做人爸爸嘅責任？
其實，有冇社工/專業人士介入？
我估冰封三尺，非一日之寒。
雙方都可能有做/說過一些令對方難受嘅事/說話。
(可能出發點未必係壞，也可能係逼不得已，但發生左就係發生左）
搵社工/專業人士傾下，睇下有冇得挽救。
至於長遠想搬出去，
係一個大決定，同邊d人搬、點搬、錢、照顧小朋友方面等，都係切實嘅問題。
你本身能夠/有返工嗎？
小朋友可否交在出面幼兒中心拓管？
家中問題未必能夠一下子解決，
但可以嘗試找出原因，雙方/自己努力改善現況。
人妻、媳婦、媽媽不易當，加油！
除左你自己
其實你老公都有責任去處理自己屋企家事…就算你係全職湊小朋友…都唔代表係輕鬆過全職返工o既老公
放工就一定要輕鬆唔理…咁湊小朋友呢？24小時工作仲要照顧埋6299心理上需要？
一家人齊齊整整係要全家(包括你，你老公，6299)去維繫
如果佢肯出一分力…幫手維繫頭家(包括你6299)…結果未必會咁差
不過行到哩一步
不如你諗清楚你自己想點？會唔會再同你老公傾下？考慮下婚姻輔導？真係分開？或者有無經濟能力照顧小朋友？etc…
加油！
2個讚
同意你所講。
我覺得佢老爺係真係無知。覺得唔會傳染俾個孫。又或者希望唔係第2個情況，係特登同佢打對台。本來唔係咁諗但因為覺得事事針對而做。
不過樓主係辛苦既。我諗要俾啲時間等佢諗清楚。要再面對一個受壓既環境都唔易。幾認同你要調整自己心態。不過相信都唔易做。等樓主諗清楚，平衡到邊個環境自己個心會舒服啲，對小朋友好啲。我諗佢先可以走出呢個苦況。
你老爺真係好有問題
你老公咁都唔幫你, 有冇搞錯！
一定要搬出來, 同呢啲人無辦法同住係正常
你好錫兩個B, 你老公點可以咁話你
我好明白連老公都唔幫你果種感受
仲要有咩錯就賴哂你果種無辜
但有啲嘢一定要忍, 忍, 忍
人地話你唔岩, 但你檢討完唔係你嘅錯你一定要相信自己, 同自己對話, 唔好將人地嘅錯怪責自己, 忍到揾到一條出路
加油, 媽媽
1個讚
同意
到頭來最可憐嘅，係一對小朋友…
唉
個隻62咁黑心,一定會有報應 
好多老人家都係咁⋯
時代唔同、思想唔同
我都身同感受，好彩少少，62不在了
而且3個小朋友識得喺，99啲囡面前佢小報告
去完街口罩掛窗口、仲要keep住去飲茶⋯
其實你無做錯,俾著我都會抱仔即走!你而家處境係差,但係你啞忍一樣無好結果, 所以你唔駛自責自己做既決定,首先搵左社工先啦,你有無積蓄?
1個讚
係呀,黑心62攪病小朋友,點會係個媽媽唔岩呢? 肺炎死得人架!
呢D老爺咁痴線, 你老公仲要幫住佢, 其實都真係不宜久留, 同埋如果佢係有心維護頭家, 就唔會偏幫一邊, 對仔女佢無份架咩? 呢D男人跟唔著, 希望樓主早日走出困局
其實我成日覺得莫教人分妻係岩，但JM你今次個CASE我真係講唔出口。
字裡行間見到你既無助同絕望，如果你描述既情況冇加油添醋，其實你老公同6299唔似當你係屋企人…
你講既嘢佢地冇聽，包括一D人所共知對小朋友有害無益既事；你老公唔聽你講，明知你同佢屋企人有衝突都唔肯企出黎調停；小朋友只係用黎玩用黎晒命，但出任何事又係丟返比你又怪你…
FTM可能對頭家要負多d責任，但唔係負責晒所有嘢，一頭家一定係成家人有份個個有責任。FTM最多可能只係做多D家務照顧多D小朋友，但其實他人都要配合先得。
響呢頭家，見到你唔止無地位，直頭已變負數，因為佢地三個人似乎無欣賞過你付出，我睇完都覺得好難過。
通常D人呻都係話屋企環境令小朋友心理上唔健康，但你個Case係身體上都唔健康。作為媽媽，我代入你情境，得一個選擇，搵社工，搵專業協助。呢個世界一定有出路，唔會得崛頭巷，你要快d搵人幫你。
10個讚
做媽媽點都會將仔囡帶離危險，同住唔只心理影響，而家身體已經影響左，唔好諗自己有無屋企，就算有娘家都未必照顧到你地3母子，為母則強，你地係一家3口，為左對仔女，要向前行，你咁愛錫對仔女，更加要愛惜自己，先搵社工或者區議員幫幫手。 樓主要加油!
如果小朋友喺一個咁唔健康的家庭長大,將來一定會有好多問題
為咗小朋友,真係好支持你離開呢個咁荒誕的屋企.只要媽媽你自強,錫小朋友,一定可以俾到快樂佢地.
希望你支持住 
1個讚