又loop返去農村，人力=資產
1個讚
咁其實好多時都係窮人既環境局限左佢地既見識
家累真心慘
我都感受中
有d父母真係幾十歲人都冇乜金錢觀念，cheap嘢買埋一大堆又唔用，話佢又會講，幾百蚊之嘛…
1個讚
由細到大俾人笑睇死，窮到二百元拎唔到，就發奮圖強讀博士⋯⋯
睇下呢個漫畫，現實就係貧窮會跟一世，只有好少數可以脫貧
1個讚
係BBC 56up
有興趣可以去搵黎睇，基本上就係講咩階層嘅家庭係會傳比下一代。
小朋友成唔成材都好睇你有冇資源去栽培，教養係重要但冇資源配合小朋友仍然都會成為一個有教養嘅低下階層
2個讚
報咁多樣都係想比佢嘗試下，幫佢搵出有天分有興趣既技能出黎，唔中意既隨時可以取消。
有朋友細細父母就幫佢搵十幾種興趣班，最後cut淨兩樣，學足十幾年。我覺得窮人家庭就冇呢啲機會，埋沒左好多可能性
4個讚
無錯，有資源既人學樂器可以試勻鋼琴、小提琴、長笛甚至巴松管、 單簧管再去揀。但窮既小朋友唔好話試，可能連件樂器都冇見過。
2個讚
窮人好多時都無錢無時間，又或者無咁有目光去長時間投資落仔女身上
當然你可以話，總有窮父母唔係咁，但事實係數目唔多囉
再者社會其他人都會進化，當窮人可以報興趣班時，中產以上又玩緊另一啲野
所以窮人只要顧好自己就好，加上香港環境都唔適合生仔
我個親戚買到成屋衫褲鞋襪之後都話好D野好平之嘛，佢冇諗過加埋條數就好大，同埋平唔代表要買架嘛。而且佢有錢不停買波鞋但個仔學嘢就話天生天養自己細個都乜都冇學…呢D態度真係唔應該生。
1個讚
見識都係硬件野，如果心態係覺得自己已經識好多，咁有再多機會俾佢都冇用。香港就係有呢種人先會影響到自己小朋友的發展機會。
最老土就係話以前細個點點點…幾十年前同而家點同呀
d人最鐘意講以前廿歲先坐飛機，咁我父母輩中年先坐飛機添… 唔通幾十年後都冇進步咩
2個讚
見都冇見過真係 貧窮限制想像
識人農村落香港，佢又唔知自己井底之蛙，去次旅行就扮xx通…我地唔係你鄉下d人，我地十幾歲就見識過架啦
1個讚
大家又點睇前新加坡總理提出的優生學政策？
其實我係buy, 中產相對多資源同視野培養下一代。不過講親優生學就會trigger好多人神經
2個讚
都受不少人抨擊，夠老實講明要優質人口。
小朋友係運動訓練過程建立到自信，係錢買唔到。
我小朋友運動有天份，我亦花好多時間同金錢去栽培佢，同樣比人串做運動員揾唔到飯食，晒時間去訓練，不如去補習好過。
對於我嚟講，我重視佢訓練所學得既堅毅，多過獎牌。我小朋友得六七歲，佢夢想係參加奧運，好多人笑佢，話就算攞到金牌都做乞衣，但我十分支持佢。
跑得快入唔入到神科我唔知，但港隊有入大學係有分加，不論本地定海外大學。
3個讚
咁樣只會製造更多社會不公平現象.
窮人更加難向上流, 最終結局革命收埸, 人民推翻政府.
1個讚
中晒。佢地既洗錢模式真係好影響財政。
佢地會話依家儲起舊錢放銀行都好低息之嘛、都唔知要儲幾耐先買到一手股票/樓(whatever la)，到最後都係不如食左去啦、不如去旅行見識下仲好啦(但見識極都係日本台灣)。但係佢地冇諗過萬事要先儲錢先可以去下一步。
如果有細路都仲係咁既諗法，根本就冇考慮過要留D資產/資本比下一代。
話又說回來，好多人覺得自己搵得少都要富養個小朋友比去「見識」。好似見到隔離小明學小提琴，我又要比個仔學；人地暑假去歐洲交流，我都要比個仔參加。呢種疑似「富養」既態度對小朋友成長都好不利︰
1, 萬一有一日收入供唔起，小朋友既「富養」斷左攬，對佢地會做成打擊，甚至自怨自艾，埋怨父母。
2, 好多人消費模式會over自己收入，追逐比自己收入高一級既生活，永遠都唔會夠錢，亦好大機會留唔到錢。人享受過又會想再上一級，呢個消費圈係無止境既循環，但搵錢既能力同態度又未必追得上，咁唔係一個好既身教。(題外話︰所以我要keep住自己生活水平比收入跌一級，咁就可以ensure收入能夠滿足到我既生活模式。)
3, 呢個年代，唔係無限量投資落小朋友度就一定會有對等回報，唔係錢，而係小朋友既得著同滿足感(個能力幫唔幫到佢搵錢係後話)。如果將興趣班量化，每投資1落去，每個興趣班唔一定比返1你，可能佢有畫畫才能，小朋友得到既係2，佢冇跳舞才能，得到既係0.5，照咁睇跳舞應該要cut左去。學興趣班真係唔應該人云亦云，係要依小朋友興趣為大前題。
慳返既錢可以用黎做其他投資，到最後咪一樣留返落個小朋友度。
4, 除左錢，其實時間、精神同體力都係資源。小朋友既時間唔應該全部都用黎上興趣班，人係應該留白，比時間去做自己鐘意既嘢，就算發呆都係思考黎。Steve Jobs都講過apple係佢發呆時諗出黎。所以真係唔好覺得要填滿個細路，應該要學識比返一定時間、精神同體力佢自己做自主。
6個讚