作為媽媽個小朋友要係無愛既情況下生活，咁激勵佢地自強？我都係單親家庭大，無家暴，咁點？無愛既情況仲要係咁精神虐大下長大，唔係人人心理咁強大，我到呢刻都覺得我媽當年係應該早d離開，而唔係我睇住佢唔開心受委屈咁多年，有時唔係要教人離婚主張離婚，而係除左物質甚至生存之外，都要有個心智健康既環境呀！
5個讚
我答你，因為我個變態99係好想我地離婚，佢可以全權擁有個仔！老婆娶幾多都得，係某d人眼中只係個仔玩具玩下陪下就得！佢都同我講明個仔所有野成個人都係佢！
Wa…好變態wor！
等等先，最多都係冇父愛啫，我完全感受到母愛喎，我同妹妹都係充滿母愛嘅環境成長架，所以我拍拖個陣更加識分咩係「愛」，更加識揀錫自己嘅男人。同埋當老豆見我哋大個叻女讀到書，就開始知老來要靠我哋，就對我地好左，我亦學識點樣制衡一個惡人，所以我覺得衰老豆對我成長好有幫助 
同埋樓主老公一家明顯錫仔，會帶仔仔飲茶，帶仔仔出街，咁唔多唔少都會得到好處。
我哋當年做小朋友嘅，雖然可以有意見，但最終決定權都係大人到。
咩環境都可以向好嘅方向成長，如果冇肉體虐待，比小朋友早啲習慣世界有呢種衰人仲好
3個讚
當然每個人承受能力同感覺都唔同啦，所以佢feel good係無問題，只係我就接受唔到，可能我都經歷過，當然我都好認同你講，係呢類家庭長大係會堅強d，唔會比人蝦！我都感受到母愛，因為除左媽媽既愛，爸爸既係唔會得到，老實講要乞討返嚟既所謂親子我都唔會想要。我只係用返我自己感受啦，我唔會想自己小朋友咁樣長大，個人係強d係會更錫媽媽，但心靈係會有空缺，我係真心希望當年我媽唔係因為我細想保留所謂完整既家而繼續維持婚姻，因為佢一d都唔開心，然後我會有一種唔係因為我佢唔需要咁委屈，亦都曾經諗，點解個老豆咁仲要生我出嚟，當然純屬個人感受。但完整既家庭真係唔係有爸有媽，而係大家都愛大家。
1個讚
當初佢有咩吸引到你?裙腳仔係個負累，會連累埋下一代，既然佢未戒奶，亳無責任感，不如放佢走。
樓主要學習自強、同意原生家庭真係影響好大、唔係個個家庭係仔女既避風塘
你真係唔可以再倚賴任何人了、男家信唔過、女家唔靠得、誰是誰非都唔好理啦、大家對個家都有不同程度的責任、講真生一個伏就好走啦、你忍到就自己返pt儲d錢、為左兩個小朋友、你可以靠自己建立一個開心健康既家俾佢哋呢
1個讚
有冇諗過揾寄養家庭幫手？唔係話叫你唔要仔女，而係而家你真係搞唔掂，等你settle down所有野，再接返佢地
其實佢冇可能返到pt，一個2y一個8m，根本冇可能，一日48小時都唔夠用唔好話返pt
其實留低同走都難、咁一係忍99湊、當出面搵工人湊都隻眼開隻眼閉、一係忍到上n上K
之前會緊張個老公，會在意佢的感受，佢的一切！
所以先會牽引到我的情緒，佢的說話會傷害到我！
但當你唔再在乎一個人，佢講咩都唔會再影響到我！（當然要時間再慢慢適應啦）
改變心態，當佢係同居的人，個心會好過好多！
我地有我地3個開心玩，佢有佢自己打機玩，
有屋住，有飯食，有錢洗，仲洗理個老公咩？
如果冇小朋友，當然可以好灑脫咁走人啦！
但拖住2個細的，可以點？
最現實，最重要的係經濟問題！
佢事實又冇對我地點，係唔理我地啫，
當好似以前d婚姻咁，一齊生活，平平淡淡，唔洗求佢愛我！佢搵錢，我睇仔女，
之前執著 睇唔開 咪會唔開心囉，
但其實，我地都可以唔洗預佢玩架麻，叫佢俾錢我地出去同朋友玩都可以好開心架！
我諗係仔女角度，屋企有爸爸，個爸爸冇倍佢玩咁囉
1個讚
相見好，同住難！
婚前，婚後，變左第2個人咁…
拍拖果陣好開心架！
佢對我，我家人，自己家人，朋友都好！
婚後生活大家都相處得幾好架，
一切問題都係生左仔之後慢慢出現…
又夾雜埋佢家人，太多太多問題啦，
變到大家都唔鍾意大家…
以前關係幾好都好啦，婚後真係唔可以同男家的人一齊住！
結得婚就應該係新的一頭家！租又好，買又好！一定要脫離原生家庭！搬出去住！
醒覺得太遲啦…搞到大家關係都差晒…
不過都叫做睇清佢地真面目囉
算啦~都過左去，以後我有我地的新生活，唔洗再活係佢地果家人底下！
1個讚
做女人最重要錫自己
愛自己多D…個人開心D
先俾到快樂小朋友
如果你老公有改善
都可以當哩段時間係觀察期
雖然暫時你老公照俾家用…有屋住有飯食
但長遠都要考慮下自己經濟能力
最好就可以有需要都養得起2個小朋友
我之前同6299住
都俾62搞到我好唔開心
最後1家搬出黎住先好D
真係好後悔咁遲先搬
2個讚
呢d咁嘅「家」不要也罷啦！早走早着！
帶住兩個小朋友係麻煩少少，希望你早日安頓好，有需要揾機構或者區議員。
無追post, 你住邊區架？如果近睇吓有無野幫到你
4個讚
係有菌先會發炎囉，啲老一輩係咁