但正常大大下會甩，價值觀呢家嘢…要培養
我明，佢哋仲會約七點食飯，六點半就去到果隻，不只先叫前菜，仲會研究埋菜單，到你坐低後立即就迫大家跟著佢的菜單叫
全中，係咁話，好肚餓好肚餓
原來午餐就係一杯珍珠奶茶
下次唔再俾佢揀地點啦，直接約去任食地方啦
面已反…成group人知道佢係咁都冇叫佢啦
當然佢唔止一單cheap事
1個讚
窮人思維其實係一種財務上概念。
真正意思唔係講你收入多與少， 等如樓上都有人講揾十萬八萬都可以覺得好窮一樣， 窮的原因是因為財政支出大過收入。
點解大多數窮人永遠覺得唔夠錢洗？ 最主要原因係窮人永遠只會靠用勞力賺取收入， 而不懂得運用智慧或財務知識令金錢為自己賺取更多金錢。
例如窮人會用自己打工收入俾$10,000 買部Iphone, 但有錢人思維係會想辦法用錢先買資產， 再用資產賺點回來的錢 Iphone.
另外在現今世代， 貨幣貶值亦都係從窮人手中搶走不少金錢，最可怕係窮人不知道貨幣貶值令自己手中的金錢減少， 以為每日再慳啲洗錢就可以過到正常日子。 但金錢世界是萬惡的， 無限QE 其實就係不繼搶走窮人的銀行存款，你儲錢的速度絕對唔會及貶值速度快的。
簡單黎講要擺脫貧窮， 必須要打破舊有思維， 要令自己及下一代明白到要改善生活，並不只靠工作收入。否則窮忙一生， 到老都係一場空。
所以窮人同樣係有權利生仔， 只係同時要想辦法擺脫貧窮才是上策！
7個讚
其實有方法解決，但唔多人諗到，同埋無年願意咁做
窮人生小朋友唔緊要，只要佢有計劃去一步步變好，上進就ok，例如住劏房，有申請公屋，終有一天會上樓，上到樓之後租金輕鬆就有錢去俾小朋友上興趣班，興趣班豐儉由人，社區中心都有得上，起碼小朋友叫見識過課外活動的知識。
但如果自己都無計劃去改變困局，什至對子女學業或者香港學制一無所知，兩公婆日夜嘈，小朋友跟住捱世界，倒不如不要生。
1個讚
謝謝你詳細的解答。
佢個仔真係"生性" 
雖然佢把口衰
但的確拎綜援仲要生仔係會俾人歧視
佢地對點樣錢生錢根本無認識, 只係識慳, 耳濡目染之下, 下一代都會以為慳就可以儲到錢有將來, 但其實係擺脫唔到貧窮. 同埋佢地未必有渠道學習到如何錢生錢, 又或者投資左一次損手之後就唔敢投資, 結果都係反回基本步, 以慳作為儲蓄的方法
2個讚
窮人即使逐漸改善生活，一樣輸係起跑線上，先唔講劏房到公屋中間要幾多年
好多窮人父母止步於公屋水平，結果仔女一出身又要養老豆老母，繼續成世為貧窮…
窮人生仔最大問題係父母極大機會將貧窮或者脫貧責任，傳埋落下一代
令到下一代好多時身不由己，你見窮人仔女同中產/有錢人仔女一出職場諗場可以好唔多
後者相當唔一定要搵工，會多咗好多可能性，又唔使有咁多生活壓力
講真，窮人唔生仔自己顧自己，生活已經過得去
就算你話窮人有計劃/對學制有認知，可以幫到仔女，但客觀物質條件差就差，已經唔係咁易追得上，更加唔好講現實有幾多窮人真係識咁多野／有咁多時間搞
結果窮人生仔反而累多一代
6個讚
呢個就係家累
曾經聽過老公話睇過外國既一個節目。係長時間追蹤3個高中低階層既人。佢地發現。大部份既人其實只會停留係佢自己果個階層。只係好似話得1個可以升佐1個grade。我又唔會覺得pk咁誇。但唔好真係唔識教。又冇愛。咁其實係邊個階層都唔應該生吧？
其實好正常，唔同圈子話題都唔同，小朋友暑假去長洲宿營、去長隆酒店、去台灣、去日本、定美國歐洲已經好大分別。
我身邊有有錢人朋友，不過因為佢肯紓尊降貴先溝通到，起碼佢肯一齊食車仔麵拮魚蛋，但同佢買嘢都唔洗睇價錢。但其他人同枱食飯真係搭唔到咀，人哋講緊係搭開頭等去英國shopping ，唔通我話要等佢減價先會買咩？
我自己就認為連自己都搞唔掂，就真係唔好生，見到d劏房我都唔想住，唔好為滿足自己要下一代陪自己捱，今時唔同往日，唔係話有愛心有關懷識教就足夠。
4個讚
“養兒防老”，本身就係一項虛假投資服務。仔女喺人，識行識走，唔同基金，死物。你選擇養兒，兒女亦都可以選擇不養，大家又冇簽合同。
2個讚
係既。大前題一定係攪得掂自己。
不過有些奇怪現象係。越窮攞綜援仲生得多去攞多啲錢。我見過呢啲真係好想鬧人。。。
1個讚
窮本身冇問題，本來一個地方就係要有基層，睇下窮成點啦！拎綜援呃公屋仲要生幾件果啲先衰，將來亦教唔出一個自力更生嘅人，只會延續跨代貧窮。
冇錢問題細啲，但係窮人思想真係累死小朋友。上一代冇學識都仲可以教品德，最衰有啲目光淺窄又死要面，小朋友遇唔到貴人只會一世抬唔起頭做人。
2個讚
成件事好清晰，窮人思維又未必唔識投資，好多人窮都可能輸響亂咁投資